Arkadag şäherinde 5G aragatnaşygy ornaşdyryldy
29-06-25
Arkadagly Gahryman Serdarymyzyň başda durmagynda täze tehnologiýalar, kämil hem akylly serişdeler ýurdumyzyň ähli pudaklaryna giňden ornaşdyrylýar. Öňdebaryjy innowasiýalaryň giňden ornaşdyrylmagy bolsa ýurt ösüşiniň möhüm şerti bolup durýar.
Gahryman Arkadagymyzyň başlangyçlary bilen, Hormatly Prezidentimiziň parasatly baştutanlygynda Merkezi Aziýada durmuş şertleri tutuşlygyna elektron ulgam arkaly dolandyrylýan ýeke-täk «akylly» şäher — Arkadag şäherine «Türkmenaragatnaşyk» agentligi tarapyndan 5G tehnologiýasy ornaşdyryldy.
5G tehnologiýasynyň ýola goýulmagy tehnologiýa ösüşiniň täze tapgyryna ädim bolmak bilen edara-kärhanalaryň işini tiz we oňaýly dolandyrmaga, sanly hyzmatlardan çalt peýdalanmaga mümkinçilik berer.
Mälim bolşy ýaly, şu ýylyň 22-nji fewralynda Milli Liderimiz Arkadag şäherine iş saparyny amala aşyryp, 4G+ aragatnaşyk tehnologiýasynyň işe girizilmegine ak pata beripdi. Şeýle hem Gahryman Arkadagymyz iş saparynyň dowamynda 5G tehnologiýasyny işe girizmegiň mümkinçiliklerini öwrenmek bilen bagly tabşyryklary berdi.
Şunuň bilen baglylykda, «Türkmenaragatnaşyk» agentligi tarapyndan Hytaý Halk Respublikasynyň «Huawei» kompaniýasy bilen bilelikde bu ugurda degişli işler geçirilip, bu ulgamy Arkadag şäherinde ornaşdyrmagyň ähli şertleri öwrenildi we 5G tehnologiýasy bu günki gün şäheriň ähli ýerinde doly elýeterli boldy.
Ykdysadyýetiň günsaýyn sanlylaşdyrylýan häzirki döwründe 5G tehnologiýasy internet hyzmatlaryndan peýdalanmagyň iň ýokary tizlikli neslidir. 4G aragatnaşygynyň tizligi sekuntda 200-250 MB maglumatlary geçirmäge ukyply bolsa, 5G sekuntda 500 MB-den — 1 GB çenli maglumatlary geçirip bilýär. Bu sanly ösüş ýokary tizlikli interneti talap edýän programma üpjünçilikleriniň ýeňil dolandyrylmagyny, şeýle hem birbada müňlerçe enjam arkaly internetden bökdençsiz peýdalanmagy üpjün edýär.
Arkadag şäheriniň şertlerinde 5G tehnologiýasy bilim maglumatlaryny ýokary tizlikde almaga, önümçilikde enjamlary sanly ulgam esasynda tiz dolandyrmaga, «akylly» şäher konsepsiýasynyň täze aýratynlyklaryndan peýdalanmaga, telewideniýede gepleşikleri 4K ölçegde göni ýaýlyma bermäge, telemedisina amallaryny ýerini ýetirmäge giň mümkinçilikleri açar.
Robototehnika ýaly depginli ösýän pudakda hem bu tehnologiýanyň uly ähmiýeti bar. Ol robotlaryň uzak aralykdan dolandyrylmagynda, robot tehnikalary ornaşdyrylan pudaklarda işleriň bökdençsiz amala aşyrylmagynda wajyp orna eýedir. Robotlar arkaly çylşyrymly we takyk lukmançylyk amallaryny ýerine ýetirmekde, senagatyň dürli pudaklarynda robotlardan peýdalanmakda 5G aragatnaşygynyň kömegi bilen iň ýokary netijeleri gazanyp bolýar.
Bu aragatnaşyk tehnologiýasy ýurdumyzda ähli ugurlarda işleriň has-da netijeli alnyp barylmagy üçin täze iş ülňüleriniň, innowasion dolandyryş endikleriniň, ýokary hiliň we önümçilik kuwwatlylygynyň sazlaşygyny döretmegiň täze döwrüne badalga berer.
5G tehnologiýasy — munuň özi dünýäniň häzirki zaman binagärlik çözgütlerinden ugur alnyp, täze tehnologiýalara esaslanyp bina edilen «akylly» şäherimiziň iň bir möhüm düzüm bölegidir. Ol Arkadag şäherinde häzirki zaman telekommunikasiýa infrastrukturasynyň döredilendigini alamatlandyryp, ykdysadyýetiň okgunly ösüşine ýardam berer.
Türkmenistan, Azerbaýjan we Özbegistan lomaý-paýlaýyş merkezleriniň ulgamyny döreder
Azerbaýjan, Özbegistan we Türkmenistan durnukly söwda-logistika zynjyrlaryny ösdürmek maksady bilen bilelikdäki lomaý-paýlaýyş merkezleriniň ulgamyny döretmegi meýilleşdirýärler. Bu barada Özbegistan Respublikasynyň Maýa goýumlar we daşary söwda ministri Laziz Kudratow 22-nji awgustda Awazada geçirilen “Türkmenistan–Azerbaýjan–Özbegistan” üçtaraplaýyn duşuşygynyň çäklerinde “Özbegistan-24” teleýaýlymyna beren interwýusynda mälim etdi.
Türkmenistan daşary işler ministri Moskwada rus kärdeşi bilen duşuşyk geçirdi
Türkmenistanyň Daşary işler ministri Raşid Meredow Moskwada rus kärdeşi Sergeý Lawrow bilen gepleşikler geçirdi. Duşuşyk ikitaraplaýyn gatnaşyklaryň berkidilmegine we dürli ugurlarda hyzmatdaşlygyň ösdürilmegine bagyşlandy. Bu barada Russiýa Federasiýasynyň DIM-i gepleşikleriň netijesi boýunça bilelikdäki metbugat beýanatynda habar berdi.
Türkmenistanyň hemişelik Bitaraplygy — parahatçylygyň we ösüşiň binýady
Türkmenistanyň hormatly Prezidentimiziň baştutanlygynda halkara giňişlikde giň goldawa eýe bolýan daşary syýasat strategiýasy hemişelik Bitaraplyk hukuk derejesine esaslanýar. Bu özboluşly doktrina parahatçylykly ýaşamak, sebitde howpsuzlygy, durnukly ösüşi üpjün etmek üçin binýat bolup, 30 ýylyň dowamynda ýurdumyza ygtybarly hyzmatdaş we dünýä prosesleriniň işjeň agzasy hökmünde çykyş etmäge mümkinçilik berýän netijeli gurala öwrüldi.
Aşgabatda noýabrda «CIET 2025» halkara maslahaty geçiriler
Şu ýylyň noýabr aýynda Aşgabat ýene-de bir gezek halkara ünsi özüne çeker, bu ýerde köpden bäri garaşylýan pudagara innowasiýalar, maýa goýumlary we hyzmatdaşlyk babatda ýurdumyzyň öňdebaryjy çäresi «Türkmenistanyň gurluşyk, senagat, himiýa, energetika pudaklarynyň ösüşi» («CIET 2025») atly halkara maslahaty geçiriler.
Durnukly arabaglanyşyk — durnukly ösüş
«Awaza» milli syýahatçylyk zolagynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde geçirilen «Arabaglanyşyk: araçägiň daşyndaky sanly mümkinçilikler» atly çäre bu ýurtlarda ýokary ulag çykdajylary, üstaşyr geçelgelere zerurlyk we ykdysadyýeti diwersifikasiýalaşdyrmakda mümkinçilikleriň çäkli bolmagy bilen bagly meseleleri çözmekde sanly özgertmeleriň ornuna bagyşlandy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.