Saýlawlara görülýän taýýarlyk
07-03-23
Berkarar döwletimiziň täze eýýamynyň galkynyşy döwründe “Arkadag Serdarly bagtyýar ýaşlar” ýylymyzda hormatly Prezidentimiziň alyp barýan asylly ýörelgeleri netijesinde ýurdumyzyň ähli ulgamlarynda işler sazlaşykly guralýar. Bilşimiz ýaly, Türkmenistanyň Milli Geňeşiniň Mejlisiniň 2023-nji 12-nji ýanwaryndaky Karary esasynda şu ýylyň 26-njy martynda Türkmenistanyň Mejlisiniň ýedinji çagyrylyşynyň deputatlarynyň, welaýat, etrap we şäher halk maslahatlarynyň bäşinji çagyrylyşynyň agzalarynyň, Geňeşiň 9-njy çagyrylyşynyň agzalarynyň saýlawlary geçirilýär. Şol mynasybetli häzirki wagtda ýurdumyzda hasaba alnan dalaşgärler bilen saýlawçylaryň arasynda duşyşyklar yzygiderli guralýar.
2023-nji ýylyň ýanwar aýynyň 25-den başlap, ähli düzümdäki saýlawlara dalaşgärleri hödürlemek işleri amala aşyryldy. Dalaşgärleri hödülemek Türkmenistanyň syýasy partiýalary, ýagny, Türkmenistanyň Demokratik partiýasy, Türkmenistanyň Senagatçylar we telekeçiler partiýasy, Türkmenistanyň agrar partiýalary tarapyndan, şol bir wagtyň özünde dalaşgärleri hödürlemek Türkmenistanyň Konstitusiýasyna we Saýlaw kodeksine laýyklykda raýatlar toparyna hem ygtyýar berilýär.
Türkmenistan boýunça jemi 125 sany saýlaw okrugy bolup, 1-nji “Garaşsyzlyk” saýlaw okrugy Türkmenistanyň Daşary işler ministrliginiň Halkara gatnaşyklary institutynda ýerleşýär. Saýlawlar ýokary guramaçylykly, dabaraly ýagdaýda, baýramçylyk ruhunda alnyp barylýar.
2023-nji ýylyň 6-njy martynda Türkmenistanyň Daşary işler ministrliginiň Halkara gatnaşyklary institutynda raýatlar topary tarapyndan Türkmenistanyň Mejlisiniň deputatlygyna hödürlenen dalaşgär Paltaýew Atageldi Döwletgeldiýewiç bilen ýokary derejede duşuşyk geçirildi. Duşuşygyň başynda dalaşgäriň geçen zähmet ýoly, ýokary hünär bilimi, umuman dalaşgär bilen tanyşdyrmak üçin ilki bilen onuň ynamdar wekillerine söz berildi. Duşuşykda çykyş edenler Paltaýew Atageldi Döwletgeldiýewiçiň ýurdumyzda alnyp barylýan içerki we daşary syýasatyň gollaýjysy hökmünde ösüşlere has hem badalga berilmegi ugrunda jan aýaman zähmet çekýändigini nygtadylar. Duşuşyga gatnaşan talyp-ýaşlar, saýlawçylar özlerine gerekli maglumatlara eýe boldular.
Ýurdumyzda milli demokratiýanyň sazlaşykly ösüşini, halkyň ýaşaýyş-durmuş derejesiniň ýokarlandyrylmagyny yzygiderli üpjün etmäge gönüdirilen döwlet syýasatyny amala aşyrýan türkmen halkynyň Milli Lideri Gahryman Arkadagymyzyň hormatly Prezidentimiziň janlary sag, tutýan tutumly işleri elmydama rowaçlyklara beslensin!
Güljeren ATAÝEWA,
Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň 1-nji ýyl talyby.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.