HEMIŞELIK BITARAPLYK — MILLI ÝÖRELGÄMIZ
09-12-24
Berkarar döwletimiz hoşniýetli goňşuçylyga, birek-birege sarpa goýmaga, deňhukuklylyga hem-de dünýäniň ähli döwletleri bilen özara peýdaly hyzmatdaşlyga esaslanan bitaraplyk syýasatyny alyp barýar. Eziz Diýarymyz hemişelik Bitaraplyk hukuk ýagdaýyndan gelip çykýan borçlara üstünlikli hötde gelmek bilen, parahatçylyk, howpsuzlyk, durnuklylyk işine, ygtybarly durmuş-ykdysady ösüşe öz goşandyny goşýar, sebit we sebitara guramalar bilen gatnaşyklaryny pugtalandyrýar.
Garaşsyz döwletimiziň binýadynyň berkemeginde hemişelik Bitaraplyk hukuk ýagdaýynyň örän uly ähmiýeti boldy. Hemişelik Bitaraplyk, ilkinji nobatda, ýurdumyzda asudalygyň, abadançylygyň, agzybirligiň höküm sürmegine şert döretdi. Bu bolsa beýleki döwletleriň Türkmenistana ygtybarly hyzmatdaş hökmünde garamagyna, döwletara, halkara gatnaşyklaryň çalt depginde ösmegine, deňhukuklylyk, özara bähbitlilik esasynda ýurdumyza gönükdirilýän daşary ýurt maýa goýumlarynyň düýpli artmagyna ýardam etdi. Türkmenistan özbaşdak ösüş ýoluna gadam goýmak bilen, içeri syýasatda jemgyýetçilik durmuşynyň ähli ugurlarynda düýpli özgertmeleri amala aşyryp, daşary syýasatda bolsa hemişelik bitaraplyk, dünýäniň ähli ýurtlary bilen dostluk hem-de hyzmatdaşlyk gatnaşyklaryny berkitmek we ösdürmek ýörelgelerine esaslanýan ugry seçip aldy.
Häzir Türkmenistan hemmetaraplaýyn sazlaşykly ösýän, öz milli ykdysadyýeti, medeniýeti, özbaşdak içeri we daşary syýasaty bolan, dünýäde giňden ykrar edilen, bitarap, parahatçylyk söýüji döwlet hökmünde tanalýar. Hemişelik Bitaraplygymyz parahatçylygy we howpsuzlygy üpjün etmekde, dünýäde döreýän kynçylykly meseleleri syýasy-diplomatik usullar arkaly çözmekde aýratyn ähmiýetli bolup öňe çykýar. Abraýly halkara guramalary tarapyndan berlen bu belent dereje beýleki döwletler bilen diplomatik gatnaşyklary ýola goýmaga, halkara guramalar bilen hyzmatdaşlygy pugtalandyrmaga niýetlenen berk syýasy we hukuk guralydyr.
Hormatly Prezidentimiziň belleýşi ýaly, bitaraplyk içerki durnuklylyk, jemgyýetçilik ylalaşygy we ösüşi hökmünde halkymyzyň aňyna berk ornaşdy. Bu gün hemişelik Bitaraplyk aňyýeti türkmen aňynyň, türkmen durmuşynyň, milli ýörelgämiziň, döwlet syýasatymyzyň aýrylmaz bölegine öwrüldi.
Goý, Garaşsyz, hemişelik Bitarap Watanymyzyň halkara abraýyny barha belende galdyrýan türkmen halkynyň Milli Lideriniň hem-de Arkadagly Gahryman Serdarymyzyň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!
Iýmiş BALADOWA,
Beki Seýtäkow adyndaky Mugallymçylyk mekdebiniň 1-nji ýyl talyby.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.