Habarlar / TÄZELIKLER
TÄZELIKLER
Çapar goşundysy arkaly indi Türkmenistanyň edaralarynyň belgilerini gözläp bolýar
Çapar goşundysynyň täzelenen görnüşinde Türkmenistanyň edaralarynyň telefon belgilerini gözlemek funksiýasy peýda boldy.
TALAPKÄR HALYPANYŇ ÜŞÜKLI ŞÄGIRDI
Ýusubyň atasy Huddy agadyr kakasy Rozmuhammet aga ömrüniň aglaba bölegini sürüji bolup işläp geçiripdi. Kakasydyr atasynyň işden boş wagtlary halk hojalyk ýükli hem-de ýolagçy gatnadýan ulaglaryň gatnawy, olaryň aýratynlyklary, abatlanylyşy baradaky berýän gürrüňleri heniz orta mekdepde okap ýören Ýusupda gyzyklanma döredýärdi. Ol öz ýanyndan atasy, kakasy ýaly sürüji bolup işlemegi arzuw edýärdi.
Russiýa Gazagystan we Türkmenistan bilen Hazarýaka aýlaw ýoluny gurar
Russiýa Federasiýasy maý aýynda geçiriljek «Russiýa — Yslam dünýäsi: KazanForum» maslahatynyň çäklerinde Gazagystan we Türkmenistan bilen Hazaryň kenarýakasynda aýlaw ýoluny gurmak meselesini ara alyp maslahatlaşmagy meýilleşdirýär. Bu barada Russiýa Federasiýasynyň Premýer-ministriniň orunbasary Marat Husnulliniň sözlerine salgylanyp, «RIA Nowosti» habar berýär.
Türkmenistan we Eýran “Howdan-Bajgyran” serhet geçelgesinde ýük awtoulaglaryň geçirilişini dikeltdi
Türkmen-eýran serhedindäki “Howdan- Bajgyran” gözegçilik-geçiriş nokadyndan ýük awtoulaglarynyň geçirilişi gaýtadan dikeldildi. Bu barada Eýranyň Daşary işler ministrliginiň Horasan sebitindäki wekili Mohammad Beheştiniň sözlerine salgylanyp, IRNA agentligi geçen hepdäniň penşenbe güni habar berdi.
Almaty — Aşgabat uçuşlary üçin petekleri nireden satyn almalydygy belli boldy
«Türkmenistan» awiakompaniýasy 28-nji martdan Aşgabatdan Almaty şäherine (Gazagystan) we yzyna yzygiderli uçuşlary gaýtadan ýola goýýar.
«Altyn Asyr» ýapyk görnüşli paýdarlar jemgyýeti «Oraza» hyzmatyny ýola goýdy
«Altyn Asyr» ýapyk görnüşli paýdarlar jemgyýeti täze «Oraza» atly USSD hyzmatyny ýola goýdy. Abonentler agyz beklenýän we açylýan wagtlaryny tölegsiz «Oraza» hyzmatyndan peýdalanyp, anyklap bilerler.
Türkmenistanyň Awtomobil mekdepleriniň birleşigi sürüjilik okuwlaryna çagyrýar
«Türkmenawtoulaglary» agentliginiň Awtomobil mekdepleriniň birleşigi Türkmenistanyň ýaşaýjylaryny sürüjilik şahadatnamalarynyň ähli derejeleri boýunça sürüjilik okuwlaryny geçmäge çagyrýar.
Türkmenbaşy — Gazagystan aralygynda awtomobil ýoly gurlar
Türkmenistanyň Gurluşyk we binagärlik ministrligi Awtomobil ýollarynyň gurluşygyny dolandyrmak baradaky döwlet agentliginiň buýurmagynda «Türkmenbaşy — Garabogaz — Gazagystan serhedi» täze, döwrebap awtomobil ýolunyň we onuň ugrundaky desgalaryň taslamasyny düzmek we gurmak boýunça halkara bäsleşik yglan edýär. Bu barada «Türkmenistan» gazetiniň 20-nji martyndaky sanynda habar berildi.
Türkmenbaşy halkara deňiz portunyň hyzmatlaryny we mümkinçiliklerini giňeltmek boýunça alnyp barylýän gepleşikler
Ýakynda "Türkmendeňizderýaýollary" agentliginiň wekilleri bilen «KPMG Tax and Advisory LLC» kompaniýasynyň wekilleriniň arasynda wideoaragatnaşyk arkaly duşuşyk geçirildi. Duşuşygyň dowamynda kompaniýanyň wekilleri kompaniýanyň alyp barýan işleri, esasy ugurlary we halkara derejesindäki tejribeleri bilen tanyşdyrdylar.
Türkmen-özbek ulaglar arkaly söwda dolanyşygy $59,6 milliona deň boldy
Özbegistanyň Türkmenistan bilen ulaglar arkaly daşary söwda dolanyşygy 2023-nji ýylyň ýanwar-fewral aýlarynda 59,6 million ABŞ dollaryna deň boldy. Bu barada Özbegistanyň Statistika baradaky döwlet komitetiniň anna güni çap eden hasabatynda maglumat berildi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.