PARAHATÇYLYGYŇ WE YNSANPERWERLIGIŇ ÝOLY
02-12-25
Halkymyz agzybirlik, adalatlylyk, watansöýüjilik, ynsanperwerlik ýaly häsiýetleri Oguz handan, Gorkut atadan, Görogly begden alyp gaýdýar. Bu gün parahatçylygyň, ylalaşygyň we halklaryň arasyndaky dostlugyň merkezine öwrülen Garaşsyz Türkmenistanyň gazanan hemişelik Bitaraplygy sebitde halkara hyzmatdaşlygynyň we hoşniýetli goňşuçylyk gatnaşyklarynyň ösmegine itergi berýär. Halkymyzyň şol gatnaşyklary, milli däp-dessurlarymyz gadym döwürlerden kemala gelipdir. Merdana halkymyzyň milli häsiýetleri we ajaýyp däp-dessurlary bahasyna ýetip bolmajak gymmatly hazynadyr. Bu ajaýyp mirasy aýawly saklamak, ýaş nesilleriň kalbyna ornaşdyrmak ata-baba dowam edip gelýän däbimizdir.
Türkmenistanyň hemişelik Bitaraplygy parahatçylygyň, howpsuzlygyň hem-de bütin adamzadyň hatyrasyna hyzmatdaşlyk etmegiň aýdyň ýoludyr. Türkmenistanyň hemişelik Bitaraplyk hukuk ýagdaýy Birleşen Milletler Guramasynyň Baş Assambleýasy tarapyndan iki gezek ykrar edildi. Ýurdumyz dünýä döwletleri bilen dostluk, birek-biregi hormatlamak, ynanyşmak, özara ýardam bermek esasynda köptaraplaýyn gatnaşyklary ýola goýýar. Ýurdumyzyň hemişelik Bitaraplyk derejesi häzirki wagtda dünýä döwletleri bilen syýasy, ykdysady, medeni, ylym-bilim we beýleki ugurlarda giň özara gatnaşyklary ýola goýmakda, daşary strategiýany durmuşa geçirmekde ähmiýetli orna eýe bolýar.
Halkymyzyň milli ýol-ýörelgeleriniň aňyrsynda agzybirlik, jebislik, birek-birege hormat goýmak ýaly asylly däplerimiz bar. Gahryman Arkadagymyzyň “Parahatçylyk sazy, dostluk, doganlyk sazy” atly kitabyndaky her bir jümle halkymyzyň asuda, parahat durmuşy babatda gymmatly gollanmadyr. Türkmeniň dutaryndaky her kakuwda, şirwan perdeden çykýan şirin mukamda ata-babalarymyzyň terbiýe mekdebi ýaňlanýar. Halkymyzyň taryhy-medeni mirasyny gorap saklamak we giňden wagyz etmek, ÝUNESKO bilen hyzmatdaşlygy işjeňleşdirmek boýunça ýurdumyzyň başlangyçlary Milletler Bileleşiginiň giň goldawyna eýe bolýar. Türkmenistanyň başlangyjy esasynda BMG-niň Baş Assambleýasy 2025-nji ýyly “Halkara parahatçylyk we ynanyşmak ýyly” diýip yglan etmek hakynda Kararnamany kabul etdi. Bularyň ählisi hormatly Prezidentimiziň umumadamzadyň bähbidine gönükdirilen syýasatynyň üstünliklere beslenýändiginiň aýdyň beýanydyr.
Türkmenistanyň hemişelik Bitaraplygy belent mertebedir, baky bagtdyr. Hemişelik Bitaraplyk syýasatyny ýöredýän ýurdumyz dünýäde parahatçylygyň, dostlugyň, ösüşiň berkarar bolmagy ugrunda tagallalary birleşdirýän döwlet, dünýäni parahatçylyga çagyrýan, adamzady ynanyşmaga ugrukdyrýan ýurt hökmünde tanalýar. Sebit we dünýä halklarynyň bähbidine gönükdirilen işjeň daşary syýasaty ýola goýup, deňhukuklylyk, birek-birege hormat goýmak, hoşniýetli, özara bähbitli hyzmatdaşlyk ýörelgeleri bilen halkara giňişliginde mynasyp orny eýeleýär.
Häzirki ajaýyp döwürde agzybir halkymyz hormatly Prezidentimiziň parasatly baştutanlygynda bagtyýar durmuşyň hözirini görüp ýaşaýar we öňde duran beýik maksatlaryň üstünlikli durmuşa geçirilmegi, halk hojalygynyň ähli pudaklarynda oňyn özgertmeleriň amala aşyrylmagy ugrunda öz goşandyny goşýar. Halkymyzyň eşretli şu güni, şanly we şuglaly ertiri hakda bimöçber aladalaryň edilýän döwründe hormatly Prezidentimiziň alyp barýan syýasatyny ýol-ýörelge edinip, eziz Diýarymyzyň ykdysady kuwwatyna mynasyp goşant goşmak islegi her bir raýatyň kalbyny gurşap alýar. Goý, ýurdumyzy ösüşleriň belent sepgitlerine alyp barýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, beýik işleri rowaçlyklara beslensin!
Orazbagt NURYLLAÝEWA,
Myrat Garryýew adyndaky Türkmenistanyň döwlet lukmançylyk uniwersitetiniň endokrinologiýa kafedrasynyň assistenti.
Türkmenistanyň Prezidenti Katar Döwletiniň Emirini gutlady
Hormatly Prezidentimiz Serdar Berdimuhamedow Katar Döwletiniň Emiri Şeýh Tamim bin Hamad Al Tanä we ýurduň ähli halkyna Katar Döwletiniň Milli güni mynasybetli mähirli gutlaglaryny, iň gowy arzuwlaryny iberdi.
Aşgabat Jarnamasy — parahatçylygyň, ynanyşmagyň we bitaraplygyň ählumumy arhitekturasy
12-nji dekabrda Halkara parahatçylyk we ynanyşmak ýyly, Halkara Bitaraplyk güni, Türkmenistanyň hemişelik Bitaraplygynyň 30 ýyllygy mynasybetli geçirilen halkara forumyň jemleri boýunça kabul edilen Aşgabat Jarnamasy XXI asyrda halkara gatnaşyklary pugtalandyrmagyň ýollaryny kesgitleýän strategik resminamadyr.
BITARAPLYK — PARAHATÇYLYGYŇ HEM-DE DURNUKLY ÖSÜŞIŇ ÖZENI
Bitaraplyk ata Watanymyzyň parahatçylyk, agzybirlik, asudalyk hakyndaky soňlanmajak bagt aýdymydyr. Bitaraplyk türkmen ykbalynyň, durmuşynyň gül bolup açylmagydyr. Onuň ynsan ömrüne berýän bagty, bagtyýarlygy egsilmezdir. Aziýanyň merjen şäheri, ajaýyp paýtagtymyz Aşgabat şäheriniň giň we owadan köçeleriniň biri hem “Bitarap Türkmenistan şaýoly” bolup durýar.
«HEMIŞELIK BITARAPLYK PARAHATÇYLYGYŇ WE ÖSÜŞIŇ ÝOLUDYR»
Bitarap Watynymyzyň erkinligi, asudalygy, berkararlygy we ata-babalarymyzyň arzuwlan eýýamy bu günki gün Berkarar döwletiň täze eýýamynyň Galkynyşy döwründe Gahryman Arkadagymyzyň we Arkadagly Gahryman Serdarymyzyň baştutanlygynda rowana ýollarda uly üstünliklere beslenýär. Halkara parhatçylyk we ynanyşmak ýylynda ýurdumyz dünýäniň birnäçe döwletleri bilen dostlukly gatnaşyklary alyp barýar.
«BAR ZADYŇ SAKASY SAGLYK»
Berkarar döwletimiziň täze eýýamynyň Galkynyşy döwründe her bir güni şanly senelere, toý-baýramlara beslenýän Türkmenistan döwletimizde her bir günimiz uly üstünliklere beslenýär. Türkmenistanda däl, eýsem, bütin dünýäde uly goldawa eýe bolýandygyny äşgär etdi. «Saglyk» Döwlet maksatnamasy ýurdumyzda saglygy goraýşy kämilleşdirmek babatda özgertmeleriň aýgytly tapgyryna geçmäge badalga berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.