ÖŇDEBARYJY KOMPANIÝALAR BILEN HYZMATDAŞLYK
14-03-24
Dünýä energiýa pudagynyň öňdebaryjy hyzmatlar bilen üpjün edijisi bolan «Petrofac» kompaniýasy «Türkmengaz» DK tarapyndan Türkmenistandaky «Galkynyş» gaz ýatagynda işlemek boýunça şertnama baglaşdy.
Üç ýyllyk şertnama aşakdakylary öz içine alýar:
- amallara we tehniki hyzmatlara gözegçilik etmek we goldaw bermek;
- tehniki goldaw we satyn alyş hyzmatlaryny üpjün etmek;
- Galkynyş gaz ýatagynyň merkezi tehnologiki enjamlarynyň netijeli işlemegini üpjün etmek üçin dolandyryş ulgamlaryny işläp taýýarlamak we ornaşdyrmak.
«Turkmengaz» Döwlet konserni üçin «Galkynyş» gaz ýatagy taslamasynyň durmuşa geçirilmegi «Petrofac Engineering & Construction» işewür bölümi tarapyndan amala aşyrylan iň uly satyn alyş, gurluşyk we işe girizmek (EPC) taslamalarynyň biri boldy. Ululyk boýunça dünýäde ikinji ýeri eýeleýän gaz ýatagyny özleşdirmek baradaky şertnama 2009-njy ýylda baglaşylyp, 2013-nji ýylda tamamlandy. «Petrofac» tarapyndan hyzmat ediljek Mary welaýatynyň Ýolöten şäheriniň golaýynda ýerleşýän desgalaryň kuwwatlylygy 10 milliard kub metre barabar. «Petrofac Asset Solutions» bölüminiň baş iş dolandyryjy direktory Nik Şorten «Petrofac» kompaniýasynyň «Turkmengaz» DK bilen hyzmatdaşlyk etmekde uly tejribesiniň bardygyny aýtdy. Şeýle hem bu şertnamanyň baglaşylmagy «Asset Solutions»-yň geografiki gurşawyny giňeltmek üçin oňaýly strategiýany görkezýändigi ýene-de bir gezek subut etdi.
Muhammetarslan Ýagşymyradow,
Türkmen döwlet binagärlik-gurluşyk institutynyň Ýol gurluşygy fakultetiniň 1-nji ýyl talyby.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.