Belent maksatlar we aýdyň wezipeler
06-05-22
«Berkarar döwletiň täze eýýamynyň Galkynyşy: Türkmenistany 2022 – 2052-nji ýyllarda durmuş-ykdysady taýdan ösdürmegiň Milli maksatnamasynyň» kabul edilmegi ýurdumyzyň milli ykdysadyýetini täze döwür üçin uzak möhletli ösüş ýoluny saýlap alandygyna şaýatlyk edýär.
Bu uzak möhlete niýetlenen maksatnamada ýurdumyzda üstünlikli durmuşa ornaşdyrylýan durmuş-ykdysady ösüşiň milli nusgasynyň ilatyň ýaşaýyş-durmuş derejesiniň yzygiderli ýokarlanmagyny üpjün edýändigi beýan edilýär. Şunda durmuşa gönükdirilen bazar ykdysadyýeti ýurdumyzda kemala gelen we özgerýän milli nusgasynyň baş maksady hojalyk gatnaşyklarynyň erkinligine, peýdaly bäsdeşlige şert döredýär. Döwrebap innowasion esasda we tebigy serişdeleri netijeli ulanmak arkaly jemgyýetiniň ösýän maddy, ruhy isleglerini kanagatlandyrmakdan, senagat önümçiligini, hyzmatlat ulgamyny pudaklaýyn, sebitleýin we üznüksiz hem-de deň ölçegli ösdürmekden ybaratdyr. Milli maksatnamanyň we ony ýerine ýetirmek üçin çäreleriň Meýilnamasynyň mazmuny şu maksatdan ugur alýar.
Ýurdumyzyň milli ykdysadyýetiniň dürli pudak-edaralaryny sazlaşykly hem-de netijeli ösdürmegiň, durmuş we ekologiýa meseleler bilen utgaşykly çözülmeginiň zerurlygy ykdyasdy ulgamyň dolandyrylyşyny kämilleşdirmekde hem möhüm wezipeleri öňde goýýar. Şol wezipeler Milli maksatnamada jikme-jik beýan edilýär.
Geljekde ýerden we suwdan rejeli peýdalanmak, ekinleriň hasyllylygyny hem-de mallaryň önüm berijiligini ylmy esasda ýokarlandyrmak, ekerançylykda suw tygşytlaýjy innowasion tehnologiýalary tapgyrlaýyn ornaşdyrmak we ony ykdysady taýdan höweslendirmek Milli maksatnamada öz beýanyny tapýar. Obasenagat ulgamynyň hojalyk kärhanalaryny we daýhan hojalyklaryny institusional taýdan pugtalandyrmak, durmuş-ykdysady ösüşiň döwlet maksatnamalarynyň ýerine ýetirilmegine hususy kärhanalaryň hem meýilnamalaýyn esasda çekilmegini guramaçylykly ýola goýmak döwrebap kämil gurallaryň biridir.
Ykdysadyýetiň düzümini ösen bazar gatnaşyklaryna laýyklykda kämilleşdirmek üçin telekeçilik işi bilen meşgul bolýan iri hususy ulgamyň kärhanalaryna öwrülmegini ýola goýmak, milli ykdysadyýetiň pudaklarynda daşary ýurt maýasynyň gatnaşmagyndaky bilelikdäki kärhanalaryň, hususy kärhanalaryň hem döredilmegini giňeltmek, ýurdumyzyň haryt öndürijileriniň bäsdeşlige ukyplylygyny ýokarlandyrmak üçin işleriň utgaşykly durmuşa geçirilmegini has ösen derejelerde gazanmak döwrüň talabydyr.
Milli maksatnamany durmuşa geçirmek boýunça çäreleriň Meýilnamasynda ylmyň ileri tutulýan ugurlary boýunça hem degişli wezipeleriň çözülmegine gönükdirilen ylmy-barlag işleriniň guralyşyny utgaşdyrmak babatyndaky işler hem göz öňünde tutulandyr. Durmuş-ykdysady ösüşiň derwaýys meselelerini öwrenýän ykdysadyýet ylmy barada belläp geçenimizde, ylmy taýdan esaslandyrylan ykdysady çaklaýşyň orny has-da ýokarlanýar.
Ýurdumyzyň milli ykdysadyýetini dolandyrýan ykdysady ulgam bolan döwlet edaralarynyň hem-de ylmy edaralaryň tagallalarynyň birikdirilmegi döwrüň talabydy. Şol nukdaýnazardan, ýurdumyzy durmuş-ykdysady taýdan ösdürmegiň geljek 30 ýylda ýerine ýetirmek üçin kabul edilen Milli maksatnamasy döwletimiziň şu döwürde durnukly ösmeginiň ýoluny kesgitledi.
«Halkyň Arkadagly zamanasy» ýylynda ýurdumyzyň milli ykdysadyýetini ösdürmekde ýadawsyz tagallalary edýän hormatly Prezidentimiziň janynyň sag, ömrüniň uzak bolmagyny, il-ýurt bähbitli durmuşa geçirilýän işleriniň elmydama rowaç almagyny arzuw edýäris.
Züleýha ŞERMYRADOWA,
S.A.Nyýazow adyndaky Türkmen oba hojalyk uniwersitetiniň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.