Behişdi bedewler – halkymyzyň milli buýsanjy
22-01-26
Ösüş-özgerişleriň ýolundan bedew bady bilen ynamly öňe barýan Garaşsyz, hemişelik Bitarap Türkmenistan Watanymyzda her bir ýyly täze şygar bilen atlandyrmak asylly däbe öwrüldi. Munuň özi Gahryman Arkadagymyzyň başyny başlan asylly işleriniň hormatly Prezidentimiziň parasatly baştutanlygynda has-da rowaçlanýandygyny tassyklaýar. Bu bolsa Gahryman Arkadagymyzyň, Arkadagly Gahryman Serdarymyzyň halkymyzyň ýaşaýyş-durmuşyny dünýä ülňülerine laýyklykda kämilleşdirmekde durmuşa geçirýän beýik başlangyçlarynyň we oňyn özgertmeleriniň dabaralanýandygynyň aýdyň subutnamasydyr.
Asylly maksatlardan ugur alyp, 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” ýyly diýlip atlandyrylmagy çuňňur many-mazmuna eýedir. Şanly ýylymyzda bu şygar täze üstünliklere, bedew batly ösüşlere badalga bolup, bagtyýar halkymyzy ajaýyp zähmet ýeňişlerine, röwşen geljege ruhlandyrýar.
Bilşimiz ýaly, Gündogar müçenamasyna laýyklykda, 2026-njy ýyl — Ýylky, ýagny bedew ýylydyr. Behişdi bedewler bolsa, halkymyzyň milli buýsanjydyr. Bedew atlar wepadarlygyň, maksada okgunlylygyň, erkinligiň we zähmetsöýerligiň nyşany hökmünde tanalýar. Ýurdumyzyň ösüşleriniň bedew badyna deňelmegi bolsa bu hakykatdan gözbaş alýar.
Biziň pähimdar pederlerimiz: “Ajap eser, ajap sazdyr bedewler” diýip jaýdar aýdypdyrlar. Muny Milli Liderimiziň döwet galamynyň astyndan çykan we dünýäniň ençeme halklarynyň dillerine terjime edilen “Ahalteke bedewi — biziň buýsanjymyz we şöhratymyz”, “Atda wepa-da bar, sapa-da” ýaly ajaýyp kitaplary dolulygyna subut edýär. Bu günki gün bu ajaýyp eserler diňe bir türkmen halkynyň däl, eýsem, dünýäniň ençeme halklarynyň ýankitabyna öwrüldi.
Berkarar döwletiň täze eýýamynyň Galkynyşy döwründe Garaşsyz, Bitarap Türkmenistan sebitde we dünýäde parahatçylygy berkitmek, durnukly ösüşi gazanmak, milli gymmatlyklarymyzy rowaçlyklara beslemek ýaly, asylly maksatlar bilen nurana geljege tarap ynamly öňe barýar. Döwletimiziň gülläp ösmeginde asylly işleri amala aşyrýan, täze taryhy döwürde eziz Diýarymyzy, mähriban halkymyzy röwşen geljege alyp barýan, dünýä ýüzünde parahatçylygy, durnuklylygy we asudalygy pugtalandyrmakda ägirt uly tagallalary edýän Gahryman Arkadagymyza, Arkadagly Gahryman Serdarymyza çuňňur alkyşymyzy şahyryň buýsançly setirleri bilen beýan edýärin.
Bu şanly ýylyň gelmegi bilen Gahryman Akadagymyzy, Arkadagly Gahryman Serdarymyzy, mähriban halkymyzy we ähli bilim işgärlerini tüýs ýürekden gutlaýarys! Halkymyzy toý-baýramly günlere alyp barýan Gahryman Akadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, tutýan tutumly işleriniň hemişe rowaçlyklara beslenmegini tüýs ýürekden arzuw edýäris!
Enejan SAPAROWA,
Seýitnazar Seýdi adyndaky Türkmen döwlet mugallymcylyk institutynyň Mekdebe çenli bilim we terbiýe bakalawr hünäriniň 1-nji ýyl talyby.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.