GARAŞSYZ WATANYMYZYŇ HALKARA HYZMATDAŞLYGY GIŇEÝÄR
13-09-21
«Türkmenistan — parahatçylygyň we ynanyşmagyň Watany» ýylynda şanly 30 ýyllyk toýuny toýlaýan Garaşsyz Diýarymyzda hormatly Prezidentimiziň pähim-parasatly baştutanlygynda ýurt hem-de dünýä derejesinde durmuşa geçirilýän ägirt uly işler halkymyzyň ýaşaýyş-durmuşyny has-da gowulandyrmaga, şeýle hem dünýäde parahatçylygy, asudalygy, dostlukly gatnaşyklary pugtalandyrmaga gönükdirilýär. Berkarar ýurdumyzda alnyp barylýan asylly ýörelgeler, halk bähbitli belent maksatlar rowaçlyga badalga bolýar. Munuň şeýledigini taryhy wakalara beslenip geçen ýyllaryň içinde Garaşsyz döwletimiziň ählumumy parahatçylygy, howpsuzlygy, durnukly ösüşi pugtalandyrmaga işjeň gatnaşyp, bütin adamzadyň abadançylygyna gönükdirilen ägirt uly işleriniň mysalynda-da görmek bolýar.
“Özüniň Garaşsyzlyk ýörelgelerine eýerýän Türkmenistan halkara giňişlikde syýasy, söwda-ykdysady we medeni-ynsanperwer gatnaşyklary ösdürmäge uly goşant goşýar” diýip nygtaýan döwlet Baştutanymyzyň öňdengörüjilikli baştutanlygynda ýurdumyz daşary ýurtlar bilen syýasy, ykdysady, medeni, ylym, bilim, söwda we beýleki pudaklar boýunça hyzmatdaşlyklary ýola goýmak bilen, dünýä döwletleriniň arasynda mynasyp orun eýeledi hem-de möhüm halkara başlangyçlary öňe sürýän, özara bähbitli ikitaraplaýyn we köptaraplaýyn gatnaşyklary alyp barýan döwlet hökmünde özüni tanatdy.
Mukaddes Garaşsyzlygymyzyň 30 ýyly içinde Türkmenistan döwletimiz ähli pudaklarda ajaýyp üstünlikleri gazandy. Halkymyzyň ýaşaýyş we durmuş derejesi gowulandy. Sagdyn durmuş ýörelgesi döwlet syýasatynda ileri tutulýan ugurlaryň birine öwrüldi. Mähriban Diýarymyz “Açyk gapylar” we bitaraplyk syýasatyny işjeň durmuşa geçirmek bilen, diňe bir sebitde däl, eýsem, dünýä derejesinde parahatçylyk söýüji ýurt hökmünde tanalýar. Garaşsyz, hemişelik Bitarap döwletimiz dünýäde parahatçylygyň höküm sürmegi, hoşniýetli gatnaşyklaryň pugtalanmagy üçin tutumly işleriň durmuşa geçirilmegini üpjün edýär. Bularyň ählisi ata Watanymyzyň şanly taryhynyň sahypalaryna altyn harplar bilen ýazylýar. Türkmenistanyň hemişelik bitaraplygy saýlanyp alnan ýoluň dogrudygynyň we onuň dünýä döwletleri tarapyndan doly goldanylýandygynyň güwänamasydyr. Bu gün hormatly Prezidentimiziň ýolbaşçylygynda döwletimiziň alyp barýan parahatçylyk söýüji we hoşniýetli gatnaşyklar syýasaty halkara guramalary tarapyndan giňden goldaw tapýar.
Garaşsyz Watanymyzda gazanylan üstünlikler halkymyzyň ýaşaýyş-durmuş şertlerini ýokarlandyrmak bilen birlikde, Berkarar ýurdumyzyň halkara abraýyny belende göterýär. Goý, dünýä halklarynyň bähbidine tutumly işleri durmuşa geçirýän Gahryman Arkadagymyzyň jany sag, ömri uzak bolsun!
Maksat IŞANOW,
Türkmen döwlet binagärlik-gurluşyk institutynyň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.