HEMIŞELIK BITARAPLYGYMYZA GUWANÝARYS
12-12-24
Mukaddes Garaşsyzlygymyz hem-de hemişelik Bitaraplygymyz — türkmen halkynyň goşa ganaty. Halkymyz asuda hem abadan durmuşy asyrlarboýy arzuw edip gelipdir. Berkarar döwletiň täze eýýamynyň Galkynyşy döwründe Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde Türkmenistan bütin dünýäde parahatçylygy berkitmäge işjeň goşant goşýan döwlete öwrüldi.
Türkmenistan döwlet Garaşsyzlygyna eýe bolan ilkinji günlerinden başlap, dünýä döwletleri bilen ykdysady, medeni-ynsanperwer gatnaşyklary ýola goýmaga uly ähmiýet berdi. Şunda hoşniýetli goňşuçylyk, özara bähbitli hyzmatdaşlyk, birek-birege hormat goýmak ýörelgelerinden ugur aldy. Munuň özi bolsa ýurdumyzyň abraý-mertebesiniň ýokary galmagyny üpjün etdi. Şonuň netijesinde 1995-nji ýylyň 12-nji dekabrynda Birleşen Milletler Guramasynyň Baş Assambleýasy tarapyndan “Türkmenistanyň hemişelik Bitaraplygy hakynda” Rezolýusiýa kabul edildi. Ýeri gelende bellesek, bu möhüm ähmiýetli resminama Milletler Bileleşigine şol wagt agza bolan 185 döwlet tarapyndan biragyzdan goldanyldy. Şeýlelikde, Türkmenistan BMG tarapyndan ykrar edilen ilkinji hemişelik Bitarap döwlet hökmünde dünýäde giňden tanaldy.
Hormatly Prezidentimiziň parasatly baştutanlygynda «Watan diňe halky bilen Watandyr! Döwlet diňe halky bilen döwletdir!» atly ýörelgäniň durmuşa geçirilmegi netijesinde ilatyň ýaşaýyş-durmuş derejesi barha ýokarlandyrylýar. “Açyk gapylar” syýasatyny durmuşa geçirmek bilen, ýurdumyz halkara maslahatlaryň we beýleki möhüm ähmiýetli çäreleriň geçirilýän ýurduna öwrüldi. Ýurdumyzda amala aşyrylýan giň gerimli özgertmelere biziň talyp ýaşlarymyz hem mynasyp goşant goşýarlar. Olar bilimlerini has-da artdyryp, halkara ylym-bilim bäsleşiklerine işjeň gatnaşýarlar.
«Pähim-paýhas ummany Magtymguly Pyragy» ýylynda Türkmenistanyň çalt depginler bilen ösýän döwletleriň hataryna girmegi, dünýä döwletleri, iri halkara guramalary bilen syýasy, ykdysady, bilim, ylym we beýleki ugurlarda giň gatnaşyklaryň ýola goýulmagy we ösdürilmegi, ählumumy parahatçylygy, abadançylygy üpjün etmäge, halkara hyzmatdaşlygyny pugtalandyrmaga gönükdirilen daşary syýasatynyň üstünlikli amala aşyrylmagy ýurdumyzyň hemişelik Bitaraplyk hukuk ýagdaýynyň ähmiýetiniň aýdyň subutnamasydyr.
Goý, Türkmenistanyň hemişelik Bitaraplygy dünýäniň ähli künjeklerinde parahatçylygyň müdimilik berkarar bolmagyna ýardam etsin! Ýer ýüzünde parahatçylygyň, hoşniýetli dost-doganlyk gatnaşyklaryň hemişe höküm sürmegi üçin taýsyz tagallalary edýän türkmen halkynyň Milli Lideriniň hem-de Arkadagly Prezidentimiziň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!
Polat ORAZMETOW,
Beki Seýtäkow adyndaky Mugallymçylyk mekdebiniň 1-nji ýyl talyby.
MILLI ÝÖRELGELER DOWAMAT-DOWAM
Berkarar döwletiň täze eýýamynyň Galkynyşy döwrüniň Halkara parahatçylyk we ynanyşmak ýylynda hormatly Prezidentimiziň ýolbaşçylygynda amala aşyrylýan döwlet syýasatynyň möhüm ugurlarynyň hatarynda halkymyzyň şöhratly taryhyny we baý medeni mirasyny aýawly saklamak hem-de bütin dünýäde giňden wagyz etmek wezipesi üns merkezinde durýar.
BEDEW BATLY ROWAÇ ÝYL
Türkmen halkynyň milli Lideri Gahryman Arkadagymyzyň, Arkadagly Gahryman Serdarymyzyň parasatly baştutanlygynda ýurdumyz bedew bady bilen öňe barýar. 2026-njy «Garaşsyz Baky Bitarap Türkmenistan – bedew batly at myradyň mekany» ýylyna uly ynam, belent ruh bilen gadam basdyk. Türkmen halkymyzyň uçar ganaty bolan behişdi bedewlerimiziň şöhratly taryhymyzdan şu günimize çenli gelip ýeten şan-şöhraty egsilmezdir.
TÜRKMEN TOPRAGY DERMANLYK ÖSÜMLIKLERE BAÝ TOPRAK
Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň pähim-paýhasy, egsilmez yhlasy bilen ýurdumyzda halkymyzyň eşretli ýaşaýşyna gönükdirilen giň gerimli özgertmeler, asylly başlangyçlar, tutumly işler üstünlikli durmuşa geçirilýär. Ýurdumyzyň gazanan üstünliklerini wagyz etmek bilen bagly wezipäniň täze çemeleşmeleri talap edýändigi mälimdir.
MUKADDES GYMMATLYK
Hormatly Prezidentimiziň nygtaýşy ýaly, parahatçylyk we dostluk dünýädäki iň uly gymmatlykdyr. Türkmenler adamzat taryhynyň ähli döwürlerinde hem bu gymmatly kadalara ygrarly bolan halkdyr. Aziýany we Ýewropany birleşdirýän türkmen topragy hemişe parahatçylygyň, ygtybarlylygyň we howpsuzlygyň sebiti hökmünde giňden tanalypdyr.
BEDEW BATLY, AT-MYRATLY ÝYLYMYZ
Ata-babalarymyzyň asyrlar boýy kemala getirip, umumadamzat gymmatlygyna öwrülen bedew atlarymyzyň gadyr-gymmaty ajaýyp zamanamyzda has hem arşa göterildi. Hormatly Prezidentimiz “Bagtyýar türkmen halkynda buýsanmaga, guwanmaga zat kän. Ata-babalarymyzyň döreden maddy gymmatlyklarynyň naýbaşylarynyň biri hasaplanýan türkmen bedewleri halkymyzyň buýsanjydyr” diýip belleýär. Hakykatdan hem bedew halkymyzyň şany-şöhraty, milli buýsanjy, göz guwanjydyr.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.