Habarlar
Habarlar
Aşgabat şäher häkimligi täze sanly hyzmaty ýola goýdy
Aşgabat şäher häkimligi Ýaşaýyş jaýlaryny hasaba alyş, paýlaýyş we resmileşdiriş müdirliginiň «Ýazga durmak» boýunça hyzmatynyň indi dolulygyna sanly görnüşe geçirilendigini mälim edýär.
Türkmenistanyň Prezidenti BMG-niň Azyk we oba hojalyk guramasynyň ýolbaşçysyny kabul etdi
21-nji ýanwarda hormatly Prezidentimiz Serdar Berdimuhamedow Birleşen Milletler Guramasynyň Azyk we oba hojalyk guramasynyň Baş direktory Suý Dunýuýy kabul etdi.
Türkmenistanyň Döwlet howpsuzlyk geňeşiniň giňişleýin mejlisi
21-nji ýanwarda Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Serdar Berdimuhamedow Döwlet howpsuzlyk geňeşiniň giňişleýin göçme mejlisini geçirdi. Onda harby we hukuk goraýjy edaralar tarapyndan 2025-nji ýylda alnyp barlan işleriň netijelerine seredildi hem-de şu ýylda bu düzümleriň öňünde durýan esasy wezipeler kesgitlenildi.
SPECA hepdeliginiň çäklerinde geçirilýän ykdysady foruma gatnaşyjylara
Sizi «Garaşsyz, baky Bitarap Türkmenistan — bedew batly at-myradyň mekany» ýylynda Birleşen Milletler Guramasynyň Merkezi Aziýa ýurtlarynyň ykdysadyýetleri üçin Ýörite maksatnamasynyň (SPECA) hepdeliginiň çäklerinde ak şäherimiz Aşgabatda geçirilýän ykdysady forumyň öz işine başlamagy bilen tüýs ýürekden gutlaýaryn.
Aragatnaşyk hyzmaty kämilleşdirilýär
Daşoguz welaýatynyň Gubadag etrabynda uzak durumlylygy, geçirijilik göwrüminiň giňligi we hyzmatynyň ygtybarlylygy bilen tapawutlanýan optiki-süýümli geçirijileriň 100 kilometrden gowragy çekildi. Munuň özi şäher we oba ilatyna edilýän aragatnaşyk hyzmatynyň hiliniň ýokarlanmagyna hem-de möçberiniň artmagyna mümkinçilik berýär.
Türkmenistan FIFA-nyň milli ýygyndylar reýtingindäki ornuny saklap galdy
2026-njy ýylda Halkara futbol federasiýasynyň (FIFA) milli ýygyndylar reýtinginiň ilkinji täzelenmesiniň jemlerine laýyklykda Türkmenistanyň milli ýygyndysy öz ornuny saklap galdy. Türkmenistanyň ýygyndysy 137-nji orny eýeläp, Filippinleriň ýygyndysy (136-njy orun) bilen Merkezi Afrika Respublikasynyň ýygyndysynyň (138-nji orun) arasynda ýerleşýär.
Döwlet hyzmatlary portalynda «Türkmenistan» Döwlet täjirçilik bankynyň kartlary üçin onlaýn arza tabşyrmak ulgamy elýeterlidir
Türkmenistanyň e.gov.tm Bitewi döwlet hyzmatlary portaly arkaly «Türkmenistan» Döwlet täjirçilik bankynyň kartlaryny resmileşdirmek üçin onlaýn arza tabşyrmak ulgamy elýeterlidir.
Türkmenistanda ýükleri daşamagy amala aşyrýanlaryň işini düzgünleşdirýän täze kadalaşdyryjy resminama bellige alyndy
Türkmenistanyň Adalat ministrligi 2026-njy ýylyň 13-nji ýanwarynda ýükleri, ýolagçylary we goşlary awtomobil ulagynda daşamak işini amala aşyrýanlaryň işini düzgünleşdirýän täze kadalaşdyryjy resminamany döwlet tarapyndan bellige aldy.
Sanly.tm portaly işewürligi sanlylaşdyrmaga we maglumatlaryň goragly alyş-çalyş edilmegine ýardam berýär
«Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň hünärmenleri tarapyndan döredilen Türkmenistanyň milli sanly portaly Sanly.tmulanyjylara işewürlik proseslerini awtomatlaşdyrmak hem-de maglumatlaryň ygtybarly alyş-çalyş edilmegi üçin gurallary hödürleýär.
Türkmenistan Aziýa — Ýuwaş umman sebiti bilen söwda amallaryny ýeňilleşdirmek boýunça pudagara topary döreder
Türkmenistanyň Ministrler Kabinetiniň Başlygynyň orunbasary Nökerguly Atagulyýew 16-njy ýanwarda geçirilen Hökümet mejlisinde ýurdumyzyň goşulyşan Aziýa — Ýuwaş umman sebitinde serhetüsti söwdany ýeňilleşdirmek hakynda çarçuwaly Ylalaşygyny ýerine ýetirmek boýunça alnyp barylýan işler barada hasabat berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.