Il saglygy – ýurt baýlygy
18-12-25
Islendik ýurtda adam bähbitleri ileri tutulýan bolsa, şol döwletiň jemgyýeti ösen, il-halky bagtyýardyr. «Döwlet adam üçindir!» diýen şygary öňe sürýän ýurdumyzda-da döwlet syýasatynyň ileri tutulýan ugurlarynyň biri bolan saglygy goraýyş ulgamynyň ösdürilmegine, jemgyýetimizde sagdyn durmuş ýörelgeleriniň pugtalandyrylmagyna aýratyn uly ähmiýet berilýär. Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň pähim-paýhaslary esasynda ýurdumyzyň saglygy goraýyş ulgamynda umumadamzat bähbitli täze başlangyçlar öňe sürülýär.
Arkadagly Gahryman Serdarymyzyň BMG-niň Deňze çykalgasy bolmadyk ösüp barýan döwletler boýunça üçünji maslahatynyň birinji umumy mejlisinde eden taryhy çykyşynda: «Şu gün men bu forumyň münberinden «Geljegiň ählumumy lukmançylygy — raýdaşlyk we hyzmatdaşlyk» başlangyjyny öňe sürýärin. Bolup geçen dünýä pandemiýasy, Ýer ýüzüniň dürli künjeklerinde ýüze çykýan häzirki meseleler, keselçilikler we epidemiýalar raýdaşlyk we özara goldaw düşünjesiniň dünýä möçberinde adamyň saglygy, saglygyny goramaga hem-de bejergä bolan düýpli hukugy bilen birmeňzeşdigini görkezýär. Bu başlangyçda gürrüň Birleşen Milletler Guramasynyň howandarlygynda halkara lukmançylyk diplomatiýasynyň ulgamlaýyn usullaryny ýola goýmak barada barýar» diýip bellemek bilen, umumadamzat bähbitli täze başlangyjy öňe sürdi.
Bu asylly başlangyç Türkmenistanyň mukaddes Garaşsyzlygynyň 34 ýyllygynyň, hemişelik Bitaraplygynyň 30 ýyllygynyň giňden bellenilen Halkara parahatçylyk we ynanyşmak ýylynyň möhüm wakasy bolup, ählumumy geljegiň hatyrasyna halkara lukmançylyk diplomatiýasynyň bütin dünýä ýüzünde dabaralanmasyna öwrüldi. BMG-niň Awaza forumynda Türkmenistanyň şeýle ähmiýetli başlangyjy öňe sürmeginiň çuň manysynyň bardygy aýratyn bellärliklidir. Çünki deňze çykalganyň bolmazlygy häzirki döwürde lukmançylyk kömegini bermek, bu ugra degişli enjamlary we derman serişdelerini ibermek, zerur bolan öňüni alyş çärelerini geçirmek, ähli saglygy goraýyş ulgamynyň bökdençsiz işlemegini üpjün etmek üçin düýpli päsgelçilik döredip bilýär. Hut şu nukdaýnazardan ugur alyp hem biziň ýurdumyz bu başlangyjy iş ýüzünde amala aşyrmak boýunça öz garaýyşlaryny beýan edip, Birleşen Milletler Guramasynyň degişli düzümlerinde iş alyp barmaga elmydama açykdyr.
Türkmenistan döwletimiz saglygy goraýyş ulgamyny ösdürmekde, kämilleşdirmekde nusgalyk işleri alyp barýar. Ýurdumyzda kabul edilen milli we döwlet maksatnamalary esasynda paýtagtymyzda we welaýatlarda Bütindünýä Saglygy Goraýyş Guramasynyň ölçeglerine laýyk gelýän bejeriş-anyklaýyş merkezleri, şypahanalar, ýerli çig maldan derman serişdelerini öndürýän döwrebap kärhanalar, häzirki zaman ylmy-kliniki merkezleri, saglyk öýleri yzygiderli gurlup ulanylmaga berilýär. Şeýle-de Diýarymyzda «Saglyk» Döwlet maksatnamasy, «Sagdyn ene — sagdyn çaga — sagdyn geljek» atly 2021 — 2025-nji ýyllar üçin Milli strategiýasy, Türkmenistanda şypahana ulgamyny ösdürmek boýunça 2021 — 2025-nji ýyllar üçin Milli maksatnamasy, Türkmenistanda ilatyň saglyk abadançylygyny üpjün etmek boýunça 2023 — 2028-nji ýyllar üçin Milli maksatnamasy, Türkmenistanda lukmançylyk sagaldyş-dikeldiş çäreleriniň 2024 — 2028-nji ýyllar üçin Milli strategiýasy hereket edýär. Bu bolsa ýurdumyzda adam saglygynyň hemme zatdan ileri tutulýandygyny, ýyl-ýyldan has-da kämilleşdirilýändigini aýdyňlygy bilen subut edýär.
Goý, il saglygyny ýurt baýlygyna deňeýän Gahryman Arkadagymyzyň başlangyçlaryny dowamata atarýan Arkadagly Gahryman Serdarymyzyň parasatly baştutanlygynda gazanylýan milli ykdysady özgertmeler, umumadamzat bähbitli beýik işler eziz Diýarymyzy mundan beýläk-de ösüşlere beslesin! Ata Watanymyzyň halkara abraýyny has-da belende göterip, abadan durmuşy nazarlaýan umumadamzat bähbitli başlangyçlary öňe sürýän Gahryman Arkadagymyzyň, hormatly Prezidentimiziň janlary sag, ömürleri uzak bolsun!
Aýjemal GULMYRADOWA,
Myrat Garryýew adyndaky Türkmenistanyň Döwlet lukmançylyk uniwersitetiniň Adam anatomiýasy, topografik anatomiýa we operatiw hirurgiýa kafedrasynyň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.