Türkmen halkynyň gadymdan gelýän hoşniýetlilik, parahatsöýüjilik, ynsanperwerlik häsiýetleri we däpleri döwletimiziň oňyn Bitaraplyga esaslanýan daşary syýasatynyň özeni bolup durýar. Hormatly Prezidentimiziň parasatly baştutanlygynda ýurdumyzyň daşary syýasat strategiýasyny amala aşyrmakdaky uly üstünlikler, halkara hyzmatdaşlygy ösdürmekde we umumyadamzat ösüşlerine dahylly meseleleriň oňyn çözgütlerini tapmakda milli Liderimiziň alyp barýan syýasaty dünýä bileleşigi tarapyndan goldanylýar.

1995-nji ýylyň 12-nji dekabrynda BMG-niň Baş Assambleýasy Türkmenistana hemişelik Bitaraplyk derejesini berdi we şu mynasybetli gurlup, ulanmaga berlen desganyň binagärlik ölçeglerinde taryhy sene özboluşly beýan edilýär. Binanyň umumy beýikligi 95 metr bolup, çür başynda Türkmenistanyň ilkinji Prezidenti S.A.Nyýazowyň 12 metrlik heýkeli bar.

Bitaraplyk binasy umumy diametri 100 metr we beýikligi 1,80 metr bolan tegelek münberiň üstünde oturdylypdyr. Köp derejeli desga tagan aýagynyň şekilindäki üç sany kuwwatly sütüniň üstünde gurlupdyr. Sütünler altynsow öwüşginli bürünç şekiller bilen bezelipdir. Olarda ilkidurmuş döwründen başlap,

Garaşsyzlygymyza eýe bolan ajaýyp zamanamyza çenli Türkmen döwletiniň taryhy döwürlerindäki ähmiýetli wakalar öz beýanyny tapypdyr. Şol wakalar dürli şekilleriň üsti bilen yzygiderlilikde beýan edilýär. Bitaraplyk binasynyň kuwwatly üç sany sütüniniň ýokarsynda Türkmenistanyň bäş welaýatynyň agzybirliginiň we bitewüliginiň nyşany bolan milli göllerimiz şekillendirilen özboluşly bezeg halkalary aýlanýar.

Türk­menistanyň hemişelik Bi­ta­rap­ly­gy­nyň düýp öze­nin­de ag­zy­bir­li­giň, pa­ra­hat­çy­lyk sö­ýü­ji­li­giň we yn­san­per­wer gat­na­şyk­la­ryň my­na­syp or­ny eýe­le­ýän­di­gi­ni dün­ýä ýaý­dy. Bu bol­sa hormatly Prezidentimiziň alyp bar­ýan sy­ýa­sa­ty­nyň hal­ka­ra gu­ra­ma­la­ry we dün­ýä döw­let­le­ri ta­ra­pyn­dan gol­da­nyl­ýan­dy­gy­nyň yk­rar­na­ma­sy­dyr.

Atamyrat ÇARYÝEW,
Türkmen döwlet binagärlik-gurluşyk institutynyň Ýol gurluşygy  fakultetiniň  4-nji ýyl talyby.