Awtoulag hyzmaty Täze ýyl baýramynyň öwüşginini artyrar
28-12-21
Şu ýylyň 24-nji dekabrynda Türkmenistanyň Ministrler Kabinetiniň sanly ulgam arkaly geçirilen nobatdaky mejlisinde il-ýurdumyzyň Täze ýyly mynasyp garşylamaklary bilen baglanyşykly durmuşy meseleleriň oňyn çözgütleri kabul edildi. Şu günlerde olaryň ählisi üçtünlikli ýerine ýetirilýär. Şol çözgütleriň birisi 31-nji dekabrda we 1-nji ýanwarda raýatlarymyzyň şäher awtobuslarynda mugt gatnadylmagynyň üpjün edilmegine degişlidir.
Hormatly Prezidentimiziň bu tabşyrygynyň ýerine ýetirilmegine dahylly biziň soraglarymyza Türkmenistanyň Ministrler Kabinetiniň ýanyndaky „Türkmenawtoulaglary“ agentliginiň „Lebapawtoulag“ önümçilik birleşiginiň baş direktory Kurban Saýipow şeýle jogap berdi:
- Ýurdumyzyň raýatlarynyň Täze ýyl baýramyny şadyýan we ruhubelent garşylamaklary üçin kärhanamyz boýunça ýörite iş meýilnamasyny işläp düzdük. Şonuň esasynda Türkmenabat şäherinde ýolagçy gatnadýan awtoulaglarymyzyň sürüjileri 31-nji dekabrda we täze ýylyň 1-nji ýanwarynda iki iş çalşygynda işlärler.
31-nji dekabrda irden sagat 6.00-dan sagat 20.00-a çenli birinji iş çalşygynda ýolagçy gatnadýan awtoulaglaryň 75-si, 31-nji dekabrda sagat 20.00-dan 1-nji ýanwarda sagat 02.00-a çenli ikinji iş çalşygynda ýolagçy gatnadýan awtoulaglaryň 45-si ýolagçylara hyzmat ederler.
2022-nji ýylyň 1-nji ýanwarynda irden sagat 6.00-dan sagat 20.00-a çenli birinji iş çalşygynda ýolagçy gatnadýan awtoulaglaryň 50-si, 1-nji ýanwarda sagat 20.00-dan 2-nji ýanwarda sagat 02.00-a çenli ikinji iş çalşygynda ýolagçy gatnadýan awtoulaglaryň 30-sy ýolagçylara hyzmat ederler. Kärhananamyz tarapyndan ýolagçylary gatnatmak boýunça şu ýylyň meýilnamasynyň eýýäm artygy bilen ýerine ýetirilendigini hem şu ýerde ýatlap geçesimiz gelýär. Biziň önümçilik birleşigimiz 2020-nji ýylyň zähmet görkezijileri boýunça ýurdumyzyň ugurdaş kärhanalarynyň arasynda iň göreldeli kärhana hökmünde yglan edilmegi hem sürüjilerimiziň yhlasly zähmet çekýändiklerine şaýatlyk edýär. Baýramçylyk günlerinde hem biz ýolagçylara göreldeli hyzmat ederis.
Ýazga geçiren Möwlam HAÝTGULYÝEW,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentliginiň “Lebapawtoulag” önümçilik birleşiginiň hünärmeni.
Abuna tassyklaýyş kody 78390
Türkmenistan Serbiýada geçiriljek “EKSPO — 2027” Bütindünýä ýöriteleşdirilen sergisine gatnaşar
Türkmenistanyň Ministrler Kabinetiniň Başlygynyň orunbasary Nökerguly Atagulyýew anna güni sanly ulgam arkaly geçirilen Ministrler Kabinetiniň nobatdaky mejlisinde Serbiýa Respublikasynyň Belgrad şäherinde geçiriljek “EKSPO — 2027” Bütindünýä ýöriteleşdirilen sergisine Türkmenistanyň ýokary derejede gatnaşmagyny üpjün etmek boýunça ýerine ýetirilýän işler barada hasabat berdi.
BMG-niň Türkmenistandaky Hemişelik utgaşdyryjysy we Merkezi Aziýa ýurtlarynyň Ilçileri bilen duşuşyk geçirildi
2026-njy ýylyň 9-njy fewralynda Türkmenistanyň Daşary işler ministriniň orunbasary Mähri Bäşimowa BMG-niň Türkmenistandaky Hemişelik utgaşdyryjysy Dmitriý Şlapaçenko hem-de Merkezi Aziýa ýurtlarynyň Türkmenistandaky Ilçileri bilen duşuşyk geçirdi. Bu barada Türkmenistanyň DIM-niň web-saýtynda habar berilýär.
MILLI ÝÖRELGELER DOWAMAT-DOWAM
Berkarar döwletiň täze eýýamynyň Galkynyşy döwrüniň Halkara parahatçylyk we ynanyşmak ýylynda hormatly Prezidentimiziň ýolbaşçylygynda amala aşyrylýan döwlet syýasatynyň möhüm ugurlarynyň hatarynda halkymyzyň şöhratly taryhyny we baý medeni mirasyny aýawly saklamak hem-de bütin dünýäde giňden wagyz etmek wezipesi üns merkezinde durýar.
BEDEW BATLY ROWAÇ ÝYL
Türkmen halkynyň milli Lideri Gahryman Arkadagymyzyň, Arkadagly Gahryman Serdarymyzyň parasatly baştutanlygynda ýurdumyz bedew bady bilen öňe barýar. 2026-njy «Garaşsyz Baky Bitarap Türkmenistan – bedew batly at myradyň mekany» ýylyna uly ynam, belent ruh bilen gadam basdyk. Türkmen halkymyzyň uçar ganaty bolan behişdi bedewlerimiziň şöhratly taryhymyzdan şu günimize çenli gelip ýeten şan-şöhraty egsilmezdir.
TÜRKMEN TOPRAGY DERMANLYK ÖSÜMLIKLERE BAÝ TOPRAK
Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň pähim-paýhasy, egsilmez yhlasy bilen ýurdumyzda halkymyzyň eşretli ýaşaýşyna gönükdirilen giň gerimli özgertmeler, asylly başlangyçlar, tutumly işler üstünlikli durmuşa geçirilýär. Ýurdumyzyň gazanan üstünliklerini wagyz etmek bilen bagly wezipäniň täze çemeleşmeleri talap edýändigi mälimdir.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.