Habarlar
Habarlar
Halkara parahatçylyk we ynanyşmak ýylynyň Medeniýet hepdeligine badalga berildi
22-nji iýunda Ahal welaýatynyň Ak bugdaý etrabynyň “Nowruz ýaýlasyndaky” «Türkmeniň ak öýi» binasynda ýurdumyzda giňden bellenilýän Medeniýet we sungat işgärleriniň hem-de Magtymguly Pyragynyň şygryýet gününe gabatlanyp geçirilýän Medeniýet hepdeliginiň açylyş dabarasy boldy.
Ýaponiýa magnit esasynda “Fudzi-tramwaý” seplemsiz ulag serişdesini işe girizýär
Ýaponiýa innowasion “Fudzi-tramwaýy” işe girizmäge taýýarlanýar. Bu ulag serişdesi syýahatçylary Fudzi dagyna elter. Onuň esasy aýratynylygy – seplemsiz gurluşydyr: ulag rezin tigirleri ulanyp, adaty ýollardan hereket edýär. Esasy tehnologiýasy ýol örtügine ornaşdyrylan magnit markerleriň ulgamydyr. Bu ulgam tramwaýyň hereketini ugrukdyryp, seplemleri goýmadan takyklygy we howpsuzlygy üpjün edýär.
Maglumatlary işleýiş merkezleri üçin ýokary tizlikli XDC optiki aragatnaşyk ulgamy
X Display Company (XDC) kompaniýasy täsin simsiz optiki aragatnaşyk tehnologiýasyny hödürledi. Ol bir sekutda 1 mln kadra çenli tizlikde maglumatlary geçirmäge ukyplydyr. Adaty kabelleriň ýerine bu ulgam geçiriji hökmünde ýokary çaltlykdaky microLed-displeýini hem-de kabul ediji hökmünde ýokary tizlikli kamerany ulanyp, enjamlaryň arasynda çalt aragatnaşygy üpjün edýär.
Türkmenistanyň Ministrler Kabinetiniň mejlisi
20-nji iýunda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi.
Türkmenistanyň raýat awiasiýasynda uçuşlaryň howpsuzlygyny üpjün etmegiň Döwlet maksatnamasy tassyklanyldy
Türkmenistanyň Howa kodeksiniň 81-nji maddasyna laýyklykda, Türkmenistanyň raýat awiasiýasynda uçuşlaryň howpsuzlygyny üpjün etmek boýunça çäreleri meýilleşdirmek we amala aşyrmak maksady bilen, Türkmenistanyň Prezidenti Karara gol çekdi. Resminama laýyklykda, “Türkmenistanyň raýat awiasiýasynda uçuşlaryň howpsuzlygyny üpjün etmegiň Döwlet maksatnamasy” tassyklanyldy.
Türkmenistan bilen Azerbaýjan ulag-logistika hyzmatdaşlygyny ösdürýär
Azerbaýjan bilen Türkmenistan ulag-logistika hyzmatdaşlygyny ösdürmegiň çäginde Baku, Alýat we Türkmenbaşy portlarynyň has giňden ulanylmagyny işjeň öňe sürýärler. Bu barada Azerbaýjanyň daşary işler ministriniň orunbasary Samir Şarifow Bakuda geçirilen “Azerbaýjan bilen Türkmenistanyň köpugurly hyzmatdaşlygy: gazananlar we geljekki mümkinçilikler” atly simpoziumda eden çykyşynda belledi.
Hytaý bilen Merkezi Aziýanyñ arasyndaky ulaglar arkaly söwda dolanyşygy ýanwar-maý aýlarynda iñ ýokary görkezijilerine ýetdi
2025-nji ýylyñ ýanwar-maý aýlarynda Hytaý bilen Merkezi Aziýanyñ bäş ýurdunyñ (Gazagystan, Gyrgyzystan, Täjigistan, Türkmenistan we Özbegistan) arasyndaky söwdanyñ möçberi geçen ýylyñ şol bir döwri bilen deñeşdirilende, 10,4 % artyp, 286,42 mlrd ýuana (39,91 mlrd $ golaý) ýetdi. Bu barada Hytaýyñ Baş gümrük müdiriýeti habar berýär.
Türkmenistan Eýrandan gelýänlere ynsanperwerlik goldawyny bermegi dowam edýär
Türkmenistan Eýrandan gelýän daşary ýurt raýatlary üçin 24 sagatlyk ynsanperwerlik geçelgesini üpjün edýär. Häzirki wagtdaky ýagdaýa görä, Hindistanyň, Hytaýyň, Pakistanyň we beýleki ýurtlaryň raýatlary bolan ýüzlerçe adam barlag-goýberiş nokatlary arkaly Türkmenistanyň döwlet serhedinden geçdi.
Emeli aň we sanlylaşdyrma boýunça seminar geçirildi
Ýakynda Ýagşygeldi Kakaýew adyndaky Halkara nebit we gaz uniwersitetinde “Ýokary bilim ulgamynda sanlylaşdyrma, IT we emeli aň” atly okuw seminary geçirildi. Ony ABŞ-nyň Fullbright alyş-çalyş maksatnamasynyň hünärmeni doktor Melda Ýyldyz geçirdi.
2025-nji ýylyň maýy: Türkmenistanyň Prezidentiniň daşary syýasy başlangyçlaryndan ugur alyp
Geçen aýda geçirilen köp sanly işewürlik duşuşyklary, gepleşikler, syýasy geňeşmeler, halkara forumlar, hökümetara toparlaryň mejlisleri we beýleki çäreler Garaşsyz, baky Bitarap Türkmenistanyň döredijilik mümkinçilikleriniň açylmagyna, ähli gyzyklanma bildirýän döwletler we halkara guramalar bilen özara ynanyşykly gatnaşyklaryň has-da ösdürilmegine goşant goşdy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.