Habarlar / TÄZELIKLER
TÄZELIKLER
Türkmenistan bilen Eýran serhetýaka söwda meýdançasyny gurmagy maslahatlaşdylar
Türkmenistanyň we Eýranyň döwlet edaralary çarşenbe güni Ykdysady Hyzmatdaşlyk Guramasynyň Sekretariatynda ýörite iş toparynyň nobatdaky duşuşygyny geçirdiler. Onda türkmen-eýran serhedinde söwda meýdançasyny gurmak bilen baglanyşykly meseleler ara alnyp maslahatlaşyldy.
Halkara zenanlar güni mynasybetli baýramçylyk dabarasy
8-nji martda Söwda-senagat edarasynda Halkara zenanlar güni mynasybetli berkarar Watanymyzyň ajaýyp gelin-gyzlarynyň hormatyna baýramçylyk dabarasy geçirildi. Oňa ýurdumyzyň ýolbaşçy düzüminiň, ministrlikleriň we pudaklaýyn dolandyryş edaralarynyň, köpçülikleýin habar beriş serişdeleriniň wekilleri gatnaşdylar.
«Ene mähri» diýen hormatly ada mynasyp bolan zenanlary sylaglamak dabarasy
7-nji martda paýtagtymyzda ýurdumyzda giňden bellenilýän Halkara zenanlar gününe bagyşlanan dabaraly çäreler geçirildi. Olaryň çäklerinde sekiz we şondan köp çagany dünýä indiren hem-de terbiýeläp ýetişdiren enelere Türkmenistanyň Prezidentiniň Permanyna laýyklykda, «Ene mähri» diýen hormatly adyň nyşanlaryny, köp çagaly enelere täze ýaşaýyş jaýlarynyň açarlaryny gowşurmak dabaralary boldy.
Arkadag şäherine çenli uzap gidýän ýol “Ahalteke atlary” şaýoly diýlip atlandyrylar
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine baryp, bu ýerde şäheriň çäklerinde gurulmagy meýilleşdirilýän desgalaryň şekil taslamalary bilen tanyşdy, degişli ýolbaşçylaryň gatnaşmagynda iş maslahatyny geçirdi hem-de ýol-ulag düzümine degişli desgalary abadanlaşdyrmak boýunça maslahatlaryny berdi.
«Türkmendeňizderýaýollary» agentliginde zähmet çekýän aýal-gyzlara Türkmenistanyň Prezidentiniň pul sowgady gowşuryldy
2025-nji ýylyň 6-njy martynda «Balkan» gämi gurluşyk we abatlaýyş zawody paýdarlar jemgyýetiniň mejlisler zalynda «Türkmendeňizderýaýollary» agentliginiň we onuň garamagyndaky edara-kärhanalarynyň zähmet çekýän aýal-gyzlaryna Türkmenistanyň Prezidentiniň adyndan Halkara zenanlar güni mynasybetli 60 (altmyş) manat möçberde pul sowgatlary dabaraly ýagdaýda gowşuryldy.
«Ösüşlere beslenen täze döwrüň buýsançly zenanlary» atly dabaraly maslahat geçirildi
Düýn paýtagtymyzdaky Jemgyýetçilik guramalarynyň merkezinde Halkara zenanlar güni mynasybetli «Ösüşlere beslenen täze döwrüň buýsançly zenanlary» atly dabaraly maslahat geçirildi. Türkmenistanyň Halk Maslahatynyň, Mejlisiniň, syýasy partiýalaryň, Zenanlar birleşiginiň Merkezi geňeşiniň we jemgyýetçilik guramalarynyň bilelikde geçiren maslahaty joşgunly aýdym-sazly çykyşlar bilen utgaşdy.
Halkara zenanlar güni mynasybetli geçirilýän sport ýaryşlarynyň açylyş dabarasy boldy
Öňňin Türkmen döwlet bedenterbiýe we sport institutynyň Köpugurly sport toplumynda ýetip gelýän Halkara zenanlar güni mynasybetli geçirilýän sport ýaryşlarynyň açylyş dabarasy boldy. Oňa ýurdumyzyň ýokary okuw mekdepleriniň talyplary we mugallymlary gatnaşdylar. Badalga berlen sport ýaryşlary «Sagdyn we ruhubelent zenan bagtyýar maşgalanyň gözbaşydyr» diýen at bilen ýaýbaňlandyryldy.
Türkmenistan bilen ÝTÖB ýurt boýunça täze strategiýany taýýarlaýar
Türkmenistanyň daşary işler ministriniň orunbasary Mähri Bäşimowanyň çarşenbe güni Aşgabatda Ýewropanyň Täzeleniş we ösüş bankynyň (ÝTÖB) Maliýe institutlary boýunça müdirliginiň dolandyryjy direktory Fransiz Maližyň ýolbaşçylygyndaky wekiliýet bilen duşuşygy geçirildi. Gepleşikleriň barşynda ÝTÖB-iň Türkmenistan boýunça geljek döwür üçin täze strategiýasyny taýýarlamak meseleleri ara alnyp maslahatlaşyldy.
Aşgabatda häzirki zaman amatlykly ýaşaýyş jaýlary ulanmaga berildi
Aşgabat şäheriniň Büzmeýin etrabynda 2 sany 48 öýli we bir 64 öýli täze ýaşaýyş jaýlarynyň açylyş dabarasy geçirildi. Bu barada Türkmenistanyň resmi metbugaty habar berýär.
2025-nji ýylyň fewraly: Türkmenistanyň Prezidentiniň daşary syýasy başlangyçlaryndan ugur alyp
Şu ýylyň fewral aýynda geçirilen gepleşiklerdir maslahatlar, işewürlik duşuşyklarydyr syýasy geňeşmeler «Açyk gapylar» syýasatyny üstünlikli durmuşa geçirýän Garaşsyz, baky Bitarap Türkmenistanyň sebit we ählumumy gün tertibiniň möhüm meselelerini çözmekde eýeleýän ornunyň barha ýokarlanýandygyny aýdyňlygy bilen subut etdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.