Saglygyň gadryny bilgil, hasta bolmasdan burun
18-12-25
Berkarar döwletimiziň täze eýýamynyň Galkynyşy döwründe hormatly Prezidentimiziň taýsyz aladalary bilen raýatlaryň arasynda sagdyn durmuş ýörelgesini ornaşdyrmakda, kopçülikleýin bedenterbiýäni, sporty ösdurmek, ýurdumyzyň abadançylygyny gowulandyrmak ugrunda uly tagallalar edilýar. Sagdynlygyň hem-de gülläp ösüşleriň, ruhubelentligiň mekany bolan Türkmenistan Watanymyzda ýurdumyz üçin uly baýlyk bolan adamyň jan saglygynyň goragyny ýokary derejä ýetirmek maksady bilen uly işler alnyp barylýar.
Gündogaryň beýik akyldary nusgawy şahyrymyz Magtymguly Pyragynyň «Saglygyň gadryny bilgil, hasta bolmasdan burun» diýen pähim-paýhasly setirlerini ýörelge edinýän halkymyz ynsan saglygyny baş baýlyga deňeýär. Bu babatdaky ýörelge mukaddes Garaşsyzlyk ýyllary içinde, şol sanda Gahryman Arkadagly, Arkadagly Gahryman Serdarly täze taryhy eýýamda üstünlikli dowam etdirilýär. Şu nukdaýnazardan, ýurdumyzyň saglygy goraýyş ulgamynyň işine, ilatyň saglygyny goramak bilen baglanyşykly işlere döwlet syýasatynyň ileri tutulýan ugry hökmünde möhüm ähmiýet berilýär.
Ýeri gelende, Türkmenistanyň Konstitusiýasynda hem saglygy goramak bilen baglanyşykly kadanyň öz beýanyny tapandygyny bellemek gerek. Esasy Kanunymyzyň 52-nji maddasynda her bir adamyň saglygyny gorap saklamaga, şol sanda döwlet saglygy goraýyş edaralarynyň hyzmatlaryndan mugt peýdalanmaga hukugynyň bardygy bellenilýär.
Lukman alym Gahryman Arkadagymyzyň başlangyçlaryny dowam edýän Arkadagly Gahryman Serdarymyzyň taýsyz tagallalary bilen häzirki wagtda ýurdumyzda saglygy goraýyş ulgamyny ösdürmek, ynsan saglygyny goramak bilen bagly işler giň gerime eýe boldy. Bu babatda hormatly Prezidentimiziň aýdanlary ähmiýet berilmäge mynasypdyr. Bu barada: döwlet Baştutanymyz «Berkarar döwletiň täze eýýamynyň Galkynyşy döwründe ýurdumyzda saglygy goraýyş ulgamyny yzygiderli kämilleşdirmek, raýatlarymyzyň saglygyny berkitmek, ynsan ömrüniň dowamlylygyny uzaltmak, bedenterbiýäni we sporty ösdürmek, sagdyn durmuş ýörelgelerini ornaşdyrmak boýunça giň gerimli işler alnyp barylýar» diýip aýratyn belleýär.
Hawa, täze taryhy eýýamda Gahryman Arkadagymyzyň başlangyjy esasynda işlenip taýýarlanan «Saglyk» Döwlet maksatnamasyndan gelip çykýan wezipeler üstünlikli durmuşa geçirilýär, ýurdumyzyň saglygy goraýyş ulgamynyň işi, milli lukmançylygymyz yzygiderli kämilleşdirilýär, ilata hödürlenilýän lukmançylyk hyzmatlarynyň hili ýokarlandyrylýar.
«Awaza» milli syýahatçylyk zolagynyň we ondaky ynsan saglygyny goramak bilen maksatly desgalaryň, şeýle hem şypahanalaryň ilatyň hyzmatynda goýulmagy bilen, ilatyň saglygynyň goragy has-da ýokarlandy. Ýylyň dört paslynda-da şypahanalarda dynç almaga, saglygyny berkitmäge isleg bildirýän raýatlaryň sanynyň köp bolmagy olaryň işiniň we ilata edilýän lukmançylyk hyzmatlarynyň ýokary derejedediginiň görkezijisi bolup durýar.
Ýurdumyzda halkyň saglygyny goramak maksady bilen, paýtagtymyzda we Arkadag şäherinde hem-de welaýatlarda häzirki zaman ylmy-kliniki merkezleriň, saglyk öýleriniň hem-de saglygy goraýyş ulgamynyň beýleki desgalarynyň gurlup, yzygiderli ulanylmga berilýändigini hem bellemek gerek. Şol desgalaryň Bütindünýä Saglygy Goraýyş Guramasynyň ölçeglerine laýyk gelmegi olarda ilata edilýän lukmançylyk hyzmatlarynyň ýokary derejede bolmagyny şertlendirýär.
Ilata edilýän lukmançylyk hyzmatlary barada söz açylanda, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy tarapyndan amala aşyrylýan işleri, şeýle hem ekologik taýdan arassa ýerli çig mallardan dürli görnüşli lukmançylyk serişdeleriniň önümçiligini ýola goýan «Arkadag Medisina Klasteri Menejment» kärhanasynyň işini hem bellemek gerek.
Gahryman Arkadagymyz ajaýyp başlangyçlary bilen birlikde, saglygy goraýyş ulgamyna degişli kitaplary, şol sanda «Türkmenistanyň dermanlyk ösümlikleri» atly köp jiltli kitaby arkaly saglygy goraýyş ulgamyny ösüşlere besleýär. Bularyň hemmesi mukaddes Garaşsyzlygymyzyň halkymyza eçilen bagty bolup, Berkarar döwletiň täze eýýamynyň Galkynyşy döwründe ýurdumyzyň saglygy goraýyş ulgamynyň ösüşini dabaralandyrýar.
Ilatyň saglygy baradaky alada döwlet syýasatynyň ileri tutulýan ugry hökmünde möhüm ähmiýet berýän Gahryman Arkadagymyzyň we Arkadagly Gahryman Serdarymyzyň janlary sag, ömürleri uzak, il-ýurt bähbitli, döwlet ähmiýetli işleri rowaç bolsun!
Geldimyrat SAÝYPOW,
Myrat Garryýew adyndaky Türkmenistanyň Döwlet lukmançylyk uniwersitetiniň Harby-meýdan hirurgiýasy kafedrasynyň müdiri.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.