Habarlar / TÄZELIKLER
TÄZELIKLER
Bilim ulgamyny sanlylaşdyrmakda täze tejribeler
«Ak şäherim Aşgabat» atly XXIV köpugurly halkara sergisiniň we maslahatynyň çäklerinde Türkmenistanyň bilim ministri J.Gurbangeldiýew Hytaý Halk Respublikasynyň «Inspur Software» kompaniýasynyň baş direktory Žao Şaoksiangyň ýolbaşçylygyndaky wekiliýeti bilen duşuşdy. Bu barada Türkmenistanyň Bilim ministirliginiň resmi saýtynda habar berildi.
Aşgabat şäheri üçin jemagat ulaglary satyn alnar
Türkmenistanyň Prezidentiniň gol çeken Kararyna laýyklykda, Aşgabat şäheriniň häkimligine jemagat hyzmatlaryny ýerine ýetirýän ýöriteleşdirilen awtoulaglary, jemagat tehnikalaryny we enjamlary hem-de olaryň ätiýaçlyk şaýlaryny satyn almak barada Hytaý Halk Respublikasynyň «Changsha Zoomlion Environmental Industry Co., Ltd» kompaniýasy bilen şertnama baglaşmaga ygtyýar berildi.
Ýaş aragatnaşykçylar sagdyn durmuş ýörelgelerine bagyşlanan wagyz-nesihat çäresine gatnaşdylar
«Türkmenaragatnaşyk» agentliginiň edara-kärhanalarynda zähmet çekýän ýaşlaryň arasynda sagdyn durmuş ýörelgelerini dabaralandyrmak, sport bilen meşgullanmak we ýol hereketiniň düzgünlerini berjaý etmek boýunça wagyz-nesihat çäresi geçirildi.
“Aýdyň Gijeler” Android planşetlerini we emeli aňly robotyny tanyşdyrdy
“Aýdyň Gijeler” türkmen kärhanasy 2025-nji ýylyň 24-25-nji maýynda türkmen paýtagtynda geçirilen “Ak şäherim Aşgabat” atly XXIV köpugurly halkara sergide Androide esaslanýan 10, 12 we 13 dýuýmlyk portatiw planşetlerini tanyşdyrdy. Bu barada Türkmenistanyň resmi metbugaty habar berýär.
"Türkmentelekom" köpçülikleýin ýerlerde, howa menzillerinde we şypahanalarda Wi-Fi mümkinçiligini hödürleýär
«Türkmenaragatnaşyk» agentliginiñ «Türkmentelekom» elektrik aragatnaşyk kompaniýasy paýtagtymyzyň ýaşaýjylaryna we myhmanlaryna Aşgabat şäherindäki köpçülikleýin ýerlerde hem-de paýtagtymyzyň halkara howa menzilinde TELECOMWIFI simsiz internete amatly elýeterliligi hödürleýär.
Türkmenistan maýning tehnologiýasyny kanunlaşdyrmaga we wirtual aktiwleri düzgünleşdirmäge taýýarlanýar
23-nji maýda, anna güni Prezident Serdar Berdimuhamedowyň başlyklyk etmeginde geçirilen Ministrler Kabinetiniň mejlisinde wirtual aktiwleri düzgünleşdirmek we maýning tehnologiýasyny kanunlaşdyrmak boýunça meseleler ara alnyp maslahatlaşyldy.
Aragatnaşykçy ýaşlaryň arasynda «Öz hünäriniň ussady» atly bäsleşik geçirildi
Ýurdumyzda sanly ulgamy ösdürmek we kämil tehnologiýalardan baş çykarýan ýokary derejeli hünärmenleri taýýarlamak maksady bilen «Türkmenaragatnaşyk» agentliginiň garamagyndaky edara-kärhanalarynyň ýaş hünärmenleriniň arasynda «Öz hünäriniň ussady» atly bäsleşik geçirildi. Täze belent maksatlara ruhlanan aragatnaşykçy hünärmenler üç şert boýunça bäsleşdiler. Olar:
Türkmenistanda «Soňky jaň» mynasybetli dabaralar geçirildi
25-nji maýda Türkmenistanda 2024-2025-nji okuw ýylynyň tamamlanmagy mynasybetli baýramçylyk çäreleri geçirildi. Ýurdumyzyň ähli umumybilim berýän orta mekdepleriniň uçurymlary üçin soňky jaň kakyldy. «Soňky jaň» dabarasy orta mekdebi tamamlaýan oglan-gyzlaryň durmuşynda iň ýakymly we tolgundyryjy pursatlaryň biridir.
Lebapda elektron kitaphanalara gyzyklanma artýar
Şu ýylyň geçen dört aýynda welaýatyň kitaphanalarynda okyjylaryň sanynyň geçen ýylyň degişli döwründäkiden artmagy hem şeýle diýmäge esas berýär. Anyk aýdylanda, ýanwar — aprel aýlarynda welaýat kitaphanasyna, etraplardaky merkezi kitaphanalara we olaryň şahamçalaryna täze ýazylan raýatlaryň sany 3 müň 600-den gowrak bolup, hasapda duran okyjylaryň umumy sany 120 müňden geçdi.
“TULM” ilkinji gezek Gazagystandan BAE konteýner otlusyny iberdi
“Türkmenistanyň Ulag-logistika merkezi” (TULM) açyk görnüşli paýdarlar jemgyýeti Gazagystanyň “KTZ Express” kompaniýasy bilen bilelikde 2025-nji ýylyň 18-nji maýynda Gazagystan – Birleşen Arap Emirlikleri ugry boýunça ilkinji konteýner otly gatnawyny gurady. Bu barada kompaniýanyň metbugat gullugy habar berýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.