Habarlar / TÄZELIKLER
TÄZELIKLER
Türkmenistan ilkinji milli gury ýük gämisini suwa goýberdi
Hazar kenaryna eýe bolan Türkmenistan milli gämigurluşyk taryhynda täze sahypa açýar. «Balkan» gämigurluşyk we gämi abatlaýyş zawody» açyk görnüşli paýdarlar jemgyýetinde (Awaza milli syýahatçylyk zolagy) ilkinji milli gury ýük gämisi – «Gadamly» suwa goýberildi.
Türkmenistanyň netijeli başlangyçlary sebit we sebitara derejede strategik hyzmatdaşlygy ösdürmäge goşant goşýar
Türkmenistan parahatçylyk söýüjilik, oňyn Bitaraplyk ýörelgelerine esaslanýan daşary syýasy ugry durmuşa geçirmek bilen, ikitaraplaýyn görnüşde, şeýle-de sebit, sebitara we ählumumy derejede netijeli hyzmatdaşlygy ösdürmäge öňdengörüjilikli çemeleşýändigini görkezip gelýär. Ýurdumyz dürli formatlarda özara bähbitli hyzmatdaşlygy giňeltmäge gönükdirilen başlangyçlar bilen yzygiderli çykyş edýär.
Türkmenistan Özbegistan bilen Hytaý Halk Respublikasy, Merkezi Aziýa, Ýewropa Bileleşigi, Ýakyn we Orta Gündogar bilen baglanyşykly ulag ulgamlaryny döretmek üçin tagallalary birleşdirmegi teklip etdi
Daşkentde Türkmenistanyň Prezident Serdar Berdimuhamedowyň we Özbegistanyň Prezidenti Şawkat Mirziýoýewiň arasyndaky duşuşykda, Türkmenistanyň halkara ulag hyzmatdaşlygyny ösdürmäge aýratyn ähmiýet berýän ulag ulgamy hyzmatdaşlygyň ileri tutulýan ugry diýlip atlandyryldy.
Türkmenistanyň Prezidenti Serdar Berdimuhamedow: — Ýurdumyzda azyk bolçulygyny döretmekde oba hojalyk pudagyna uly orun degişlidir
Oba hojalyk pudagyny depginli ösdürmek hormatly Prezidentimiz Serdar Berdimuhamedowyň ýurdumyzyň ykdysady kuwwatyny pugtalandyrmaga, halkymyzyň durmuş derejesini ýokarlandyrmaga gönükdirilen syýasatynyň esasy ugurlarynyň biridir.
Türkmenistanyň we Özbegistanyň Prezidentleri “Şabat–Daşoguz” serhetýaka söwda zolagyny açdylar
Türkmenistanyň Prezidenti Serdar Berdimuhamedow bilen Özbegistan Respublikasynyň Prezidenti Şawkat Mirziýoýew duşenbe güni Daşkent şäherinde “Şabat–Daşoguz” atly bilelikdäki serhetýaka söwda zolagynyň açylyş dabarasyna gatnaşdylar. Bu barada Özbegistanyň Prezidentiniň resmi metbugat gullugy habar berýär.
Aşgabat — Daşkent göni howa gatnawyny dikeltmegi ylalaşdylar
Türkmenistan we Özbegistan Aşgabat bilen Daşkent şäherleriniň arasynda göni halkara howa gatnawlaryny täzeden ýola goýmaklygy ylalaşdylar. Bu çözgüt Türkmenistanyň Prezidenti Serdar Berdimuhamedow bilen Özbegistanyň Prezidenti Şawkat Mirziýoýewiň duşenbe güni Daşkentde geçiren giňişleýin düzümdäki gepleşikleriniň dowamynda makullandy.
Türkmenistan bilen Özbegistan “Alat — Farap” sebitinde serhetýaka söwdany giňelderler
Türkmenistan we Özbegistan “Alat — Farap” sebitinde serhetýaka söwda tejribesini giňeltmek barada ylalaşyk gazandy. Bu mesele duşenbe güni Daşkentde Türkmenistanyň Prezidenti Serdar Berdimuhamedow bilen Özbegistanyň Prezidenti Şawkat Mirziýoýewiň arasynda giňişleýin düzümde geçirilen gepleşiklerde maslahatlaşyldy.
AÖB Türkmenistanyň ulag infrastrukturasyny ösdürmek ugrundaky tagallalaryny goldaýar
Aziýa ösüş bankynyň (AÖB) Türkmenistandaky hemişelik wekilhanasynyň direktory Artur Andrysýak Aşgabatda 12–14-nji noýabr aralygynda geçirilen "Halkara ulag-üstaşyr geçelgeleri: özara arabaglanyşyk we ösüş – 2025" atly halkara ulag forumynyň çäklerinde "AA"-nyň habarçysyna Türkmenistanyň döwlet we hususy düzümleri bilen hyzmatdaşlygyň ösüşi barada gürrüň berdi.
S7 awiakompaniýasy 2026-njy ýylda Aşgabat–Nowosibirsk uçuşlaryny ýola goýmagy meýilleşdirýär
Russiýanyň S7 awiakompaniýasy 2026-njy ýylyň ýazynda Aşgabat bilen Nowosibirsk şäherleriniň arasynda göni uçar gatnawlaryny açmagy meýilleşdirýär. Bu barada kompaniýanyň Merkezi Aziýa ýurtlary boýunça baş wekili Ýewgeniý Çernyşow Aşgabatda geçirilýän “Türkmentel–2025” hem-de "Halkara ulag-üstaşyr geçelgeleri: özara arabaglanyşyk we ösüş — 2025" (ITTC 2025)” sergileriniň çäginde aýtdy diýip, TASS habarlar agentligi habar berýär.
Merkezi Aziýa ýurtlary “Made in Central Asia” atly brendi döretmekçi
Merkezi Aziýa döwletleri hem-de Azerbaýjan geljekde “Made in Central Asia” atly umumy sebit brendini döretmek we bilelikdäki önümçilik meýdançalaryny ýola goýmak boýunça pikir alyşdylar. Bu mesele 2025-nji ýylyň 13-nji noýabrynda Daşkentde geçirilen Merkezi Aziýa ýurtlarynyň we Azerbaýjanyň söwda we maýa goýum ministrleriniň ilkinji mejlisinde gozgaldy. Bu barada Özbegistanyň Maýa goýumlar, senagat we söwda ministrligi habar berýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.