Sport - sagdynlygyň we ruhubelentligiň özeni
19-12-25
Berkarar döwletiň täze eýýamynyň Galkynyşy döwrüniň ösüşlere beslenýän Halkara parahatçylyk we ynanyşmak ýylynda Arkadagly Gahryman Serdarymyzyň durmuşa geçirýän taýsyz tagallalary bilen şu gün Garaşsyz, hemişelik Bitarap Türkmenistan döwletimiziň sport giňişliginde mertebesini dünýäniň belent derejesine çykaryp, bu ugurda möhüm ähmiýete eýe bolan halkara hyzmatdaşlygyny berkitmek ugrunda Bütindünýä welosiped güni giňden bellenip geçilýär.
Türkmenistanyň başlangyçlary bilen Birleşen Milletler Guramasynyň Baş Assambleýasynyň 72-nji sessiýasynyň 82-nji mejlisinde her ýylyň 3-nji iýunynyň Bütindünýä welosiped güni diýlip yglan edilmegi dünýä döwletleriniň arasynda sportuň bu görnüşiniň ähmiýetiniň uludygyny habar berýär. Milletler bileleşiginiň bu Rezolýusiýany kabul etmegi ata Watanymyz Türkmenistanda hem sporty we bedenterbiýe-sagaldyş hereketini ösdürmek, jemgyýetiň ekologiýa medeniýetini kemala getirmek, bu ulgamda halkara hyzmatdaşlygy ösdürmek boýunça geçirilýän ägirt uly işleriň ykrarnamasyna öwrüldi. Bu baýram parahatçylygyň ilçisi bolan sporty ösdürmek boýunça netijeli we döredijilikli hyzmatdaşlygy ýola goýmaga hem-de ony ösdürmäge giň mümkinçilikleri döredýär.
Hormatly Prezidentimiziň parasatly baştutanlygynda dünýäniň iri ýaryşlaryny yzygiderli geçirmek, milli ýygyndymyzyň halkara ýaryşlaryna gatnaşyp, baýrakly orunlary eýelemegi, ýurdumyzda sebitde iri sport desgalaryny gurmak ugrunda giň gerimli işler alnyp barylýar. Bu başlangyçlar öz gezeginde köpçülikleýin bedenterbiýe-sagaldyş hereketini we milletiň saglygyny berkitmäge, sagdyn durmuş ýörelgesini durmuşa geçirmäge, halkymyzyň ruhubelentligini saklamaga, durnukly ýaş nesli terbiýelemäge gönükdirilen ýurdumyzyň döwlet syýasatynyň möhüm, ileri tutulýan ugurlarynyň birine öwrüldi.
«Aşgabat» köpugurly stadionynda welosport boýunça 3246 adamyň gatnaşmagynda köpçülikleýin türgenleşik sapagynyň we Aşgabadyň Olimpiýa şäherçesinde iň dowamly, bir nyzamly welosipedli ýörişiň Ginnesiň Bütindünýä rekordlar kitabyna girizilmegi bagtyýar raýatlarymyzda uly buýsanç duýgusyny döretdi.
Baýramçylyk öwüşginini artdyran Çandybil şaýolunyň we Bekrewe köçesiniň ugrunda «Welosiped» binasynyň gurulmagy, paýtagtymyzda we welaýat merkezlerinde yzygider welosiped ýörişleriniň geçirilmegi ýurdumyzda welosiped sportunyň dabaralanýandygyny, sportuň bu görnüşiniň muşdaklarynyň sanynyň günsaýyn artýandygyny aýdyňlygy bilen görkezýär.
Hormatly Prezidentimiziň welosiped ulagyny ussatlyk bilen erk etmegi, sporta adam saglygyny berkitmegiň iň oňat serişdesi hökmünde garamagy, bu babatdaky şahsy göreldesi sagdyn ruhly ýaşlary terbiýelemekde özboluşly nusgalyk mekdebi bolup durýar. Ýurdumyzda sport syýasatynyň jemgyýetimizde sagdyn durmuş ýörelgeleriniň işjeň wagyz edilmegine, bedenterbiýäniň we sportuň ösdürilmegine, ýaş nesliň ruhy hem-de beden taýdan terbiýelenmegine gönükdirilendir. Welosiped sporty dünýäde iň meşhur sport görnüşleriniň biri bolmak bilen, diňe bir adam saglygyny berkitmekde däl, eýsem, ekologiýa abadançylygyny üpjün etmekde hem uly ähmiýete eýedir. Daşky gurşawy gorap saklamaga ýardamçy ulag hökmünde welosiped bütin dünýäde uly goldawa eýedir.
Berkarar döwletiň täze eýýamynyň Galkynyşy döwründe hormatly Prezidentimiziň tagallalarynyň netijesinde Watanymyz dünýäniň sport merkezleriniň birine, Olimpiýa hereketiniň dabaralanýan ýurduna öwrülýär. Bu günki şatlykly günlerde mähriban halkymyzyň sagdyn durmuş ýörelgesini Ýer ýüzüne ýaýmakda Türkmenistanyň aýratyn goşandyny dünýä jemgyýetçiligi ykrar edýär.
«Bütin durky bilen Watan mukaddesligine uýýan, şöhratly geçmişimize, häzirki günümize hem-de nurana ertirimize buýsanýan ýaşlar biziň geljegimizdir» diýip nygtamak bilen, köpçülikleýin bedenterbiýäni ýaýbaňlandyrmakda, sporty ösdürmekde, sagdyn jemgyýeti kemala getirmekde taýsyz tagallalary edýän Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!
Mämmet MÄMMEDOW,
Myrat Garryýew adyndaky Türkmenistanyň Döwlet lukmançylyk uniwersitetiniň Harby gigiýena, epidemiologiýa we toksikologiýa kafedrasynyň mugallymy.
Türkmenistanyň Prezidenti Katar Döwletiniň Emirini gutlady
Hormatly Prezidentimiz Serdar Berdimuhamedow Katar Döwletiniň Emiri Şeýh Tamim bin Hamad Al Tanä we ýurduň ähli halkyna Katar Döwletiniň Milli güni mynasybetli mähirli gutlaglaryny, iň gowy arzuwlaryny iberdi.
Aşgabat Jarnamasy — parahatçylygyň, ynanyşmagyň we bitaraplygyň ählumumy arhitekturasy
12-nji dekabrda Halkara parahatçylyk we ynanyşmak ýyly, Halkara Bitaraplyk güni, Türkmenistanyň hemişelik Bitaraplygynyň 30 ýyllygy mynasybetli geçirilen halkara forumyň jemleri boýunça kabul edilen Aşgabat Jarnamasy XXI asyrda halkara gatnaşyklary pugtalandyrmagyň ýollaryny kesgitleýän strategik resminamadyr.
BITARAPLYK — PARAHATÇYLYGYŇ HEM-DE DURNUKLY ÖSÜŞIŇ ÖZENI
Bitaraplyk ata Watanymyzyň parahatçylyk, agzybirlik, asudalyk hakyndaky soňlanmajak bagt aýdymydyr. Bitaraplyk türkmen ykbalynyň, durmuşynyň gül bolup açylmagydyr. Onuň ynsan ömrüne berýän bagty, bagtyýarlygy egsilmezdir. Aziýanyň merjen şäheri, ajaýyp paýtagtymyz Aşgabat şäheriniň giň we owadan köçeleriniň biri hem “Bitarap Türkmenistan şaýoly” bolup durýar.
«HEMIŞELIK BITARAPLYK PARAHATÇYLYGYŇ WE ÖSÜŞIŇ ÝOLUDYR»
Bitarap Watynymyzyň erkinligi, asudalygy, berkararlygy we ata-babalarymyzyň arzuwlan eýýamy bu günki gün Berkarar döwletiň täze eýýamynyň Galkynyşy döwründe Gahryman Arkadagymyzyň we Arkadagly Gahryman Serdarymyzyň baştutanlygynda rowana ýollarda uly üstünliklere beslenýär. Halkara parhatçylyk we ynanyşmak ýylynda ýurdumyz dünýäniň birnäçe döwletleri bilen dostlukly gatnaşyklary alyp barýar.
«BAR ZADYŇ SAKASY SAGLYK»
Berkarar döwletimiziň täze eýýamynyň Galkynyşy döwründe her bir güni şanly senelere, toý-baýramlara beslenýän Türkmenistan döwletimizde her bir günimiz uly üstünliklere beslenýär. Türkmenistanda däl, eýsem, bütin dünýäde uly goldawa eýe bolýandygyny äşgär etdi. «Saglyk» Döwlet maksatnamasy ýurdumyzda saglygy goraýşy kämilleşdirmek babatda özgertmeleriň aýgytly tapgyryna geçmäge badalga berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.