Habarlar / TÄZELIKLER
TÄZELIKLER
Lebap awtoulag önümçilik birleşigi bir ýylda 22 million 354 müň ýolagça hyzmat etdi
2024-nji ýylda «Türkmenawtoulaglary» agentliginiň Lebap awtoulag önümçilik birleşigi ýolagçy gatnatmak baradaky meýilnamasyny artygy bilen berjaý edip, bu babatda 22 million 354 müň ýolagça hyzmat etdi. Şeýlelikde, kärhana 23 million 244 müň manatlyk işi ýerine ýetirdi. Bu barada türkmen metbugatynda habar berildi.
Türkmenistan sebitde energetika, söwda we ulag ulgamlaryndaky hyzmatdaşlygy pugtalandyrýar
Türkmenistanyň Pakistandaky ilçisi Atajan Möwlamow penşenbe güni Yslamabat şäherinde Azerbaýjanyň, Gazagystanyň, Gyrgyzystanyň we Özbegistanyň diplomatlary bilen duşuşyk geçirdi. Onda taraplar Merkezi Aziýa ýurtlarynyň, Azerbaýjanyň we Pakistanyň arasyndaky hyzmatdaşlygy mundan beýläk-de çuňlaşdyrmagyň meselelerini ara alyp maslahatlaşdylar.
Geçen ýyl Türkmenistan bilen Azerbaýjanyň arasyndaky ulaglar arkaly söwda dolanyşyk $400 milliona golaýlady
2024-nji ýylda Türkmenistanyň we Azerbaýjanyň ulaglar arkaly özara söwda dolanyşygy uly ösüşe eýe boldy. Onuň möçberi 400 million ABŞ dollaryna golaýlady diýip, Türkmenistanyň resmi metbugaty anna güni habar berdi.
Milli sirk sungatymyz dünýä derejesinde ykrar edilýär
1-nji fewralda Arkadag şäherinde Türkmenistanyň Prezidentiniň Ahalteke atçylyk toplumynyň «Galkynyş» milli at üstündäki oýunlar toparynyň Monako Knýazlygynyň Monte-Karlo şäherinde geçirilen 47-nji halkara sirk sungaty festiwalynda ýeňiji bolmagy mynasybetli dabaraly çäreler geçirildi.
Aşgabadyň ýolagçy awtoulag kärhanasy awtobus sürüjilerini işe çagyrýar
«Türkmenawtoulaglary» agentliginiň Türkmenistanyň Ministrler Kabinetiniň ýanyndaky Ulag we kommunikasiýalar agentliginiň düzümine girýän Aşgabadyň ýolagçy awtoulag kärhanasy awtobus sürüjileri üçin boş iş orunlarynyň bardygyny yglan edýär.
Gazagystan bilen Türkmenistan sürüjiler üçin wizalary ýatyrmak mümkinçiligini öwrenýärler
Gazagystan bilen Türkmenistan sürüjiler üçin wiza talapnamalaryny ýatyrmak mümkinçiligini öwrenýärler. Munuň özi Türkmenistanyň, Eýranyň we Türkiýäniň çäkleri arkaly Ýewropa uzaýan goşmaça ulag geçelgelerini döretmek boýunça Gazagystanyň tagallalaryna laýyk gelýär diýip, Türkmenistanyň Ministrler Kabinetiniň ýanyndaky Ulag we kommunikasiýalar agentligi çarşenbe güni habar berdi.
Türkmenistan “Ulag pudagynda zenanlar (WiT)” atly ulgamy girizimek dabarasyna gatnaşdy
Türkmen wekiliýeti Ýewropa we Merkezi Aziýa, Ýakyn Gündogar we Demirgazyk Afrika ýaly sebitler üçin niýetlenen “Ulag pudagynda zenanlar (WiT)” atly ulgamy girizimek dabarasyna gatnaşdy. Guramaçylyk maslahaty Stambulda geçirildi.
Türkmenistan Kuala-Lumpurdaky “TEIF 2025” maslahatynda maýa goýum mümkinçilikleri bilen tanyşdyrar
23–24-nji aprelde Kuala-Lumpur şäherinde Türkmenistanyň ykdysadyýetine daşary ýurt maýalaryny çekmek boýunça halkara maslahat (TEIF 2025) geçiriler. Ol Türkmenistanyň ykdysadyýetiniň strategik taýdan möhüm ähmiýetli pudaklaryna düýpli maýa goýumlary çekmäge amatly mümkinçiligi döreder diýip, Türkmenistanyň resmi metbugaty çarşenbe güni habar berdi.
Berkarar döwletiň täze eýýamynyň Galkynyşy döwrüniň ýyl ýazgysy — 2024-nji ýyl: gurluşyk-senagat toplumy we elektroenergetika pudagy
2024-nji ýyl uly zähmet ýeňişleri, beýik özgertmeler ýoly bilen ynamly öňe barýan Watanymyzyň täze taryhynyň ýyl ýazgysyna nobatdaky şanly ýyl hökmünde girdi. Beýleki ulgamlarda bolşy ýaly, gurluşyk-senagat toplumynda hem uly üstünlikler gazanyldy. Milli we döwlet maksatnamalarynyň, sebit hem halkara ähmiýetli iri taslamalaryň netijeli durmuşa geçirilmeginde bu topluma kesgitleýji orun degişlidir.
«Awtomobil ulag hyzmaty» takside we mikroawtobuslarda işlejek sürüjileri işe çagyrýar
«Awtomobil ulag hyzmaty» açyk görnüşli paýdarlar jemgyýeti takside we mikroawtobuslarda işlejek sürüjileri üçin boş iş orunlarynyň bardygyny yglan etdi. Iş ýerleri degişli sürüjilik şahadatnamasy we ýeterlik iş tejribesi bolan adamlar üçin açykdyr.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.