Ata Wa­ta­ny­myz­da Hal­ka­ra Bi­ta­rap­lyk gü­ni hem-de ýur­du­my­zyň he­mi­şe­lik Bi­ta­rap­lyk hu­kuk ýag­da­ýy­na eýe bol­ma­gy­nyň 30 ýyl­ly­gy aý­dym-saz­ly da­ba­ra­lar bi­len giň­den bel­le­nil­ýär. He­mi­şe­lik Bi­ta­rap­lyk hu­kuk ýag­da­ýy türk­men hal­ky üçin buý­sanç bu­la­gy­nyň göz­ba­şy, bag­tyň ser­we­ri. Ga­raş­syz­lyk, he­mi­şe­lik Bi­ta­rap­lyk türk­men hal­ky­nyň go­şa ga­na­ty.

Wa­ta­ny­my­zyň he­mi­şe­lik Bi­ta­rap­lyk hu­kuk ýag­da­ýy­na se­bit­de dur­nuk­ly­ly­gy we howp­suz­ly­gy üp­jün et­me­giň, pa­ra­hat­çy­lyk sö­ýü­ji­lik­li baş­lan­gyç­la­ry dur­mu­şa ge­çir­me­giň, hal­ka­ra möç­ber­de wa­jyp me­se­le­le­ri ara alyp mas­la­hat­laş­ma­gyň we ola­ry çöz­me­giň mö­hüm gu­ra­ly hök­mün­de ga­ral­ýar. Bi­ta­rap Türk­me­nis­tan hal­ka­ra gat­na­şyk­lar­da, dün­ýä bi­le­le­şi­gin­de öz my­na­syp or­nu­ny tap­dy. Hemişelik Bi­ta­rap­lyk de­re­je­si da­şa­ry sy­ýa­sy ta­rap­dan döw­le­tiň pa­ra­hat­çy­lyk dö­re­di­ji, hal­ka­ra söw­da-yk­dy­sa­dy we me­de­ni, yn­san­per­wer hyz­mat­daş­ly­gyň iş­jeň mer­ke­zi­ne öw­rül­me­gi­ne yg­ty­bar­ly esas bo­lup dur­ýar.

Ak mer­mer­li gö­zel paý­tag­ty­myz hä­zir­ki wagt­da dür­li ugur­lar bo­ýunca en­çe­me hal­ka­ra du­şu­şyk­la­ryň ge­çi­ril­ýän ýe­ri hök­mün­de be­lent yk­ra­ra eýe bol­dy. Şeý­le-de üs­tü­miz­dä­ki ýy­lyň «Hal­ka­ra pa­ra­hat­çy­lyk we yna­nyş­mak ýy­ly» diý­lip at­lan­dy­ryl­ma­gyn­da-da uly ma­ny­nyň bar­dy­gy­ny aý­ra­tyn bel­lemek gerek. Bu ýyl­da ýur­du­myz he­mi­şe­lik Bi­ta­rap­ly­gy­my­zyň şan­ly 30 ýyl­lyk baý­ra­my­ny hal­ka­ra de­re­je­sin­de toý­la­ýar. Ýe­ri ge­len­de bel­le­sek, üs­tü­miz­dä­ki ýyl­da BMG-niň esas­lan­dy­ryl­ma­gy­na hem 80 ýyl dol­ýar. Bu iki şan­ly se­nä­niň bi­le­lik­de gel­me­gi hem tö­tän­lik däl­dir. Oý­la­ny­şyk­ly saý­la­nyp al­nan Bi­ta­rap­lyk sy­ýa­sa­ty­ny hal­ka­ra de­re­je­de amal ed­ýän ýur­du­myz bu gün se­bit­le­riň, yk­lym­la­ryň ga­ly­ber­se-de, bü­tin dün­ýä­niň pa­ra­hat­çy­ly­gy­na gö­nük­di­ri­len iş­le­re-de özü­niň my­na­syp go­şan­dy­ny go­şup gel­ýär. Bu bol­sa hal­ky­my­zyň ga­dym­dan bä­ri pa­ra­hat­çy­lyk, yna­nyş­mak ýö­rel­ge­le­ri­ne esas­lan­ýan he­re­ket­le­ri he­mi­şe gol­dap ge­len­li­gi­ni tas­syk ed­ýär.

Häzirki bagtyýarlyk döwrümizde hor­mat­ly Pre­zi­den­ti­mi­ziň baş­tu­tan­ly­gyn­da ata Wa­ta­ny­myz tä­ze üs­tün­lik­le­re eýe bolýar. Ýurdu­myzyň dürli pudaklarynda, eziz Diýary­myzyň dürli künjeklerinde gazanylýan ösüşler, belent üstünlikler halkymyzyň bagtyýarlygynyň aýdyň beýanydyr. Şo­nuň üçin hem ähli halkymyz bu asuda we parahat durmuşa, bagtyýarlyk döwrümi­ze ýürekden buýsanýarlar. Şeýle bagtyýarlyk he­mi­şe­lik Bitaraplygymyz, para­hatçylyk söýüjilikli ýolumyz bilen aýryl­maz baglanyşyklydyr. He­mi­şe­lik Bitaraplygymyz diňe bir halkymyz üçin däl-de, eýsem, umumadamzat bäh­bitleri üçin aýdyň ýol-ýörelgedir. Bu bol­sa Türk­menistanyň hemişelik Bitaraplyk hukuk ýagdaýynyň dünýäde hem uly ornunyň bar­dy­gy­ny gör­kez­ýär. Munuň özi örän gu­wan­dy­ry­jy­dyr.

Ýur­du­my­zyň hemişelik Bitarap­lyk hukuk ýagdaýy netijeli halkara syýasatyny üstünlikli amala aşyr­makda uly orun eýeleýär. Türkmenista­nyň Birleşen Milletler Guramasy tarapyndan üç gezek ykrar edilen he­mi­şe­lik Bitaraplyk hukuk ýag­daýy özüniň doly many-mazmunynda sebitde we bütin dünýäde parahatçylygy pugtalandyrmakda, deňhukukly we özara bähbitli söwda-ykdysady hyzmatdaşly­gy has-da işjeňleşdirmekde uly ähmiýete eýe­dir.

Eziz Di­ýa­ry­my­zyň he­mi­şe­lik Bi­ta­rap­ly­gy­nyň 30 ýyl­ly­gy­nyň bel­le­nil­ýän gün­le­rin­de hor­mat­ly Pre­zi­den­ti­mi­ziň «Türk­me­nis­ta­nyň Bi­ta­rap­ly­gy — pa­ra­hat­çy­ly­gyň we yna­nyş­ma­gyň aý­dyň ýo­ly» at­ly täze ki­ta­by türk­men hal­ky­na uly sow­gat bol­dy. Ki­tap do­kuz bö­lüm­den yba­rat bo­lup, on­da he­mi­şe­lik Bi­ta­rap­ly­gy­my­zyň 30 ýyl­da ge­çen ýo­lu­nyň, hu­kuk de­re­je­si­niň dün­ýä­de pa­ra­hat­çy­ly­gy, howp­suz­ly­gy we dur­nuk­ly ösü­şi üp­jün et­mek­dä­ki äh­mi­ýe­ti giň­den be­ýan edil­ýär.

Bi­ta­rap­lyk — mu­nuň özi, il­kin­ji no­bat­da, türk­men hal­ky­nyň pa­ra­hatçylyk ­sö­ýü­ji­lik hä­si­ýe­ti­niň be­ýa­ny­dyr. Hä­zir­ki wagt­da ata Wa­ta­ny­my­zyň uly ösüş­le­re eýe bol­ma­gyn­da-da Bi­ta­rap­lyk de­re­je­si­niň uly äh­mi­ýe­ti bar. Biz Bi­ta­rap­lyk de­re­jä­mi­ze pa­ra­hat­çy­lyk­ly dur­mu­şyň ke­pil­len­dir­me­si, er­tir­ki gü­ne bo­lan ynam, er­ka­na zäh­met çek­mek, saz­la­şyk­ly ös­ýän jem­gy­ýet­de ýa­şa­mak ýa­ly şert­le­riň çeş­me­si di­ýip dü­şün­ýä­ris. BMG bi­len kö­pu­gur­ly gat­na­şyk­la­ry ös­dür­mek ýur­du­my­zyň da­şa­ry sy­ýa­sat stra­te­gi­ýa­sy­nyň mö­hüm ug­ru­dyr. Öza­ra gat­na­şyk­lar­da top­la­nan baý tej­ri­bä esas­lan­mak bi­len, deň­hu­kuk­ly­lyk, bi­rek-bi­re­ge hor­mat goý­mak we uzak­möh­let­le­ýin esas­la­ra da­ýan­ýan däp bo­lan gat­na­şyk­la­ryň hä­zir­ki dö­wür­de tä­ze maz­mun bi­len üs­ti ýe­ti­ril­ýär.

Goý, Garaşsyz, hemişelik Bitarap Watanymyzyň halkara abraýyny barha belende galdyrýan türkmen halkynyň Milli Lideriniň hem-de Arkadagly Gahryman Serdarymyzyň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!

Baharabat SEÝRADOWA,
Myrat Garryýew adyndaky Türkmenistanyň döwlet lukmançylyk uniwersitetiniň Akuşerçilik we ginekologiýa boýunça diplomdan soňky taýýarlyk kafedrasynyň assistenti, lukmançylyk ylymlarynyň kandidaty.