Habarlar / TÄZELIKLER
TÄZELIKLER
Türkmenistan bilen ÝB möhüm ulag taslamalary we olary maliýeleşdirmegi maslahatlaşdylar
Türkmenistan bilen Ýewropa Bileleşigi Türkmenistanyň ileri tutulýan ulag taslamalaryna we halkara hyzmatdaşlyk arkaly olary maliýeleşdirmek meselelerine garadylar. Türkmenistanyň Belgiýadaky ilçihanasynyň habar bermegine görä, bu maslahatlaşma çarşenbe güni ÝB-niň Hazarüsti ulag geçelgesini ösdürmek boýunça utgaşdyryjy platformasynyň çäklerinde sanly ulgam arkaly guralan okuw maslahatynyň dowamynda geçirildi.
«RŽD-Medisina» Türkmenistana sapar bilen geldi
Russiýanyň Türkmenstandaky ilçisi Iwan Wolynkin «Миссия Добро» Halkara programmasynyň çäginde Aşgabada gelen «RŽD-Medisina» klinikalar ulgamynyň lukmanlarynyň delegasiýasy bilen duşuşdy, Russiýa Federasiýasynyň ilçihanasynyň habar beriş gullugy habar berdi.
Türkmenistanyň we Özbegistanyň sebitleriniň arasyndaky hyzmatdaşlyk pugtalandyrylýar
Düýn — Özbegistanda öndürilen harytlaryň milli sergisiniň ikinji gününde Türkmenistanyň we Özbegistan Respublikasynyň II sebitara forumy geçirildi. Foruma iki ýurduň söwda, maliýe düzümleriniň ýolbaşçylary, welaýat häkimleri, hususy pudagyň wekilleri gatnaşdylar.
«MAGTYMGULY PYRAGY – AK ÝOLLARYŇ ÇYRAGY» ATLY BÄSLEŞIGIŇ JEMI JEMLENDI
«Pähim-paýhas ummany — Magtymguly Pyragy» ýylynda bellenilýän «Bütindünýä durnukly ulag güni» mynasybetli «Türkmendemirýollary» agentliginiň Demirýolçularyň Kärdeşler arkalaşygynyň Geňeşi bilen «Türkmeniň ýüpek ýoly» gazetiniň redaksiýasynyň Ulag we kommunikasiýalar agentliginiň işgärleriniň publisistik makalalaryny, hekaýalaryny we goşgularyny çap etmegi nazarda tutup, yglan eden «Magtymguly Pyragy – ak ýollaryň çyragy» atly döredijilik bäsleşiginiň jemi jemlendi.
Aşgabat – Astrahan – Kazan ugry boýunça uçar gatnawy maslahatlaşyldy
Häzirki hyzmatdaşlygyň gün tertibi Russiýa Federasiýasynyň Astrahan sebitiniň daşary aragatnaşyklar ministri Wladimir Golowkow bilen Türkmenistanyň Astrahandaky konsuly Gadam Ilamanowyň arasyndaky duşuşygynyň esasy mowzugy boldy.
Seulda türkmen wekiliýetiniň gatnaşmagynda serhetüsti sanly söwda boýunça sebitleýin seminar geçirildi
Seulda CAREC (“Merkezi Aziýada sebitleýin ykdysady hyzmatdaşlyk” maksatnamasy) ýurtlary üçin serhetüsti sanly söwda boýunça sebitleýin seminar geçirildi. Çärä Türkmenistanyň Döwlet gümrük gullugynyň wekilleri gatnaşdy.
Türkmenistanyň gümrük serhedinden geçirilýän harytlaryň gözegçilikli iberilmegi nähili amala aşyrylýar
Türkmenistanyň Gümrük kodeksiniň 348-nji maddasyna laýyklykda, Türkmenistanyň gümrük serhedinden geçirilýän harytlaryň gözegçilikli iberilmegi operatiw-agtaryş çäresi bolup durýar, onda operatiw-agtaryş işini amala aşyrýan edaralaryň rugsady bilen we gözegçiligi astynda Türkmenistanyň gümrük çägine getirilmegine, bu çäkden alnyp gidilmegine ýa-da bu çäkde getirilen harytlaryň ondan-oňa geçirilmegine ýol berilýär.
Türkmenistan — Özbegistan: milli bähbitlere laýyk gelýän hyzmatdaşlyk
Düýn Lebap welaýatynyň edara ediş merkezi Türkmenabat şäherindäki «Türkmeniň ak öýi» binasynda Türkmenistanyň we Özbegistan Respublikasynyň II sebitara forumynyň hem-de özbek harytlarynyň milli sergisiniň açylyş dabarasy boldy. Oňa ýurdumyzyň ministrlikleriniň, pudaklaýyn dolandyryş edaralarynyň, welaýatlaryň häkimlikleriniň, jemgyýetçilik guramalarynyň, köpçülikleýin habar beriş serişdeleriniň ýolbaşçylarydyr wekilleri, Özbegistanyň wekiliýetiniň agzalary gatnaşdylar.
Hytaýyň 10 sany şäherinde 5G+ senagat Internetiň synag maksatnamasy işläp başlaýar
Hytaýyň 10 sany şäherinde 5G+ senagat Internetiň toplumlaýyn ulanylyşyny ösdürmek boýunça synag maksatnamasy işläp başlady.
Garaşsyz Türkmenistan — jebisligiň we abadançylygyň ýurdy
Mukaddes Garaşsyzlygymyzyň 33 ýyllyk baýramynyň öňüsyrasynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde we hormatly Prezidentimiz Serdar Berdimuhamedowyň gatnaşmagynda geçirilen Türkmenistanyň Halk Maslahatynyň mejlisi şöhratly geçmişine aýawly garaýan we nurana geljegiň binýadyny şu günden goýýan halkymyzyň jebisligini, ruhy bitewüligini aýdyň görkezdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.