Habarlar
Habarlar
Türkmenistanda bugdaý oragyny guramaçylykly geçirmek boýunça döwlet topary döredildi
Türkmenistanda 2025-nji ýylda galla oragyny guramaçylykly geçirmek boýunça döwlet topary döredildi we onuň düzümi tassyklanyldy. «Watan» habarlar gepleşiginde habar berlişi ýaly, Türkmenistanyň Prezidenti Serdar Berdimuhamedow degişli Karara gol çekdi.
“KazanForum”: Demirgazyk-Günorta ulag geçelgesi boýunça täze taslamalar hödürlener
Şu ýylyň maý aýynyň 13-18-i aralygynda Russiýanyň Tatarystan Respublikasynda “Russiýa-Yslam dünýäsi: KazanForum” halkara ykdysady forumy geçiriler. Öňde boljak forumyň gün tertibiniň esasy ugurlarynyň birini ulag ulgamyndaky hyzmatdaşlyk eýelär. Onda Demirgazyk-Günorta halkara ulag geçelgesi boýunça täze taslamalar ara alnyp maslahatlaşylar.
«Awaza» milli syýahatçylyk zolagynda parlamentara forumy geçiriler
Balkan welaýatynda iş saparynda bolan hormatly Prezidentimiz Serdar Berdimuhamedow Ministrler Kabinetiniň giňişleýin göçme mejlisini geçirdi. Onda şu ýylyň awgustynda «Awaza» milli syýahatçylyk zolagynda guraljak Birleşen Milletler Guramasynyň deňze çykalgasy bolmadyk ösüp barýan döwletler boýunça üçünji halkara maslahatyna taýýarlyk görmek bilen bagly meselelere garaldy.
Balkanabatdaky täze howa menziline halkara güwänamalaryň 4-si berildi
Mälim bolşy ýaly, 2-nji maýda Türkmenistanyň Prezidenti Serdar Berdimuhamedowyň gatnaşmagynda Balkanabat Halkara howa menziliniň açylyş dabarasy boldy.
"Türkmenistan" awiakompaniýasy halkara gatnawlaryñ tertibini täzeledi
"Türkmenistan" awiakompaniýasy halkara uçuşlaryñ täze tertibi bilen tanyşdyrdy. Täzelenen gatnaw tertibi 1-nji maýdan başlap güýje girip, 2025-nji ýylyñ 25-nji oktýabryna çenli hereket eder.
Bütindünýä gümrük guramasynyň Sebitleýin okuw merkezi derejesi berilýär
Ýaňy-ýakynda Brýussel şäherinde geçirilen Bütindünýä gümrük guramasynyň (BGG) Ýewropa sebitindäki agza döwletleriniň gümrük ýolbaşçylarynyň ýyllyk maslahatynda Türkmenistanyň döwlet gümrük gullugynyň Okuw merkezine BGG-niň Sebitleýin okuw merkezi derejesiniň berilmegi baradaky teklip biragyzdan goldanyldy.
Bişkek şäherinde Ulag, üstaşyr geçelgeler we logistika boýunça türkmen-gyrgyz toparynyň ilkinji mejlisiniň Teswirnamasyna gol çekildi
Ýakynda Gyrgyzystanyň paýtagtynda geçirilen Ulag, üstaşyr geçelgeler we logistika boýunça türkmen-gyrgyz toparynyň ilkinji mejlisiniň dowamynda birnäçe ileri tutulýan ugurlar boýunça gazanylan ylalaşyklary berkidýän Teswirnama gol çekildi.
Uruş weteranlaryna Türkmenistanyň Prezidentiniň adyndan sowgatlar dabaraly ýagdaýda gowşurylar
1941—1945-nji ýyllaryň Beýik Watançylyk urşuna gatnaşyjylaryň söweşlerde görkezen deňsiz-taýsyz gahrymançylygyny hem-de uruş ýyllarynda tylda zähmet çeken ak saçly enelerimiziň nusgalyk edermenligini hormatlap,, şeýle hem Beýik Ýeňşiň 80 ýyllygy mynasybetli, Türkmenistanyň Prezidenti Permana gol çekdi.
Watanymyzyň ykdysady kuwwatyny pugtalandyrmak, halkymyzyň abadançylygyny üpjün etmek — döwlet syýasatynyň baş maksady
Hemişelik Bitaraplygymyzyň 30 ýyllygyna beslenýän Halkara parahatçylyk we ynanyşmak ýylynda ýurdumyzda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň asylly başlangyçlaryny üstünlikli dowam etdirýän hormatly Prezidentimiz Serdar Berdimuhamedowyň baştutanlygynda halkara hyzmatdaşlygyň gerimini has-da giňeltmäge, özara bähbitli taslamalary durmuşa geçirmäge gönükdirilen köpugurly işler amala aşyrylýar.
Türkmenistanyň Prezidenti Serdar Berdimuhamedowyň Balkanabat Halkara howa menziliniň açylyş dabarasyndaky çykyşy
Berkarar döwletiň täze eýýamynyň Galkynyşy döwrüniň her bir güni taryhy wakalara, zähmet üstünliklerine beslenýär. Ynha, şu gün hem Halkara parahatçylyk we ynanyşmak ýylynyň rowaçlyklara beslenýän günlerinde Balkanabat Halkara howa menziliniň açylyş dabarasyna gatnaşýarys.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.