Habarlar
Habarlar
Paýtagtymyzda syýahatçylyk pudagyna bagyşlanan halkara forum geçirilýär
14-nji aprelde paýtagtymyzda «Turkmentravel — 2026» atly halkara syýahatçylyk sergisi we maslahaty öz işine başlady. Forumyň maksady Türkmenistanyň syýahatçylyk mümkinçilikleri bilen giňden tanyşdyrmakdan, halkara kompaniýalar bilen özara bähbitli hyzmatdaşlygy ösdürmekden hem-de degişli ugurda öňdebaryjy tejribeleri we usullary öwrenmekden ybaratdyr.
Gahryman Arkadagymyz hem-de HHR-iň Döwlet Geňeşiniň Premýeriniň birinji orunbasary «Galkynyş» gaz käniniň dördünji tapgyryny özleşdirmäge badalga bermek dabarasyna gatnaşdylar
17-nji aprelde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň hem-de Hytaýyň Kommunistik partiýasynyň Merkezi komitetiniň Syýasy býurosynyň hemişelik komitetiniň agzasy, HHR-iň Döwlet Geňeşiniň Premýeriniň birinji orunbasary Din Sýuesýanyň gatnaşmagynda «Galkynyş» gaz känini burawlamak işlerine badalga bermek dabarasy geçirildi.
«Türkmenhowaýollary» awiakompaniýasy Kazan – Aşgabat ugry boýunça awiapetekleriň bahasyny arzanlatdy
«Türkmenistan» awiakompaniýasy» açyk görnüşli paýdarlar jemgyýetiniň Russiýa Federasiýasyndaky baş agenti aprel-maý aýlary üçin Kazan-Aşgabat ugry boýunça uçuşlara awiapletleriň bahasynyň arzanladylandygyny yglan etdi.
«Türkmenistan» awiakompaniýasy hünärmenleri işe çagyrýar
«Türkmenistan» awiakompaniýasy» açyk görnüşli paýdarlar jemgyýeti awiasiýa ulgamynda ýokary we orta hünär bilimi bolan hünärmenleri işe kabul edýändigini yglan edýär. Boş iş orunlary üçin 2015-2025-nji ýyllar aralygynda okuwyny tamamlan, uçuş enjamlarynyň we hereketlendirijileriniň tehniki ulanylyşy hem-de howa gämileriniň awiasion we radioelektron enjamlaryny tehniki taýdan ulanmak hünärleri boýunça bilim alan dalaşgärlere garaşylýar.
Türkmenistanyň Ministrler Kabinetiniň mejlisi
18-nji aprelde hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi.
Bütindünýä banky Hazar deňziniň ekoulgamyny dikeltmek boýunça taslamany maliýeleşdirmegi tassyklady
Bütindünýä banky Hazar deňziniň ekoulgamyny dikeltmäge hem-de sebit ýurtlarynyň hapalanmagy dolandyrmak we biologik köpdürlüligi gorap saklamak ugurlarynda mümkinçiliklerini pugtalandyrmaga gönükdirilen ekologik başlangyjy maliýeleşdirmegi tassyklady. Bu barada “Trend” agentligi duşenbe güni habar berdi.
DÖWREBAP MERKEZ
Gahryman Arkadagymyzyň, Arkadagly Gahryman Serdarymyzyň baştutanlygynda Watanymyzyň geljegi bolan ýaş nesilleriň okamagy öwrenmegi döretmegi üçin uly mümkinçilikler döredilýär. Talyp ýaşlarymyzyň ýokary okuw jaýlarynda dünýä ülňülerine laýyk gelýän ösen tehnologiýalar bilen enjamlaşdyrylan labaratoriýalarda okan zatlaryny tejribe usulda özleşdirmekleri olaryň okuw sapaklaryna bolan höwesini hasda artdyrýar.
Gahryman Arkadagymyz HHR-iň Döwlet Geňeşiniň Premýeriniň birinji orunbasary bilen duşuşdy
15-nji aprelde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Hytaý Halk Respublikasynyň Başlygy Si Szinpiniň tabşyrygy boýunça ýurdumyza sapar bilen gelen Hytaýyň Kommunistik partiýasynyň Merkezi komitetiniň Syýasy býurosynyň hemişelik komitetiniň agzasy, Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýan bilen duşuşdy.
Türkmenistanyň Prezidenti Italiýa Respublikasynyň Adatdan daşary we Doly ygtyýarly ilçisini kabul etdi
15-nji aprelde hormatly Prezidentimiz Serdar Berdimuhamedow Italiýa Respublikasynyň Türkmenistanda täze bellenilen Adatdan daşary we Doly ygtyýarly ilçisi Martin Brugy kabul etdi. Ol döwlet Baştutanymyza ynanç hatyny gowşurdy.
“Türkmenistan” awiakompaniýasy Türkiýede okuw üçin talyplary kabul edýär
Türkmenistanyň milli awiakompaniýasy geljekki hünärmenlere maýa goýýar: Ankarada ýerleşýän Türkiýäniň Awiasiýa Assosiasiýasynyň Uniwersitetinde uçarmanlary taýýarlamak boýunça dört ýyllyk maksatnama üçin resminamalaryň kabul edilişi açyldy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.