Hünärli ýaşlar — aýdyň geljek
09-01-26
Hormatly Prezidentimiz Serdar Berdimuhamedow Türkmenistanyň Magtymguly adyndaky Ýaşlar guramasynyň VII gurultaýynda sözlän taryhy çykyşynda: «Ýaşlarymyzyň ruhy-ahlak, medeni, aň-bilim we beden taýdan ösüşine uly ähmiýet berýäris. Çünki ylymly-bilimli, sagdyn ýaşlar döwletimiziň kuwwatly güýjüdir, nurana geljegidir» diýip, jaýdar belledi.
Berkarar döwletiň täze eýýamynyň Galkynyşy döwründe ähli ugurlarda bolşy ýaly, ýurdumyzyň oba hojalyk ulgamynda zähmet çekjek zehinli, zähmetsöýer, dünýä ylmyndan baş çykarýan, kämil ýaşlary taýýarlamaga uly üns berilýär. Bu ugurda ýurdumyzyň oba hojalyk ulgamynda zähmet çekjek ýaş hünärmenleri taýýarlaýan bilim ojagymyzda talabalaýyk işler alnyp barylýar. Arkadagly Gahryman Serdarymyzyň bu parasatly sözleri Berkarar döwletiň täze eýýamynyň Galkynyşy döwründe ýurdumyzy ýokary ösüşlere beslemekde ylymly-bilimli ýaşlara uly orun degişlidigini beýan edýär.
Gahryman Gahryman Arkadagymyzyň asylly başlangyjy bilen döwletimizde ýaşlaryň başarnyklaryny ýüze çykarmagyna, mümkinçiliklerini açyp görkezmegine ähli şertler döredildi. Hormatly Prezidentimiz çykyşynyň dowamynda döwletimizde kemala gelen ýaşlaryň nurana geljegi üçin uly işleriň amala aşyrylýandygyny nygtady. Şunda halallyk, watansöýüjilik, ynsanperwerlik ýaly asylly ýörelgelerimiziň ýaşlaryň kalbynda müdimi orun almagynda bilim edaralarynyň, şol sanda Türkmenistanyň Magtymguly adyndaky Ýaşlar guramasynyň mynasyp ornunyň bardygy aýdyldy. Arkadagly Serdarymyz bu guramanyň öňünde durýan wezipelere ünsi çekmek bilen, onuň ýaş nesillere zähmet terbiýesini bermekde netijeli işleri alyp barmalydygyny belledi.
Ýurdumyzyň ýokary okuw mekdeplerinde hormatly Prezidentimiziň görkezmelerinden we tabşyryklaryndan ugur alyp, halk hojalyk ulgamynyň dürli pudaklary üçin öz işini talabalaýyk bilýän, häzirki zaman tehniki serişdelerden we innowasion tehnologiýalardan baş çykarýan başarnykly hünärmenleri taýýarlamak üçin ähli amatly şertler hem-de mümkinçilikler döredilen.
Bu ugurlar boýunça nazary we önümçilik tejribeli ýaş we ýaşuly mugallymlar talyplara döwrebap bilim bermekde yhlasly zähmet çekýär. Ýokary hünär okuw mekdepleriň synp we lingafon otaglarynda dünýä ülňülerine gabat gelýän kompýuter multimedia enjamlary we interaktiw tagtalar bar. Bu enjam talyplaryň nazary alýan bilimlerini has-da kämilleşdirmekde örän uly ähmiýete eýedir.
Ýokary okuw mekdepleriň giň ýaýlymly kitaphanalary bilim alýan ýaşlaryň ýygy-ýygydan gelýän ýeri. Kitaphanada talyplaryň okaýan dersleri boýunça okuw kitaplary we gollanmalary, şeýle hem Gahryman Arkadagymyzyň pähim-paýhasyndan dörän, halkymyza peşgeş beren kitaplary, eserleriniň elektron görnüşleri talyplara okuwda ylmy gollanma bolup hyzmat edýär. Şonuň ýaly-da, ýokary okuw mekdeplerinde okuw maksatlary üçin internet ulgamyndan peýdalanmak üçin ýörite şertler döredilen.
Arkadagly Gahryman Serdarymyz döwrümiziň talabyna görä, ýaşlar syýasatynyň dürli ugurlaryny öz içine alýan kanunlaryň yzygiderli kämilleşdirilýändigine ünsi çekdi. Türkmenistanyň Milli Geňeşi tarapyndan ministrlikleriň we pudaklaýyn dolandyryş edaralarynyň, syýasy partiýalaryň, jemgyýetçilik birleşikleriniň wekilleriniň, ýaşlaryň gatnaşmagynda «Ýaşlar barada döwlet syýasaty hakynda» Kanunyň rejelenen görnüşiniň taslamasynyň taýýarlanylandygy bellenildi. Gurultaýyň barşynda hormatly Prezidentimiziň gol çeken Kanunynyň geljekde jemgyýetçilik durmuşynyň dürli ugurlary boýunça ýaşlaryň başarnygyny, sagdyn we kämil ösüş derejesiniň giň mümkinçiliklerini açyp görkezmekde, olaryň bähbitlerini, hukuklaryny goramakda ägirt uly hukuk resminamasy boljakdygyny nygtady.
Ýaşlary aýratyn üns-alada bilen gurşap alýan Gahryman Arkadagymyzyň we Arkadagly Serdarymyzyň adyna sagbolsun aýdýarys. Biz hem geljekde talyp ýaşlarymyzy saýlan hünäri boýunça kämil hünärmenler bolup mynasyp eýesi bolup ýetişmekleri üçin yhlasly zähmet çekeris.
Berkarar döwletiň täze eýýamynyň Galkynyşy döwründe okamaga, döwrebap bilim almaga giň mümkinçilikleri döredip berýän Gahryman Arkadagymyza, Arkadagly Gahryman Serdarymyza çäksiz hoşallygymyzy bildirýäris. Goý, türkmen halkynyň Milli Lideriniň hem-de Arkadagly Gahryman Prezidentimiziň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!
Jumagül ORAZOWA,
Myrat Garryýew adyndaky Türkmenistanyň Döwlet lukmançylyk uniwersitetiniň Endokrinologiýa kafedrasynyň assistenti.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.