BERKARAR DÖWLETIMIZIŇ BEÝIK ÖZGERTMELERI
15-05-25
Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň baştutanlygynda Watan binýadynyň mundan beýläk-de pugtalandyrylmagynda, täze belentliklere göterilmeginde, bagtyýarlygyň erkin şemalyndan rowaç alyp, gülläp ösmeginde watansöýüjilik ruhuna ýugrulan gujur-gaýratlylyk, zähmetsöýerlik görkezip gelýär.
Garaşsyz Watanymyzyň şöhratly 33 ýyldan gowrak wagtyň içinde dost-doganlygyň, agzybirligiň, ynsanperwerligiň, asudalygyň ygtybarly binýadyna daýanýan Berkarar döwletimizde bedew batly ösüşler giň gerimde ýaýbaňlanýar hem-de buýsançly netijelerini-de berýär. Ýurdumyzyň ähli pudaklaryndaky ýokary derejedäki ykdysady ösüşleri, dünýäniň aňrybaş tehnologiýalary bilen enjamlaşdyrylan täze zawod-fabrikleriň gurulmagy, obalary, şäherleri, etrapdaky şäherleri we etrap merkezlerini abadanlaşdyrmakda alnyp barylýan işler, täze durmuş ähmiýetli desgalaryň açylmagy, köpugurly saglygy goraýyş merkezleriniň, mekdepleriň, çagalar baglarynyň, sport toplumlarynyň, ulag geçelgeleriniň, köprüleriň, şaýollaryň gurulmagy, iş orunlarynyň döredilmegi, zähmetkeşleriň iş we ýaşaýyş şertleriniň ýokarlandyrylmagy muňa aýdyň mysallar bolup durýar.
Ilatyň hal-ýagdaýyny gowulandyrmagy meýilleşdirmek hem-de ulgamlaýyn esasda ösüşleri ýyl-ýyldan yzygiderli ýokarlandyrmagy diňe ykdysady taýdan kuwwatly döwlet amala aşyrýar. Türkmenistan häzirki wagtda şeýle kuwwata eýedigini aýdyň görkezmek bilen, geljekde hem ilatyň girdejisini durnukly ýagdaýda artdyrmagy göz öňünde tutýar.
Hormatly Prezidentimiziň alyp barýan oňyn içeri we daşary syýasatynyň dabaralanmagy netijesinde Halkara parahatçylyk we ynanyşmak ýylynda hem ykdysadyýeti dolandyrmakda degişli özgertmeleriň geçirilmegi döwlet maýa serişdeleriniň täsirini ep-esli güýçlendirmäge mümkinçilik berýär we ýurduň esasy ykdysady meýilnamasynyň üstünlikli ýerine ýetirilmegine şert döreýär.
Arkadagly Gahryman Serdarymyzyň alyp barýan ykdysady syýasatynyň üstünlikli durmuşa geçirilmegi ýurdumyzyň özgertmeleriň ösüş ýoly bilen öňe gitmegine, ildeşlerimiziň hal-ýagdaýynyň yzygiderli ýokarlanmagyna mümkinçilik berýär. Bu ugurda her ýyl hormatly Prezidentimiziň zähmet haklarynyň, pensiýalaryň, döwlet kömek pullarynyň, talyp we diňleýji haklarynyň möçberlerini ýokarlandyrmagy halkymyzyň göwün guşuny ganatlandyrýar, täze zähmet ýeňişlerine ruhlandyrýar.
Milli Liderimiziň we Arkadagly Gahryman Prezidentimiziň çuňňur oýlanyşykly, ylmy taýdan esaslandyrylan ykdysady strategiýasy ýurdumyzyň durnukly ykdysady ösüşini üpjün edýär. Ýurdumyzda amala aşyrylýan beýik işler, gazanylýan ösüşler diňe halkyň bähbidine gönükdirmek bilen dünýä jemgyýetçiligi tarapyndan gyzgyn goldawa eýe bolýar. Şeýle ajaýyp döwri peşgeş beren Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!
Dinara IŞÇANOWA,
Beki Seýtäkow adyndaky Mugallymçylyk mekdebiniň 2-nji ýyl talyby.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.