Habarlar
Habarlar
Türkmenistanyň Prezidenti sanly ulgam arkaly iş maslahatyny geçirdi
8-nji maýda hormatly Prezidentimiz Serdar Berdimuhamedow Ministrler Kabinetiniň Başlygynyň obasenagat toplumyna gözegçilik edýän orunbasary A.Ýazmyradowyň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Onda ýurdumyzyň oba hojalyk toplumynda we sebitlerde alnyp barylýan işleriň barşy bilen bagly meselelere garaldy.
Arkadag hem-de Aşgabat şäherleriniň arasynda tiz otlulary işe girizmek teklip edildi
«RŽD» açyk paýdarlar jemgyýeti Türkmenistana Arkadag — Aşgabat ýolunda sagatda 140 km tizlikli sebit ýolagçy otlusynyň taslamasyny teklip etdi. Muny halkara ulag-üstaşyr forumyna gatnaşmak üçin türkmen paýtagtyna gelen «RŽD» AGPJ baş direktorynyň birinji orunbasary Sergeý Pawlow habar berdi.
«Kras-Logistics» Türkmenistanda şahamçasyny açmagy meýilleşdirýär
Germaniýanyň «Kras-Logistics» transport kompaniýasy Türkmenistanda wekilhanasyny açmagy meýilleşdirilýär. Muny «Halkara ulag-üstaşyr geçelgeleri: özara arabaglanyşyk we ösüş — 2023» atly halkara maslahata gatnaşmak üçin Aşgabat şäherine gelen «Kras-Logistics GmbH»-iň baş müdiri Haýnrih Waal mälim etdi.
HALYPA HÜNÄRMEN
Her bir dogýan Günüň ak säherini alnyňa sylyp, eşretli durmuşda ýaşap, ýurdumyzyň awtomobil pudagynyň ösüşlerine mynasyp goşant goşmak paýynyň nesibäňe düşmegi bagtyýarlykdan nyşandyr. Ömür ýuwaş-ýuwaşdan garramak däl-de, kem-kemden kämilleşmekdir. Şuňa ýaşlykdan göz ýetirip, öz ukyp-başarnygyňy açyp, şol ugurdan kämillige ymtylsaň, ol seni hökman üstünlige getirer. Ol üstünliklere ýetmek üçin hem, ilki başdan öňüňde anyk maksat goýmak zerur.
«Türkmenpoçta» soňky gazananlary bilen halkara ulag maslahatyna gatnaşyjylara tanyş etdi
«Türkmenpoçta» poçta aragatnaşyk kompaniýasynyň öňdebaryjy tehnologiýalary ornaşdyrmak boýunça alyp barýan işleri «Türkmenaragatnaşyk» agentliginiň başlygy Hajymyrat Hudaýgulyýewiň «Halkara ulag-üstaşyr geçelgeleri: özara arabaglanyşyk we ösüş — 2023» atly ikinji halkara maslahatda eden çykyşynda öz beýanyny tapdy.
Maý aýynda Türkmenistana iki sany ýük teplowozy getiriler
3-4-nji maýda Aşgabadyň Söwda-senagat edarasynda geçirilen «Halkara ulag-üstaşyr geçelgeleri: özara arabaglanyşyk we ösüş — 2023» atly II halkara maslahat we sergi üstünlikli jemlendi.
Aşgabatda geçirilen ulag boýunça halkara maslahatyň netijeleri üns merkezinde
4-nji maýda paýtagtymyzdaky Söwda-senagat edarasynyň mejlisler zalynda “Halkara ulag-üstaşyr geçelgeleri: özara arabaglanyşyk we ösüş — 2023” atly II halkara maslahatyň jemlerine bagyşlanan metbugat maslahaty geçirildi. 3-4-nji maýda geçirilen maslahata dünýäniň 40-dan gowrak ýurdundan wekiller gatnaşdy.
Türkmenistanyň Prezidenti Beýik Britaniýanyň we Demirgazyk Irlandiýanyň Birleşen Patyşalygynyň Patyşasyna täç geýdirmek dabarasyna gatnaşdy
7-nji maýda Beýik Britaniýada iş saparynda bolýan hormatly Prezidentimiz Serdar Berdimuhamedow Beýik Britaniýanyň we Demirgazyk Irlandiýanyň Birleşen Patyşalygynyň Patyşasy Karl III-ä we Şa aýalyna täç geýdirmek dabarasyna gatnaşdy.
Aşgabatda geçirilýän halkara foruma gatnaşyjy myhmanlar awtobana we Türkmenbaşydaky deňiz portuna baryp görerler
4-nji maýda «Halkara ulag-üstaşyr geçelgeleri: özara arabaglanyşyk we ösüş — 2023» atly halkara maslahat öz işini ugurdaş mejlisler arkaly dowam eder.
Türkmenistanyň Prezidenti bilen Russiýa Federasiýasynyň Prezidentiniň arasynda telefon arkaly söhbetdeşlik
7-nji maýda hormatly Prezidentimiz Serdar Berdimuhamedow bilen Russiýa Federasiýasynyň Prezidenti Wladimir Putiniň arasynda telefon arkaly söhbetdeşlik boldy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.