Habarlar
Habarlar
Türkmenistan Hazarüsti söwda ýoly boýunça Nýu-Ýorkda geçirilen duşuşyga gatnaşdy
23-nji sentýabrda Türkmenistanyň ABŞ-daky ilçisi Esen Aýdogdyýew Nýu-Ýorkda BMG-niň Baş Assambleýasynyň 81-nji sessiýasynyň çäklerinde geçirilen «Parahatçylyk arkaly abadançylyk: Hazarüsti söwda ýoluna we TRIPP-e maýa goýum» atly çärä gatnaşdy.
Hormatly Prezidentimiz Serdar Berdimuhamedow we türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Gurbanguly Berdimuhamedow Türkmenistanyň Prezidentiniň Ahalteke atçylyk toplumynyň açylyş dabarasyna gatnaşdylar
29-njy sentýabrda “Garaşsyz, baky Bitarap Türkmenistan — bedew batly at-myradyň mekany” ýylynyň möhüm ähmiýetli wakalarynyň üstüni ýetiren taryhy pursatlar bolup geçdi. Köpetdagyň eteginiň gözel künjegindäki Türkmenistanyň Prezidentiniň 1200 orunlyk Ahalteke atçylyk toplumynyň açylyş dabarasyna hormatly Prezidentimiz we Gahryman Arkadagymyz gatnaşdylar. Bu bolsa häzirki döwrüň şanly wakalarynyň many-mazmun taýdan baýlaşmagyny şertlendirdi.
Türkmenistanda Aşgabat — Daşoguz awtomobil ýolunyň durky täzelener
Türkmenistanda şu ýyl möhüm ähmiýeti bolan Aşgabat — Daşoguz awtomobil ýolunyň durkuny täzelemek işine badalga bermek meýilleşdirilýär. Bu barada Türkmenistanyň Prezidenti Serdar Berdimuhamedow Türkmenistanyň Halk Maslahatynyň mejlisiniň dowamynda eden çykyşynda aýtdy, diýip Türkmenistanyň resmi metbugaty habar berýär.
Türkmen hünärmenleri sanly dolandyryş boýunça sebit okuw maksatnamasyna gatnaşýarlar
Özbegistanda geçirilen «ICT Week Uzbekistan 2026» çäresiniň çäklerinde Daşkentde Merkezi Aziýanyň bäş ýurdunyň — Gazagystanyň, Gyrgyzystanyň, Täjigistanyň, Türkmenistanyň we Özbegistanyň degişli döwlet edaralarynyň wekilleri sebit derejesindäki Sanly dolandyryş boýunça okuw maksatnamasynyň (Digital Governance Training Programme) çärelerine gatnaşdylar.
Halal we göreldeli zähmetiň döwlet derejesinde sarpalanmagy
24-nji sentýabrda paýtagtymyzda hormatly Prezidentimiziň tabşyrygyna laýyklykda, milli ykdysadyýetimiziň pudaklarynda işläp, halal zähmeti bilen ýurdumyzyň durmuş-ykdysady taýdan ösüşine, giň gerimli özgertmeleriň üstünlikli durmuşa geçirilmegine mynasyp goşandyny goşmak arkaly tapawutlanan işgärlere döwlet sylaglaryny gowşurmak we hormatly atlary dakmak dabaralary geçirildi.
Türkmen halkynyň Milli Lideri, Türkmenistanyň Halk Maslahatynyň Başlygy Russiýa Federasiýasynyň Tatarystan Respublikasynyň Baştutany bilen duşuşdy
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Watanymyzyň Garaşsyzlyk güni mynasybetli dabaralara gatnaşmak üçin ýurdumyza sapar bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy.
Hormatly Prezidentimiz Serdar Berdimuhamedow Garaşsyzlygyň 35 ýyllygy mynasybetli dabaralara gatnaşdy
Türkmenistanyň Garaşsyzlygynyň 35 ýyllyk şanly baýramy mynasybetli hormatly Prezidentimiz Serdar Berdimuhamedow Garaşsyzlyk binasyna gül goýmak dabarasyna gatnaşdy. Döwletimiziň berkararlygynyň, halkymyzyň erkinliginiň we özygtyýarlylygynyň nyşany bolan bu ajaýyp binagärlik toplumynda geçirilen dabara Garaşsyzlygyň taryhy ähmiýetini ýene-de bir gezek alamatlandyrdy.
Türkmenistanda 28-nji sentýabr iş güni däl diýip yglan edildi
Türkmenistanyň Prezidenti Serdar Berdimuhamedow 2026-njy ýylyň 28-nji sentýabryny iş güni däl diýip yglan etmek hakynda Permana gol çekdi. Şeýle hem Permana laýyklykda, 27-nji sentýabrdaky dynç güni 29-njy sentýabra — sişenbe gününe geçirilýär.
Türkmenistan Pekinde geçirilýän Durnukly ulag boýunça ählumumy foruma gatnaşýar
Türkmenistan Pekinde 22–23-nji sentýabr aralygynda geçirilen 2026-njy ýylyň Durnukly ulag boýunça ählumumy forumyna gatnaşýar. Forumyň çäklerinde Transhazar halkara ulag geçelgesi boýunça ýokary derejeli duşuşyk geçirilip, oňa Türkmenistanyň Deňiz we derýa ulaglary boýunça döwlet gullugynyň başlygynyň orunbasary gatnaşdy. Bu barada Türkmenbaşy Halkara deňiz portunyň resmi sosial sahypasynda habar berildi.
Türkmen halkynyň Milli Lideri Türkmenistanyň Prezidentini Garaşsyzlygyň 35 ýyllygy bilen gutlady
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkmenistanyň Prezidenti Serdar Berdimuhamedowa Türkmenistanyň Garaşsyzlygynyň şanly 35 ýyllygy mynasybetli gutlag Hatyny iberdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.