Ynsanperwerligiň, hoşniýetliligiň we döredijiligiň egsilmez güýjüni özünde birleşdirýän Türkmenistanyň milli baýramy – hemişelik Bitaraplyk güni her ýyl uly dabara bilen bellenilýär. Mundan 29 ýyl ozal Birleşen Milletler Guramasy tarapyndan berlen Bitaraplyk derejesi Türkmenistanyň halkara hukuk ýagdaýynyň bütin dünýäde ykrar edilmesidir. Oňyn Bitaraplyk ýörelgeleri döwletimiziň daşary syýasatynyň esasy ugurlaryny kesgitlemek bilen, Watanymyzyň halkara abraýyny has-da artdyrdy, ynsanperwerlik, parahatçykyksöýüjilik, dosluk, ýörelgeleriniň, hoşniýetli goňşyçylyk gatnaşyklarynyň rowaçlanmagyna giň ýol açdy.

Mähriban Prezidentimiziň tagallasy bilen biziň döwletimiziň ýöredýän oňyn Bitaraplyk syýasatynda tutuş adamzadyň gelejeginiň has abadan hem gözel bolmagy üns merkezinde saklanylýar. "Biziň üçin Bitaraplyk diňe bir hukuk derejesi däldir. Munuň özi işjeň pozisiýany ylalaşdyryjylyk arkaly halkara proseslerine giňden gatnaşmagy, ykdysady hyzmatdaşlygyň netijeli nusgalaryny işläp taýýarlamakda ýardam bermegi aňladýar" diýip, Arkadag Prezidentimiz BMG–niň Baş Assambleýasynda eden çykyşynda aýtdy. Belent mertebeli Prezidentimiz 2015-nji sentýabrynda Birleşen Milletler Guramasynyň 70-nji ýubileý mejlisinde umumadamzat bahbitli eden taryhy çykyşynda bütin dünýäde parahatçylygy berkitmek, şol bir wagtyň özünde, ynsan ýaşaýşyna zerur bolan azyk, ekologiki howpsyzlyklyryny üpjün etmek baradaky aýdan teklipleri, öňe süren  başlangyçlary dünýä döwletleriniň arasynda uly goldaw tapdy.

Türkmenistan halkara  meselelerini diňe parahatçylykly ýol, syýasy-diplomatik serişdeler arkaly çözmek barada ýzygider çykyş edýär. Bu barada milli liderimiz : ,,Birleşen Milletler Guramasy bilen netijeli hyzmatdaşlyk etmek arkaly, Garaşsyz, Bitarap  Türkmenistan özüniň syýasy, ykdysady we medeni mümkinçiliklerini mundan beýläkde ähliumumy abadançylygyň hatyrasyna, sebitdäki goňşulary, dünýä bileleşigine ahli agzalary bilen netijeli arkalaşyk etmek üçin ulanar,,  diýip belleýär. Mähriban Prezidentimiziň bu aýdanlaynyň şu günki günde iş ýüzüne doly geçýandigini we Bitaraplyk hukuklaryna eýe bolandan bäri onuň talaplaryny birkemsiz ýerine ýetilýandigini göz öňünde tutup, Birleşen Milletler Guramasy tarapyndan 2015-nji  ýylyň 3-nji iýunynda ,,Türkmenistanyň hemişelik Bitaraplyk,, barada Rezolýusiýanyň ikinji gezek tassyklanmagy muňa doly şaýatlyk edýär.

Häzirki wagtda Garaşsyz hemişelik Bitarap Türkmenistan dünýäniň köp döwletleri bilen gatnaşyklaryny ýola goýdy. Beýik özgertmeleriň giň ýoluna düşen ýurdumyzda  il bähbitli durmuşa ornaşdyrylan çözgütler,  raýatlaryň zähmet we durmuş üpjünçiligini kepillendirýän Kanunlar, dünýä ölçeglerine doly gabat gelýän täze bilim, saglyk syýasatlary bu günki gün türkmen halkynyň mertebe buýsanjyna öwrüldi. Ýurdymyzda täze zawod-fabrikler, saglyk we medeni dynç alyş merkezleri, sport toplumlary, täze obalar, şäherler gurulýar, şeýle hem halkara maslhatlary, konferensiýalar, forumlar, sergiler yzygiderli geçirilip durulýar. Häzirki wagt-da türkmen Bitaraplygy halkara derejesindäki  özgertmeleriň ajaýyp üstünlikleri bilen utgaşyp gidýär we taze ruhly ykdysady, syýasy, medeni ösüşleriň ýaýbaňlanmagyna giň mümkinçilikleri döredýär. Çünki, Türkmenistan gelejege tarap aýgytly gadam urmak bilen parahatçylyk söýüji daşary syýasatyny kämilleşdirmek boýunça yzygiderli işleri alyp barýar hem-de häzirki zamanyň möhüm meselelerine degişli umumy çemeleşmeleri işläp taýýarlaýar. Bu bolsa Garaşsyz dowletimiziň Bitaraplyk syýasatynyň ýokary derejede dabaralanýandygynyň aýdyň subutnamasydyr.

Hormatly Prezidentimiziň parastly baştutanlygynda barha rowaçlanýan Watanmyzyň at-abraýy mundan beýläk hem täze belentliklere göterilsin. Garaşsyz, baky Bitarap Türkmenistan döwletimiziň şan-şöhraty dowamat dowam bosun!

Orazmyrat ÇANDYROW,
Türkmen oba hojalyk institutynyň mugallymy.

Hormatly awtor, sizden "Türkmeniň ýüpek ýoly" gazetiniň elektron görnüşine abuna bolmagyňyzy haýyş edýäris.