BELENT ÖSÜŞLERIŇ AÝDYŇ BEÝANY
19-01-26
Häzirki ajaýyp döwrümiz şanly wakalara beslenýär, her bir günümiz belent üstünlikler bilen şöhratlanýar. Şu ýylyň “Garaşsyz, baky Bitarap Türkmenistan - bedew batly at-myradyň mekany” diýlip atlandyrylmagy ähli ildeşlerimizde buýsanç döredip, täze üstünlikleriň dünýä ýaýyljakdygyny äşgär edýär. Şu ýylymyz taryhy wakalara, ösüşlere baý ýyl bolar, çünki mukaddes Garaşsyzlygymyzyň 35 ýyllygyna sowgatly barmak halkymyzyň asylly däbinden alamatdyr. Göwünlerimizi galkyndyrýan sahawatly toý-baýramlar şu günlerden ruhumyzy belende göterýär, şu ýylyň başlanmagy mynasybetli, ajaýyp şygara beslenmeginiň şanyna ýurdumyzyň dürli künjeklerinde dabaralar geçirilýär. Bu bolsa “Garaşsyz, baky Bitarap Türkmenistan - bedew batly at-myradyň mekany” ýylynyň şan-şöhratynyň has-da belentdigini aýdyň beýan edýär.
Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde bagtyýar durmuşyň hözirini görüp ýaşaýan mähriban halkymyz 2026-njy ýyly ýagşy arzuwlar bilen garşy aldy. Hormatly Prezidentimiziň parasatly baştutanlygynda 2026-njy ýylyň “Garaşsyz, baky Bitarap Türkmenistan - bedew batly at-myradyň mekany” diýlip atlandyrylmagy halkymyzyň ruhuny has-da belende göterdi. Çünki Garaşsyz, hemişelik Bitarap Türkmenistan döwletimiziň okgunly ösüşiniň baş nyşanyny alamatlandyrýan ahalteke bedewleri Gahryman Arkadagymyzyň, Arkadagly Gahryman Serdarymyzyň tagallalary bilen ösüşiň belentliklerine tarap ynamly gadam urýan mähriban türkmen halkymyzyň milli buýsanjyna öwrüldi.
Halkymyz şu şanly ýyla hormat-sarpa goýup, dabaralara, wagyz-nesihat çärelerine işjeň gatnaşýarlar, özleriniň döredijilikli zähmetlerini has-da artdyrýarlar. Çünki bu ýyl özüniň buýsançly şygary bilen beýik ösüşleriň ýoluny dünýä ýaýyp, ähli ynsanlaryň ýürek töründe orun aldy. Türkmenistan Diýarymyzyň mukaddes Garaşsyzlygyna hut şu ýyl 35 ýyl dolýar. Şonuň üçin hem bu şanly senäni halkymyzyň uludan-kiçä ählisi işlerinde, okuwlarynda, durmuşynda gazanýan üstünliklerini, rowaçlyklaryny sowgat edip, aýratyn joşgun bilen garaşýar.
Berkarar döwletiň täze eýýamynyň Galkynyşy döwri beýik ösüşleriň, özgerişleriň we ýeňişleriň altyn sahypasy bolup iň täze taryhymyzda mynasyp orun eýeleýär. Bu döwürde biziň her birimiziň durmuşymyzda düýpli özgertmeler bolup, maksatlarymyzyň myrada ýetýän zamanasy boldy. Bu gün Gahryman Arkadagymyzyň, Arkadagly Gahryman Serdarymyzyň ýurdumyzy ösdürmek, belent derejelere ýetirmek baradaky tagallalary rowaçlyklara beslenýär, beýik işler durmuşa geçirilýär. Häzirki döwürde belent maksatlar tutulýar, aýdyň ýollar bilen beýik ösüşler gazanylýar. Şeýle hem munuň özi beýik ösüşleriň dowamat dowam boljakdygyny aýdyň beýan edýär.
Hormatly Prezidentimiz türkmen halkyna täze ýyl Gutlagynda şeýle belleýär: “Hoşniýetli arzuw-umytlar bilen garşy alýan täze ýylymyzda mukaddes Garaşsyzlygymyzyň şanly 35 ýyllygyny belläp geçeris. Watanymyzy bagtyýarlygyň we rowaçlygyň mekanyna öwürmek ugrunda yhlas bilen zähmet çekeris”. Bu parasatly sözler ähli ildeşlerimizi zähmet üstünliklerine ruhlandyrýar, olarda bagtyýar durmuşymyza buýsanç döredýär. Türkmenistan Watanymyz bu gün dünýäniň iň öňdebaryjy, abraýly döwletleriniň hatarynda mynasyp orun alýar, dünýäde parahatçylygyň, dost-doganlygyň, ösüşiň rowaçlanýan ýurdy hökmünde giňden tanalýar. Bu döwürde ýurdumyzda döwlet durmuşynyň ähli ulgamlarynda - syýasatda, ykdysadyýetde we medeniýetde uly ösüşler gazanyldy. Bularyň ählisi beýik ösüşleriň ýolun-dan bedew bady bilen öňe barýan türkmen halkyny buýsandyrýar, guwandyrýar.
Häzirki ajaýyp döwrümizde belent maksatlar bilen nurana geljege barýan, döredýän, gurýan halkymyzyň üstünlikleri üstünliklere ulaşýar. Munuň şeýledigine hormatly Prezidentimiziň parasatly baştutanlygynda durmuşa geçirilen beýik işler, ýetilen belent sepgitler hem aýdyň şaýatlyk edýär. Ata Watanymyzy gülledip ösdürmek, mähriban halkymyzyň ýaşaýyş-durmuş derejesini has-da ýokarlandyrmak ugrunda taýsyz tagallalary edýän Gahryman Arkadagymyzyň, Arkadagly Gahryman Serdarymyzyň il-ýurt bähbitli, döwlet ähmiýetli beýik işleri üstünliklere beslensin!
Annagözel ÇARYÝEWA,
Myrat Garryýew adyndaky Türkmenistanyň Döwlet lukmancylyk uniwersitetiniň Jemgyyeti öwreniş ylymlary kafedrasynyň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.