Habarlar / TÄZELIKLER
TÄZELIKLER
Türkmenistanda gelin-gyzlara Halkara zenanlar güni mynasybetli pul sowgady gowşurylar
Ministrler Kabinetiniň Başlygynyň orunbasary Hojamyrat Geldimyradow 20-nji fewralda geçirilen Hökümet mejlisinde Halkara zenanlar güni mynasybetli ýurdumyzyň gelin-gyzlaryna hormatly Prezidentimiziň adyndan pul sowgadyny bermek boýunça geçirilen işleriň netijeleri barada hasabat berdi. Şunuň bilen baglylykda, Arkadagly Gahryman Serdarymyzyň garamagyna degişli resminamanyň taslamasy hödürlenildi.
Türkmenistanyň hemrasy 1,2 milliarddan gowrak ulanyjy üçin aragatnaşygy üpjün edýär
«TürkmenÄlem 52°E» Türkmenistanyň ilkinji milli hemrasynyň gurşaw zolagy Ýewropany, Ýakyn Gündogary, Demirgazyk Afrikany, Merkezi Aziýany, GDA ýurtlaryny we Aziýanyň birnäçe sebitlerini öz içine alýar. Bu ýerlerde 1,2 milliarddan gowrak adam ýaşaýar.
ÝUNESKO-nyň işleri barada Türkmenistanyň milli toparynyň mejlisi
Hormatly Prezidentimiz Serdar Berdimuhamedowyň tabşyrygy boýunça Daşary işler ministrliginde BMG-niň Bilim, ylym we medeniýet meseleleri boýunça guramasynyň (ÝUNESKO) işleri barada Türkmenistanyň milli toparynyň nobatdaky mejlisi geçirildi.
Saýlawlara taýýarlyk: dalaşgärleri hödürlemek işi dowam edýär
Türkmenistanda täze döredilen etraplaryň halk maslahatlarynyň agzalarynyň hem-de Türkmenistanyň Mejlisiniň ygtyýarlyk möhletinden öň çykyp giden deputatlarynyň, welaýat, etrap, şäher halk maslahatlarynyň we Geňeş agzalarynyň 29-njy martda geçiriljek saýlawlaryna taýýarlyk işleri batly depginde dowam edýär.
Berkarar döwletiň täze eýýamynyň Galkynyşy döwrüniň ýyl ýazgysy — 2025-nji ýyl
«Halkara parahatçylyk we ynanyşmak ýyly» şygary astynda geçen 2025-nji ýyl Türkmenistanyň söwda we telekeçilik ulgamlarynda hem durnukly ösüşiň gazanylandygyny, düzümleýin özgertmeleriň üstünlikli amala aşyrylandygyny aýdyň görkezdi.
Astrahan Oblasty we Türkmenistan gämi gurluşyk kärhanalarynyň hyzmatdaşlygyny ösdürmekçi
Türkmenistanyň Astrahandaky konsuly Gadam Ilamanow bilen Astrahan oblastynyň Daşary gatnaşyklar ministri Wladimir Golowkowyň arasynda iş duşuşygy geçirildi. Taraplar 2025-nji ýylyň Astrahan oblasty bilen Türkmenistanyň arasynda netijeli gatnaşyklary pugtalandyrmagyň ýyly bolandygyny bellediler.
Özbegistan – Oman: Türkmenistanyň, Eýranyň ulag geçelgesi boýunça hyzmatdaşlyk ösdürilmekçi
Özbegistan bilen Oman Özbegistan – Türkmenistan – Eýran – Oman ulag geçelgesiniň ähli gatnaşyjylary bilen bilelikde Aşgabat Ylalaşygynyň çäklerinde hyzmatdaşlygy giňeltmek meselelerini ara alyp maslahatlaşdylar.
Fransiýa Türkmenistanyň üsti arkaly Özbegistana uly ýük ugratdy
Kanat ýolunyň gurluşygy üçin niýetlenen, agramy 80 tonna bolan ýöriteleşdirilen kabel ýüki Fransiýadan Türkmenistanyň çäginden üstaşyr geçirilip Özbegistana bardy.
Sanly ykdysadyýet — ýurdumyzyň durnukly ösüşiniň möhüm şerti
Türkmenistanyň hemişelik Bitaraplygynyň şanly 30 ýyllygyna beslenen Halkara parahatçylyk we ynanyşmak ýylynda Watanymyzy mundan beýläk-de durnukly ösdürmek boýunça möhüm ähmiýetli resminamalar kabul edildi. «Türkmenistanda sanly ykdysadyýeti ösdürmegiň 2026 — 2028-nji ýyllar üçin Konsepsiýasy» hem şolaryň biridir.
Türkmenistanda Milli emeli aň strategiýasy taýýarlanar
2026–2028-nji ýyllar üçin Türkmenistanda Sanly ykdysadyýeti ösdürmegiň döwlet maksatnamasynyň çäklerinde Milli emeli aň strategiýasyny taýýarlamak meýilleşdirilýär. Bu resminama ýurdumyzyň sanly özgertmeleriniň esasy ugurlarynyň biri bolar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.