MAGLUMATLAR EÝÝAMYNYŇ ÖSÜŞLI GELJEGI
10-05-25
Arkadagly Gahryman Serdarymyzyň taýsyz tagallasy netijesinde Türkmenistanyň bilim ulgamy düýpgöter täze sepgitlere eýe bolýar. Bu özgertmeleriň hereketlendiriji güýji häzirki zaman kompýuter tehnologiýasy, ýagny sanly bilim ulgamynyň ösmegidir. Hormatly Prezidentimiziň: “Siz dünýädäki ylmy täzeliklerden, ösen tehnologiýalardan habarly bolmalysyňyz” diýen parasatly sözünden ugur alnyp, Türkmenistanyň häzirki zaman ylmynyň we tehnikasynyň durmuşa giňişleýin ornaşdyrylmagyna aýratyn üns berilýär. Täze tehnologiýalar ýurduň ykdysadyýetiniň ähli pudaklarynda giňişleýin ornaşdyrylýar.
Hormatly Prezidentimiz maglumat tehnologiýalarynyň mümkinçiliklerinden peýdalanmaklygyň zerurlygyny nygtamak bilen, ministrlikleriň, dolandyryş edaralarynyň we ýurduň ykdysadyýetini ugrukdyryjy edaralaryň işgärleriniň giň köpçüliginiň ýokary mekdeplerde taýýarlanylýan geljekki hünärmenleriň kompýuter sowatlylygynyň ýokarlandyrylmagyna aýratyn üns berýär. Ylymda, bilimde, senagatda, oba hojalykda, saglygy goraýyşda – jemgyýetçilik durmuşynyň ähli pudaklarynda kompýuterler bu günki gün giňden ulanylýar. Olaryň ulanyş geriminiň gitdigiçe artmagy maglumatlar tilsimatynyň giň mümkinçiliklerinden sowatly peýdalanyp bilmeklik meselesini zerurlyk hökmünde öňe sürýär.
Gysga döwrüň içinde Garaşsyz Türkmenistan döwletimiz durmuş-ykdysady taýdan uly ösüşlere eýe boldy. Halk hojalygynyň ähli ugurlarynda zähmet öndürijiligi ýokarlanyp, öndürilýän önümleriň hili dünýä ülňülerine ýetirildi. Ylym ulgamynda hem uly özgerişler, ösüşler duýulýar. Hormatly Prezidentimiziň bu ulgamy ösdürmek barada kabul eden Permanlarydyr Kararlary ylym ulgamynyň öňe ilerlemegine batly itergi berdi.
Häzirki zaman maglumat ulgamy ony ulanýan pudagyň ykdysady taýdan bäsleşige hötde gelýän ykdysady pudaga öwrülmegine zerur bolan maglumat üpjünçiligi döretmäge ukyplydyr. Şol sebäpli, ýurdumyzyň ykdysadyýetiniň dünýä derejesine göterilmeginde maglumat ulgamyny kämilleşdirmek meselesi esasy orunlaryň birini eýeleýär. Kärhanany dolandyrmak, onuň maglumat ulgamyny döwrebap guramak, önümçilik işlerini çaltlandyrmaklygy amal etmek kompýuter torlaryny ulanmazdan mümkin däldir. Ýurdumyzyň häzirki zaman tilsimaty bilen üpjün edilen islendik edara-kärhanalary kompýuteriň mümkinçiliklerinden peýdalanýarlar.
Garaşsyzlyk ýyllarynda Türkmenistan döwletimizde gurulýan edara-kärhanalary, zawod-fabrikleri dolandyrmaklykda dünýäniň iň ösen kompýuter-tor tilsimatlarynyň mümkinçiliklerinden peýdalanmak ýola goýuldy. Häzir biziň gündelik durmuşymyzda maglumat serişdelerinden, kompýuter tilsimatyndan peýdalanmak ilkinji zerurlyklaryň birine öwrüldi. Sebäbi häzirki zaman ykdysadyýetiniň ösüşine eýermek, onuň dürli talaplaryna laýyklykda maglumatlary çalt depginde işläp taýýarlamak, şeýle hem ykdysadyýetiň gündelik maglumatlaryny wagtynda almaga bolan ymtylyş ýokary tizlikli we takyk işleýän kompýuter serişdeleriniň ulanylmagyny talap edýär. Häzirki döwürde ýurduň ykdysady dolanyşygyndaky durmuş-ykdysady görkezijileriň köpüsi dünýä derejesindäki ülňülere gabat gelýär.
türkmen halkynyň Milli Lideriniň hem-de Arkadagly Gahryman Prezidentimiziň parasatly baştutanlygynda bedew bady bilen öňe barýan Garaşsyz, hemişelik Bitarap Türkmenistan döwletimiziň at-abraýy mundan beýläk hem şöhratlansyn! Alyp barýan giň möçberli işleri üçin Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!
Gülnara SAPARMÄMMEDOWA,
Myrat Garryýew adyndaky Türkmenistanyň Döwlet lukmançylyk uniwersitetiniň Farmakologiýa kafedrasynyň uly mugallymy, lukmançylyk ylymlarynyň kandidaty.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.