Habarlar / TÄZELIKLER
TÄZELIKLER
Hytaýyň Türkmenistandaky ilçisi täze “Yutong” awtobuslarynda tanyşdyryş saparyny amala aşyrdy
Aşgabatda şäher infrastrukturasynyň ösüşi üçin möhüm waka bolup geçdi. Paýtagtyň jemgyýetçilik ulaglaryny döwrebaplaşdyrmak boýunça giň möçberli maksatnamanyň çäginde Hytaýyň “Yutong” kompaniýasynyň önümçiliginden 700 sany täze awtobus gelip gowuşdy.
Awtoulag sürüjilik okuwlaryna ýazylmak onlaýn ýagdaýda e.gov.tm arkaly elýeterlidir
Türkmenistanda raýatlar awtoulag sürüjilik okuwlaryna e.gov.tm döwlet hyzmatlarynyň portaly arkaly ýazylyp bilerler. Bu hyzmat «Awtomobil mekdepleriniň birleşigi» bölüminde elýeterli bolup, islendik toparçany (B, BC, C, D ýa-da E) saýlamaga, arza doldurmaga we «Altyn Asyr» bank karty arkaly okuw üçin tölegi onlaýn ýagdaýda amala aşyrmaga mümkinçilik berýär.
Arkadag şäherinde täze ýaşaýyş jaýlaryň açylyş dabarasy boldy
2025-nji ýylyň 16-njy sentýabrynda döwrümiziň iň döwrebap şäheri bolan Arkadag şäherinde ýetip gelýän beýik baýramçylyk – Türkmenistanyň Garaşsyzlygynyň 34 ýyllygy mynasybetli ajaýyp ýaşaýyş jaýlaryň öýleriniň açarlarynyň gowşurylyş dabarasy geçirildi. Munuň özi Gahryman Arkadagymyzyň ýiti binagärlik zehininden dörän täze, häzirki zaman şäheriň ýaşaýyş jaýlaryndan täze öý edinen bagtyýar ýaşaýjylar üçin beýik baýramçylyk mynasybetli ajaýyp toý sowgady boldy.
Ahal welaýatynyň Kaka etrabynda täze Bagtly zamana obasy açyldy
Ahal welaýatynyň Kaka etrabynyň Gowşut geňeşliginde sişenbe güni täze Bagtly zamana obasynyň açylyş dabarasy geçirildi. Bu barada “Watan” habarlar gepleşigi habar berdi.
Türkmenistan bilen Russiýa halkara maglumat howpsuzlygy hyzmatdaşlygyny maslahatlaşdy
Moskwa şäherinde halkara maglumat howpsuzlygy mowzugy boýunça türkmen-rus Daşary işler ministrlikleriniň arasynda geňeşmeleri geçirildi. Duşuşyk şu ýylyň iýunynda gol çekilen Türkmenistanyň Daşary işler ministrligi bilen Russiýa Federasiýasynyň Daşary işler ministrliginiň arasynda 2025-2026-njy ýyllarda hyzmatdaşlyk etmegiň maksatnamasyny iş ýüzünde durmuşa geçirmegiň çäklerinde guraldy.
Türkmenistan Eýranyň demirgazyk portlary bilen ulag hyzmatdaşlygyny ösdürmäge taýýardygyny tassyklady
Türkmenistan Demirgazyk–Günorta halkara ulag geçelgesiniň çäklerinde söwda gatnaşyklaryny we ýük gatnawlaryny giňeltmek maksady bilen Eýranyň demirgazyk portlary, aýratyn-da Amirabad porty bilen hyzmatdaşlygy berkitmäge taýýardygyny mälim etdi. Bu barada Türkmenistanyň Demir ýol ulaglary ministri Mammet Akmämmedow, Eýranyň Mazenderan welaýatynyň häkimi Mehdi Ýunusi Rostami bilen geçiren duşuşygynda aýtdy diýip, IRNA agentligi habar berdi.
Türkmenistanda zähmet bazaryny ösdürmegiň mümkinçilikleri
Ýurdumyzda Gahryman Arkadagymyz tarapyndan başy başlanyp, häzirki wagtda hormatly Prezidentimiziň döwlet syýasatynda mynasyp dowam etdirilýän bazar ykdysadyýetiniň durmuş ugurly nusgasyny döretmek strategiýasy zähmet gatnaşyklary bilen baglanyşykly meselelere täzeçil çemeleşmeleri talap edýär. Ilatyň işjeň bölegini düzýän zähmet gorlaryny netijeli dolandyrmak häzirki döwürde amala aşyrylýan oňyn özgertmeleriň esasy maksatlarynyň biri bolup durýar.
Türkmenistanda Hazar deňzi meseleleri boýunça iş toparynyň nobatdaky mejlisi geçirildi
Türkmenistanyň Daşary işler ministrliginde 15-nji sentýabrda Hazar deňzi meseleleri boýunça ýokary derejeli iş toparynyň on birinji mejlisi öz işine başlady. Mejlise Türkmenistanyň, Azerbaýjanyň, Gazagyztanyň, Eýranyň hem-de Russiýanyň wekilleri gatnaşdylar.
MYHMANLAR MÄHIRLI GARŞYLANDY
Ýakyn günlerde geçiriljek Türkmenistanyň Halk Maslahatynyň mejlisine taýýarlyk işleri ýokary depginler bilen alnyp barylýar. Şu gün Diýarymyzyň dürli künjeklerinden maslahata gatnaşyjy myhmanlar Aşgabat wokzalynda aýdym-sazly dabara bilen mähirli garşylandy. Myhmanlary hususan-da, hormatly il ýaşululylarydyr kümüş saçly enelerimizi elleri pişmedir süýjilikleri bilen güler ýüzli talyp gyzlar garşylady.
Türkmenistanyň Aragatnaşyk ministrliginde Halk Maslahatyna bagyşlanyp çäre geçirildi
Şu günler, eziz Diýarymyzda Garaşsyzlygymyzyň 34 ýyllyk baýramyna hem-de hemişelik Bitaraplygymyzyň 30 ýyllyk şanly toýuna uly şowhun we agzybirlik bilen taýýarlyk görülýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.