BEDEW ATLAR – BUÝSANJYMYZ HEM ŞÖHRATYMYZ
21-01-26
Gahryman Arkadagymyzyň “Döwlet adam üçindir!”, Arkadagly Gahryman Serdarymyzyň “Watan diňe halky bilen Watandyr! Döwlet diňe halky bilen döwletdir!” diýen ýörelgelerine eýerýän agzybir halkymyz bu gün parahat we abadan durmuşda ýaşaýar. Berkarar döwletiň täze eýýamynyň Galkynyşy döwründe ýurdumyz ösüşleriň nurana ýolundan bedew bady bilen ynamly öňe barýar. 2026-njy ýyly mynasyp atlandyrmakda halkymyzyň isleg-arzuwlary, raýatlarymyzyň teklipleri nazara alnyp, Türkmenistanyň Mejlisiniň karary bilen, “Garaşsyz, baky Bitarap Türkmenistan - bedew batly at-myradyň mekany” diýlip yglan edilmegi hem ýurdumyzyň her bir raýatynyň ýüreginde buýsanç döretdi.
“Garaşsyz, baky Bitarap Türkmenistan - bedew batly at-myradyň mekany” ýyly uly üstünliklere beslenip, milli ýörelgelerimizi, gymmatlyklarymyzy dünýä ýaýmakda giň mümkinçilikler dörediler. Toýlary toýlara ulaşýan Diýarymyzda mukaddes Garaşsyzlygymyzyň 35 ýyllyk toýunyň giňden belleniljek şu ýylyň adynyň behişdi bedewler bilen baglanyşdyrylmagy geljekki üstünliklere bolan ynamymyzy has-da artdyrýar. Çünki bedew rowaçlygyň, bagtyýarlygyň, okgunly ösüşiň nyşany hasaplanýar. Gahryman Arkadagymyzyň jöwher paýhasyndan dörän “Ahalteke bedewi - biziň buýsanjymyz we şöhratymyz”, “Gadamy batly bedew” hem-de “Atda wepa-da bar, sapa-da” atly gymmatly eserleri halkymyz üçin bahasyna ýetip bolmajak ruhy baýlykdyr.
Mälim bolşy ýaly, bedew atlar türkmeniň uçar ganatydyr, toý-baýramlarynyň bezegidir. Türkmen bedewiniň şan-şöhratyny dünýä ýaýýan bu ajaýyp kitaplar, gadymy mirasymyzy geljek nesillere ýetirmekde ylmy we ruhy gollanma bolup hyzmat edýär. Gahryman Arkadagymyzyň asylly başlangyçlaryny, beýik özgertmelerini üstünlikli dowamata besleýän hormatly Prezidentimiziň parasatly baştutanlygynda Berkarar döwletiň täze eýýamynyň Galkynyşy döwrüniň ýyllary şanly senelere beslenip gelýär. Watanymyzyň döwlet berkararlygynyň binýady bolan mukaddes Garaşsyzlyk aýdyň ýollarymyzda özüniň beýanyny tapdy.
Ahalteke bedewlerine bolan buýsanjymyz barha artyp, pederlerimiziň beýik ýoly mynasyp dowam edýär. Bu günki günde bedewler toý-baýramlaryň bezegidir, şeýle hem atly sporty ösdür-mekde uly gymmatlykdyr. Häzirki wagtda ahalteke bedewleri diňe däbe öwrülen at çapyşyklarynda däl-de, eýsem, atly sportuň beýleki görnüşlerinde hem, şol sanda konkurda hem ajaýyp netijeleri görkezýärler. Bularyň ählisi ata-baba ýörelgelerimiziň ösdürilýändigini, döwrebap mümkinçilikleriň döredilýändigini aýdyň beýan edýär. Şu ýylyň “Garaşsyz, baky Bitarap Türkmenistan - bedew batly at-myradyň mekany” diýlip yglan edilmegi halkymyzyň behişdi bedewlere üstünlige ýetmegiň nusgasy hökmünde garaýandygy bilen baglanyşyklydyr.
Gözelligiň nusgasyna öwrülen ahalteke bedewleri belent waspa mynasypdyr. Çünki halkymyz bedew atlary rowaçlygyň, ösüşiň nyşany hökmünde kabul edýär. Dilimizde berk ornaşan “bedew batly ösüşler”, “at - myrat” ýaly ganatly sözler hem bedew atlara bolan buýsanjyň aýdyň beýanydyr. Şonuň üçin hem türkmen halkynyň bedew atlara goýýan sarpasy örän ýokarydyr. “Ahalteke atçylyk sungatynyň we atlary bezemek däpleriniň” ÝUNESKO-nyň Adamzadyň maddy däl medeni mirasynyň sanawyna girizilmegi türkmen halkynyň umumadamzat medeni gymmatlyklaryna uly goşant goşýan halkdygyny görkezýän dünýä ykrarnamasydyr. Goý, milli ýörelgelerimizi, gymmatlyklarymyzy dünýä ýaýýan, beýik işleri alyp barýan, ýurdumyzy kuwwatly döwlete öwürýän, halkymyza bagtyýar durmuşy peşgeş edýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!
Annamyrat ANNADOW,
Myrat Garryýew adyndaky Türkmenistanyň döwlet lukmançylyk uniwersitetiniň Lukmançylyk gullugynyň guralyşy we usulyýeti kafedrasynyň müdiri.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.