Hormatly Prezidentimiziň esasy maksadynyň biri hem halkymyzyň ýaşaýyş-durmuşyny dünýäniň ösen ýurtlarynyň derejesine ýetirmekdir. Bu belent maksada ýetmekde, azyk bolçulygyny döretmekde ýurdumyzyň Oba hojalyk toplumy uly işleri durmuşa geçirýär. Şol sanda ýokary hilli gaýtadan işlenen azyk önümleriniň bolçulygyny döretmek azyk senagaty pudagynyň öňünde durýan esasy wezipeleriň biridir. Şu nukdaýnazardan miwe, ir-iýmişlerden we gök-bakja önümlerinden dürli görnüşli konserwalary öndürmek, täze usullaryny işläp düzmek biziň öňümizde durýan esasy wezipedir.

Miweleriň we gök önümleriň gaýtadan işlenýän görnüşlerine garamazdan saýlama, ýuwma, arssalama, ownutma, çig maly ýylylyk bilen işleme we taýýar önümleri saklama usullary ulanylýar.

Almanyň ýerli sortlaryndan konsentrat öndürmekligiň dürli tehnologiýalaryna seredip geçsek, olardan iň gerek bolany bugartmak usuly ulanylýan tehnologiki shemadyr. Alma şiresini konsentrirlemegiň fiziki-himiki esaslary şeýle-de prosesiň temperatura ýagdaýyny kesgitleýän, bolup biläýjek goşmaça reaksiýalar barada maglumatlar doly öwrenilmelidir. Bugardyjy apparatlaryň häsiýetnamalary, olaryň artykmaçlygy we ýetmezçilikleri hasaplama esasynda geçirilmelidir. Çig malyň we taýýar önümiň häsiýetnamalary düzülip alma şiresini konsentrirlemegiň prinsipial tehnologiki shemasy saýlanyp alynmalydyr. Üç korpusly apparatda bugartmaklygyň basgançaklary bilen bir hatarda zerur bolan tehnologiki görkezijileri saýlanyp alynmalydyr.

Berlen öndürijilik üçin üç korpusly bugarydjy apparadyň hasaby ýerine ýetirilýär we apparadyň görnüşi saýlanyp alynýar. Üç korpusly we bir korpusly apparatlaryň işleriniň deňeşdiriliş häsiýetnamalary geçirilýär hem-de häsiýetnama esasynda üç korpusly bugardyjy apparadyň gyzdyryjy bugy 5 esse az talap edýänligi netije esasynda ýüze çykarylýar.

Gurbanjemal PAŞYKOWA,

S.A.Nyýazow adyndaky Türkmen oba hojalyk uniwersitetiniň talyby.