Habarlar
Habarlar
Türkmenistan üç sany täze serhetüsti optiki-süýümli aragatnaşyk ugurlaryny gurýar
Türkmenistan telekommunikasiýa infrastrukturasyny döwrebaplaşdyrýar: 2028-nji ýyla çenli halkara optiki-süýümli aragatnaşyk ugurlarynyň sany 11-e ýetiriler. Türkmenistanyň Aragatnaşyk ministrligi ykdysadyýetiň sanly özgertmelerine gönükdirilen giň möçberli maksatnamany durmuşa geçirýär. 2026–2028-nji ýyllar üçin Döwlet maksatnamasynyň çäginde täze serhetüsti optiki-süýümli magistrallaryň gurluşygy meýilleşdirilýär.
Türkmenistanyň Prezidenti Eýran Yslam Respublikasynyň Prezidentini gutlady
Hormatly Prezidentimiz Serdar Berdimuhamedow Eýran Yslam Respublikasynyň Prezidenti Masud Pezeşkiana we ýurduň halkyna Eýran Yslam Respublikasynyň milli baýramy — Ynkylap güni mynasybetli tüýs ýürekden gutlaglaryny hem-de iň gowy arzuwlaryny iberdi.
“Arkadag”-“Al-Nasr” duşuşygyny dünýäniň 168 ýurdunda tomaşa ediler
Aşgabatda geçiriljek AFK-nyň II Çempionlar ligasynyň 1/8 final tapgyrynda «Arkadag» we «Al-Nasr» toparlarynyň arasyndaky duşuşygyň öňüsyrasynda metbugat maslahaty geçirildi. Oňa “Ata Watan Media” topary hem çagyryldy. “Arkadag” futbol topary – türkmen futbolynyň buýsanjy we geljegi” atly metbugat maslahaty Olimpiýa şäherçesiniň Halkara ýaýlyma beriş merkezinde geçirildi.
Aşgabatda IFT 2026 halkara forumy geçiriler
Türkmenistanyň hususy pudagyna maýa goýumlaryny çekmäge bagyşlanan “Türkmenistanyň geljegine maýa goýumlar” (IFT 2026) atly halkara forum 2026-njy ýylyň 18-nji martynda Türkmenistanyň Söwda-senagat edarasynda geçiriler. Bu barada “TMT Consulting Group” kompaniýasy habar berdi.
“Aýdyň Gijeler” Eswatini Patyşalygyna SIM-kartlary we LED çyralary eksport eder
“Aýdyň Gijeler” hojalyk jemgyýeti Eswatini Patyşalygyna amala aşyran iş saparynyň çäklerinde bir million SIM-karty we otuz müň alýumin gabaraly LED çyralaryny Patyşalyga ýollamak boýunça anyk ylalaşyklary gazandy. Bu barada “Rysgal” gazetiniň duşenbe günindäki sanynda habar berýär.
Türkmenistanyň Prezidenti Türkiýe Respublikasynyň söwda ministrini kabul etdi
10-njy fewralda hormatly Prezidentimiz Serdar Berdimuhamedow ýurdumyza sapar bilen gelen Türkiýe Respublikasynyň söwda ministri Ömer Bolaty kabul etdi.
«Arkadag» futbol topary dünýä metbugatynyň üns merkezinde
9-njy fewralda paýtagtymyzda «Arkadag» futbol topary — türkmen futbolynyň buýsanjy we geljegi» atly metbugat maslahaty geçirildi.
Türkmenistanyň Prezidenti iş maslahatyny geçirdi
9-njy fewralda hormatly Prezidentimiz Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda iş maslahatyny geçirdi. Onda ýurdumyzyň oba hojalyk toplumynda we welaýatlarda alnyp barylýan işler bilen baglanyşykly meselelere garaldy.
BMG-niň Türkmenistandaky Hemişelik utgaşdyryjysy we Merkezi Aziýa ýurtlarynyň Ilçileri bilen duşuşyk geçirildi
2026-njy ýylyň 9-njy fewralynda Türkmenistanyň Daşary işler ministriniň orunbasary Mähri Bäşimowa BMG-niň Türkmenistandaky Hemişelik utgaşdyryjysy Dmitriý Şlapaçenko hem-de Merkezi Aziýa ýurtlarynyň Türkmenistandaky Ilçileri bilen duşuşyk geçirdi. Bu barada Türkmenistanyň DIM-niň web-saýtynda habar berilýär.
Türkmenistanda ulaglar arkaly ýük daşamagyň ösüşi 101,4 göterime deň boldy
Türkmenistanyň Ministrler Kabinetiniň Başlygynyň orunbasary Mämmethan Çakyýew anna güni sanly ulgam arkaly geçirilen Ministrler Kabinetiniň nobatdaky mejlisinde gözegçilik edýän düzümlerinde 2026-njy ýylyň ýanwar aýynda ýerine ýetirilen işleriň netijeleri barada hasabat berdi. Bellenilişi ýaly, hasabat döwründe awtomobil, demir ýol, howa, deňiz we derýa ulaglary arkaly ýük daşamagyň ösüş depgini 101,4 göterime, ýolagçy gatnatmagyň ösüş depgini bolsa 103,4 göterime barabar boldy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.