Habarlar / TÄZELIKLER
TÄZELIKLER
Türkmenistanyň wekiliýeti BGG-niň Ýewropa sebitiniň Gümrük edaralarynyň ýolbaşçylarynyň maslahatyna gatnaşdy
Türkmenistanyň Döwlet gümrük gullugynyň başlygynyň orunbasarynyň ýolbaşçylygyndaky türkmen wekiliýeti Bütindünýä Gümrük Guramasynyň (BGG) Brýusselde ýerleşýän ştab-kwartirasynda guramanyň Ýewropa sebitiniň Gümrük edaralarynyň ýolbaşçylarynyň maslahatyna gatnaşdy. Bu barada Döwlet gümrük gullugynyň web saýtynda habar berildi.
Türkmenistanda bank we poçta hyzmatlarynyň integrasiýasy täze mümkinçilikleri açýar
Türkmenistanda bank we poçta hyzmatlarynyň integrasiýasy sanly infrastrukturanyň ösüşiniň möhüm ugurlarynyň biri bolup biler. Bu barada “Colvir Software Solutions” kompaniýasynyň işewürligi ösdürmek bölüminiň ýolbaşçysy Denis Ýudiniň aýdanlaryna salgylanyp, Trend agentligi duşenbe güni habar berdi.
Merkezi Aziýa ýurtlary $30 millionlyk suw maksatnamasyny işe girizýärler
Merkezi Aziýanyň bäş ýurdy ýagny, Türkmenistan, Gazagystan, Gyrgyzystan, Özbegistan we Täjigistan 30 million ABŞ dollary möçberindäki pul serişdesi bilen “Central Asia Water and Land Nexus” (CAWLN) atly sebit maksatnamasyny işe girizýärler. Maksatnamanyň resmi başlangyjy 30-njy maýdan 6-njy iýun aralygynda Samarkantda geçiriljek Bütindünýä ekologiýa gaznasynyň (GEF) 8-nji Assambleýasynda yglan ediler.
Türkmenistanyň Aragatnaşyk ministrliginde wagyz-nesihat maslahaty geçirildi
17-nji aprelde geçirilen «Ornuňyz tördedir, sarpaňyz belent, ýaşaýşa ýarandyr mährem zenanlar» atly wagyz-nesihat maslahatyna Türkmenistanyň Zenanlar birleşiginiň Merkezi Geňeşiniň, Türkmenistanyň Aragatnaşyk ministrliginiň edara-kärhanalarynyň, şeýle hem, uzak ýyllaryň dowamynda tutanýerli zähmet çekýän ýurdumyzyň dürli pudaklarynyň gelin-gyzlary hem-de ak saçly enelerimiz gatnaşdylar.
Döwrebap ýollar — bagtyýar zamananyň aýdyň nyşany
Çäginden Beýik Ýüpek ýoly geçen Türkmenistany irki döwürlerde hem «Ýedi ýoluň çatrygy» diýip atlandyrypdyrlar. Bu gün bolsa Ýewropanyň we Aziýanyň ýurtlaryny birleşdirýän häzirki zaman halkara ýollarynyň çatrygynda ýerleşýän ýurdumyz sebitiň, tutuş dünýäniň abadançylygynyň hem-de durnukly ösüşiniň bähbitlerine laýyk gelýän özara bähbitli söwda-ykdysady gatnaşyklary ýola goýmak üçin ulag ulgamynda öz mümkinçiliklerini amala aşyrmaga çalyşýar.
Paýtagtymyzda gaz pudagynda türkmen-hytaý hyzmatdaşlygynyň 20 ýyllygyna bagyşlanan halkara ylmy-amaly maslahat geçirildi
Söwda-senagat edarasynda «Türkmenistan — Hytaý Halk Respublikasy: gaz pudagynda strategik hyzmatdaşlygyň 20 ýyly» atly halkara ylmy-amaly maslahat geçirildi. Forum iki döwletiň arasyndaky dostlukly gatnaşyklaryň we uzak möhletleýin energetika hyzmatdaşlygynyň netijeli häsiýete eýedigini aýdyň görkezýän waka boldy.
ÜSTÜNLIKLER SERGILENDI
Gözel paýtagtymyzyň Söwda-senagat edarasynyň binasynda 14 – 16-njy apreli aralygynda geçirilen «Turkmentravel – 2026» atly halkara syýahatçylyk sergisi we maslahaty guraldy. Sergide degişli ministrlikleriň, hususy jemgyýetleriniň we daşary ýurt iri kompaniýalarynyň pawilýonlarydyr diwarlyklary ýer aldy.
Daşoguz Halkara howa menzili halkara bäsleşik yglan edýär
“Türkmenhowaýollary” döwlet gullugynyň Daşoguz Halkara howa menzili elektrik üpjünçilik ulgamyna birikdirmek üçin dürli kuwwatly üznüksiz elektrik üpjünçilik (UPS) enjamlarynyň 12 sanysyny satyn almak boýunça açyk görnüşli halkara bäsleşik yglan edýär
Türkmenistanyň Demir ýol ulaglary ministrliginde duşuşyk guraldy
15-nji aprelde Türkmenistanyň Demir ýol ulaglary ministrliginiň edara binasynda Hytaý Halk Respublikasynyň «China Harbour Engineering Company Ltd» kompaniýasynyň resmi wekiliýeti bilen Türkmenistanyň demir ýol ulaglary ministri, şeýle hem degişli hünärmenleriň gatnaşmagynda iş maslahaty geçirildi.
“Belavia” awiakompaniýanyň biletleriniň onlaýn satuwy ýola goýuldy
“Syýahatçy” kompaniýasy Belarus Respublikasynyň “Belavia” awiakompaniýasynyň awiabiletlaryny göni onlaýn satyn almaga mümkinçilik berýän sanly platforma bilen tanyşdyrdy. Täzelenen “TurkmenTourist” mobil goşundysy barada kompaniýanyň wekili çarşenbe güni Aşgabatda geçirilen “Turkmentravel – 2026” atly halkara syýahatçylyk sergisiniň çäklerinde “Biznes Türkmenistan” internet neşirine gürrüň berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.