Garaşsyzlygyň bagtyýar ýaşlary
23-09-25
Gadymy hem müdimi türkmen ilinde toýlar toýa ulaşýar. Şu günler Diýarymyzda şanly Garaşsyzlygymyzyň 34 ýyllyk toýy uludan tutulýar. Garaşsyzlygyň hözirini görüp ýaşaýan ildeşlerimiz mukaddes baýramçylygy mynasyp sowgatlar bilen garşylamak ugrunda joşgunly zähmet çekýär. Şeýle şatlykly pursatlarda ýurdumyzyň, halkymyzyň ykbalyny özgerden, bizi bagtyýar zamana, döwletli döwrana ýetiren mukaddes Garaşsyzlyk hakda, Gahryman Arkadagymyzyň we Arkadagly Gahryman Serdarymyzyň öňdengörüjilikli, parasatly syýasaty netijesinde täze taryhy döwürde gazanylan üstünlikler, ýetilen belent sepgitler, ýaşlara okamaga, döretmäge, halal zähmet çekmäge döredilýän şertler barada gürrüň etmek has-da ýakymlydyr.
Halkara parahatçylyk we ynanyşmak ýyly Garaşsyz, hemişelik Bitarap Türkmenistan, türkmen halky üçin ýatdan çykmajak taryhy wakalara beslenýär. Gahryman Arkadagymyz tarapyndan öňe sürlen düýpli özgertmeleri mynasyp dowam edýän hormatly Prezidentimiziň parasatly baştutanlygynda eziz Watanymyzyň gülläp ösüşiniň täze tapgyryna — Berkarar döwletiň täze eýýamynyň Galkynyşy döwrüne badalga berildi. Täze başlanan döwrüň bilimleriň, tehnologiýalaryň, aň-bilim we döredijilik mümkinçilikleriniň has-da artýan eýýamydygyny durmuş görkezdi. Beýik özgertmeleriň esasynda gülleýän, gül açýan eziz ýurdumyz bedew bady bilen öňe barýar. Şeýle ösüşleriň, bagtyýarlygyň gözbaşy bolsa Garaşsyzlykdan başlanýar.
Häzirki ösen jemgyýetimizde bilim ulgamynyň döwrümiz bilen aýakdaş gitmegi üçin zerur bolan ähli tagallalar edilýär. Ösen maglumat tehnologiýasynyň mümkinçilikleri okuw işlerine günübirin ornaşdyrylýar. Bilim bermegiň maddy we hukuk esaslary kämilleşdirilýär. Okuw-terbiýeçilik işlerinde milli we halkara tejribeler giňden ulanylýar. Ýurdumyzda milli bilim ulgamyny dünýä standartlaryna laýyk ösdürmekde «Bilim hakynda» Türkmenistanyň Kanunynyň, «Türkmenistanda sanly bilim ulgamyny ösdürmegiň Konsepsiýasynyň», «Türkmenistanda daşary ýurt dillerini okatmagy kämilleşdirmegiň Konsepsiýasynyň» usuly ähmiýeti örän uludyr. Döwrüň öňegidişlikleri, jemgyýetçilik durmuşy bilen baglanyşykly dünýäde bolup geçýän wakalar, ösüşler, ylmyň, tehnikanyň gazananlary we beýlekiler bilim ulgamyna gös-göni täsir edýär. Şoňa görä-de, bilim babatda kabul edilen konsepsiýalarda dünýä tejribesini öwrenmek meselesi hem göz öňünde tutulýar. Şundan ugur alnyp, ýurdumyzda beýleki ugurlar bilen birlikde bilim ulgamy boýunça halkara hyzmatdaşlyga hem aýratyn üns berilýär.
Häzirki wagtda Türkmenistanyň ýokary okuw mekdepleriniň Ýewropanyň, Aziýanyň, Amerikanyň abraýly ylym we bilim merkezleri bilen netijeli gatnaşyklary ýola goýuldy. Talyplaryň we mugallymlaryň işjeň gatnaşmagynda ýurdumyzyň we dünýäniň belli bilim merkezleri bilen wideoaragatnaşyk arkaly okuw sapaklary, ylmy maslahatlar, döredijilik duşuşyklary, hünär söhbetdeşlikleri yzygiderli alnyp barylýar. Institutymyzyň mugallymlary hünär derejesini kämilleşdirmek maksady bilen dünýäniň öňdebaryjy ýokary okuw mekdepleri bilen ýakyndan hyzmatdaşlyk saklaýarlar. Indi talyplardyr mugallymlar uzak aralykdan zehin, hünär bäsleşiklerine gatnaşmaga giň mümkinçilik aldylar.
Bilim hakyndaky alada ýaşlar, ýagny ýurduň geljegi hakynda aladadyr. Çünki bilim we ýaşlar diýen düşünjeler biri-biri bilen aýrylmaz derejede baglanyşyklydyr. Ýaşlar ylym-bilim babatda kämilleşdirilýär — kämil geljek gurulýar. Ýaşlara gönükdirilýän maýa goýumlar şöhratly geljegiň kepilidir. Şoňa görä-de, bilim ulgamyna, ýaşlar syýasatyna döwlet derejesinde uly ähmiýet berilýär. Täze taryhy döwürde ýaş nesliň sazlaşykly ösmegi, bilim almagy, kämilleşmegi, hünär öwrenmegi, erkana zähmet çekmegi, dynç almagy, ýurduň syýasy-jemgyýetçilik, önümçilik işlerine gatnaşmagy, ýürekde beslän arzuwlaryna ýetmegi üçin ähli mümkinçilikler döredilýär.
Garaşsyzlyk türkmen ýaşlaryna, has dogrusy, ähli halkymyza ylham joşgunyny berdi. Ýaşlaryň döredijilik dünýäsi halypa-şägirtlik mekdebiniň täsirinde barha kämilleşýär. Garaşsyzlyk döwrüniň bagtyýar ýaşlaryň — kalby buýsançdan, hyjuwdan, Gahryman Arkadagymyza, Arkadagly Gahryman Serdarymyza bolan alkyşdan doly.
Goý, halkyny bagtly geljege alyp barýan türkmen halkynyň Milli Lideriniň hem-de Arkadagly Gahryman Prezidentimiziň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!
Annamyrat ANNADOW,
Myrat Garryýew adyndaky Türkmenistanyň Döwlet lukmançylyk uniwersitetiniň Lukmançylyk gullugynyñ guralyşy we usulyýeti kafedrasynyň müdiri.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.