MILLILIGE ÝUGRULAN GOLLANMA
29-10-25
Türkmen halky kitaba, pähimli sözlere belent sarpa goýýan halkdyr. Çünki kitap döwrüň taryhyny, halkyň durmuşyny we ruhuny özünde jemleýän gymmatlykdyr, bahasyna ýetip bolmajak hazynadyr. Özi hem şöhratly taryhymyza buýsanç döredýän ajaýyp kitap gymmatly gollanmadyr. Bu gün Gahryman Arkadagymyzyň “Hakyda göwheri” atly kitabyny ýüzümize sylyp, şöhratly taryhymyza aýdyň göz ýetirýäris, pähimdar pederlerimize buýsanýarys.
Gahryman Arkadagymyzyň parasadyndan kemal tapan, halkymyzyň milliligini, däp-dessurlaryny, gadymy ýol-ýörelgesini, ata-babalarymyzyň parasada ýugrulan ruhy gymmatlyklaryny beýan edýän “Hakyda göwheri” atly kitabyň täze - “Halkara parahatçylyk we ynanyşmak ýylynyň” öňýanynda halkymyza gowuşmagy aýratyn many-mazmuna eýedir. Sebäbi “Pähim-paýhas ummany Magtymguly Pyragy” şygary astynda geçen 2024-nji ýylda halkymyzyň gadymdan gelýän ýol-ýörelgeleri, nusgawy edebiýaty dünýä ýaýyldy, akyldar şahyryň eserleri wagyz edildi. Şöhratly taryha, milli ruhy gymmatlyklara belent sarpa goýulýan ýylda şeýle ajaýyp kitabyň elimize gowuşmagy her birimizi buýsandyrdy. “Hakyda göwheri” atly bu ajaýyp kitap halkymyzyň pähim-parasadyny dünýä ýaýjak, ýaşlaryň milli ruhda terbiýelenmeginde bahasyna ýetip bolmajak eserleriň biri bolup durýar.
Häzirki döwrüň beýikligine we uzak geçmişiň şöhratyna düşünmek ynsany ruhy taýdan baýlaşdyrýar. Şonuň üçin hem beýik siwilizasiýalar, medeni ojaklar hakynda söz açylanda hökmany suratda pähimdar pederlerimiziň asylly ýörelgeleri aňymyzda janlanýar. Bu hem pähimdar pederleriň, akyldarlarymyzyň döreden gymmatlyklaryna düşünmäge ýardam berýär. Türkmen halkynyň Milli Lideri Gahryman Arkadagymyzyň “Hakyda göwheri” atly kitabynda şeýle bellenilýär: “Pederlerimiz asyrlaryň mizan eleginden geçirip, bu durmuş hakykatyny pähime öwrüpdirler: Geçmişi bolmadygyň, geljegi bolmaz. Geçmiş - geljegiň berk binýady. Geçmiş - geljegi gurmagyň sapaklary. Geçmiş - pähim-parasat. Halkymyzyň müňýyllyklara uzaýan geçmişi, taryhy - mertligiň, gahrymançylygyň, ygrarlylygyň, belent ahlaklylygyň taryhy”. Şu parasatly sözlerden görnüşi ýaly, ata-babalarymyzyň geçen şöhratly ýoly geljegimiziň berk binýadydyr.
Gahryman Arkadagymyz, Arkadagly Gahryman Serdarymyz türkmen halkynyň milli gymmatlyklaryna, şöhratly taryhyna, asyrlaryň synagyndan geçip kämilleşen medeniýetine aýratyn sarpa goýýarlar. Bu gymmatlyklara aýawly çemeleşmek, giňişleýin öwrenmek we ähli özboluşly öwüşginleri bilen geljekki nesillere ýetirmek üçin yzygiderli alada edilýär. Şonuň üçin hem nusgalyk eserlerde ýaşlara türkmen halkynyň taryhyna, edim-gylymlaryna, däp-dessurlaryna hormat goýmagy, içgin öwrenmegi we dünýä ýaýmak üçin tagallalaryny gaýgyrmazlygy, watançylygy ündew edilýär. Bu dürdäne kitaplar her bir okyjyda uly täsir galdyrýar. Olar beýan edilýän goýazy pelsepewi pikirlere, getirilýän mysallardyr ylmy maglumatlara baýdyr. Gahryman Arkadagymyzyň “Hakyda göwheri” atly kitaby hem şeýle çuňňur mazmunly eserleriň biridir.
Halkymyz müňýyllyklardan gözbaşly taryhynda “Oguznama” ýaly gymmatly eseri miras galdyrypdyr. Bu günki günde bu gymmatly miras ylmy esasda öwrenilmek bilen bir hatarda, dünýäde giňden wagyz edilýär. Bu gymmatly eseriň çuňňur manysyna düşünmekde Gahryman Arkadagymyzyň eserleri uly gollanma bolýar. Aslynda, ata-babalarymyzyň döreden eserleri, nakyllary ruhy baýlykdyr, gymmaty egsilmejek hazynadyr, gadymdan gelýän mirasdyr. Şöhratly taryhymyzy, ata-babalarymyzdan miras galan asylly ýörelgelerimizi dabaralandyrýan şeýle ajaýyp kitaby peşgeş eden Gahryman Arkadagymyzyň janynyň sag, ömrüniň uzak, döwet galamynyň ýiti bolmagyny tüýs ýürekden arzuw edýäris!
Ahmet EÝEBERDIÝEW,
Myrat Garryýew adyndaky Türkmenistanyň Döwlet lukmançylyk uniwersitetiniň Fakultet terapiýa kafedrasynyň assistenti.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.