Şanly ýylyň belent ruhy bilen
05-01-26
Türkmen halky 2025-nji ýyly uly üstünlikler bilen jemläp, täze — «Garaşsyz, baky Bitarap Türkmenistan — bedew batly at-myradyň mekany» ýylyny ruhubelentlik bilen garşy aldy. 2026-njy ýyla şeýle at berilmegi hakynda Türkmenistanyň Mejlisiniň karary hormatly Prezidentimiziň Ministrler Kabinetiniň giňişleýin mejlisinde yglan edildi.
Her ýyly döwrebap atlandyrmak we onuň nyşanyny kabul etmek ýurdumyzda asylly däbe öwrüldi. Täze ýylyň ady halkymyzyň arzuw-umytlaryny, köpasyrlyk milli gymmatlyklaryny hem-de Gahryman Arkadagymyzyň we hormatly Prezidentimiziň parasatly başlangyçlaryny özünde jemleýär. Bedew at — türkmen halkynyň buýsanjy, ösüşleriň we belent maksatlaryň nyşany hökmünde täze ýylyň şygarynda mynasyp orun aldy.
Halkymyzyň uly ruhubelentlik bilen gadam basan 2026-njy ýylynyň ilkinji pursatlarynda täze ýylyň ilkinji bäbeginiň dünýä inmegi toýly günleriň şowhunyny artdyrdy. Aşgabat şäherindäki Enäniň we çaganyň saglygyny goraýyş merkezinden täze ýylyň buşlukçysy bolan hoş habar gelip gowuşdy. Ol ýerde ýurdumyz boýunça «Garaşsyz, baky Bitarap Türkmenistan — bedew batly at-myradyň mekany» ýylynda ilkinji çaga dünýä indi. Asylly däbe eýerip, oglanjyga täze ýylyň ruhuna laýyk gelýän «Atamyrat» diýip, at goýuldy.
2026-njy ýylyň ilkinji minutlarynda Aşgabat şäheriniň bagtyýar ýaşaýjylary — Şeker hem-de Emir Gaýypowlaryň ilkinji ogul perzendiniň dünýä inmegi we onuň ýylyň ilkinji perzendi bolmagy bagtly ene-atanyň buýsanjyny artdyrdy. Şeýle ajaýyp pursatlarda Gahryman Arkadagymyzyň, hormatly Prezidentimiziň, şeýle-de, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň adyndan Gaýypowlaryň maşgalasyna gymmat bahaly sowgatlar gowşurylyp, iň gowy arzuwlar aýdyldy.
2025-nji ýyl ýurdumyzyň taryhynda aýratyn orun eýeledi. Bu ýylda Türkmenistanyň hemişelik Bitaraplygynyň 30 ýyllygy dünýä derejesinde giňden bellenildi. BMG-niň Baş Assambleýasynyň Kararnamalary bilen üç gezek ykrar edilen oňyn Bitaraplyk syýasaty parahatçylygy, durnukly ösüşi we dialogy pugtalandyrmakda möhüm orna eýe boldy. Bitaraplyk diňe daşary syýasat däl, eýsem, halkymyzyň parahatçylyk söýüjilik we ynsanperwerlik ýörelgesidir.
Geçen ýylyň dowamynda ýurdumyzda we halkara giňişlikde iri forumlar, maslahatlar geçirilip, Türkmenistanyň başlangyçlary dünýä bileleşigi tarapyndan giňden goldanyldy. Zenanlaryň, çagalaryň abadançylygy, durnukly ösüş, ulag we energetika hyzmatdaşlygy ýaly ugurlar boýunça kabul edilen halkara Kararnamalar ýurdumyzyň ýokary abraýynyň aýdyň beýany boldy.
Hormatly Prezidentimiziň baştutanlygynda Garaşsyzlygymyzyň esaslary pugtalandyrylýar, ykdysady kuwwat ýokarlanýar, halkymyzyň ýaşaýyş-durmuş derejesi yzygiderli gowulanýar. «Döwlet adam üçindir!» hem-de «Watan diňe halky bilen Watandyr! Döwlet diňe halky bilen döwletdir» diýen şygarlar döwlet syýasatynyň esasy mazmunyny kesgitleýär.
Gündogar müçenamasy boýunça ýylky ýyly bolan 2026-njy ýyl halkymyz üçin aýratyn ähmiýete eýedir. Bu ýylda Türkmenistan mukaddes Garaşsyzlygynyň 35 ýyllygyny belläp geçer. Bu şanly sene agzybirligiň, buýsanjyň we täze üstünlikleriň baýramy bolar. Goý, halkyny bagtly geljege alyp barýan türkmen halkynyň Milli Lideriniň hem-de Arkadagly Gahryman Prezidentimiziň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!
Habyp HALYLOW,
Myrat Garryýew adyndaky Türkmenistanyň Döwlet lukmançylyk uniwersitetiniň Nerw keselleri we neýrohirurgiýa kafedrasynyň assistenti.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.