Berkararlygyň we bagtyýarlygyň senasy
11-11-21
Berkarar döwletimiziň bagtyýarlyk döwründe ösüşleriň, özgerişleriň, agzybirligiň, asudalygyň, toýdur baýramlaryň mekanyna öwrülen Türkmenistan döwletimiz özüniň barha belende galýan halkara abraýy bilen bütin dünýäde tanalýar. Türkmenistan beýleki döwletler bilen dostluk, birek-birege hormat goýmak, ýardam bermek esasynda özara gatnaşygyny ösdürýär we köp ýurtlar bilen hyzmatdaşlyk, söwda-ykdysady gatnaşyklary saklaýar.
Oňyn Bitaraplyk ýörelgelerine esaslanyp, işjeň durmuşa geçirilýän “Açyk gapylar” syýasaty, halkara kadalaryna laýyklykda, daşary ýurt maýa goýumlarynyň goralmagynyň şertlendirilmegi, daşary ýurt telekeçiligi üçin amatly mümkinçilikleriň döredilmegi, şeýle hem ýurdumyzyň iňňän baý tebigy serişdeleri, amatly geosyýasy ýagdaýy özüniň oňyn netijelerini berýär.
Häzirki wagtda Türkmenistan saýlap alan ýörelgelerine eýermek bilen ählumumy howpsuzlygyň we durnukly ösüşiň esaslarynyň pugtalandyrylmagyna ýardam edip, häzirki döwrüň möhüm meselelerini çözmäge örän işjeň gatnaşýar. Parahatçylygy üpjün edijilik syýasatyny geçirmek üçin syýasy-diplomatik we ykdysady-durmuş çäreleriň ähli gurallaryny peýdalanmak bilen ýurdumyz soňky ýyllarda Merkezi Aziýada we Hazar sebitinde özara ähmiýetli taslamalary durmuşa geçirmegiň hasabyna gatnaşyklary düzgünleşdirmek boýunça netijeli başlangyçlary öňe sürüp, sebitde syýasy we ykdysady durnuklylygy pugtalandyrmakda ägirt uly orny eýeledi. Hormatly Prezidentimiziň tagallasy bilen hemişelik Bitaraplyk hukuk ýagdaýyna eýe bolan Türkmenistanyň sebit we dünýä syýasatynyň möhüm meselelerini çözmekde toplan syýasy tejribesi sebitde durnuklylygy saklamaga hem-de netijeli halkara hyzmatdaşlygyny ösdürmäge ýardam berýär.
BMG-niň Baş Assambleýasynyň 71-nji maslahatynda 12-nji dekabry Halkara Bitaraplyk güni diýip yglan etmek baradaky Rezolýusiýanyň biragyzdan kabul edilmegi şatlygymyza şatlyk goşdy. Bu çözgüdiň hemişelik Bitarap Türkmenistanyň halkara derejesindäki abraýynyň, onuň ählumumy parahatçylygy we durnukly ösüşi üpjün etmäge goşan uly goşandynyň ählumumy ykrar edilendiginiň ýene-de bir anyk subutnamasydyr.
Meýlis NURYÝEW,
Türkmen döwlet binagärlik-gurluşyk institutynyň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.