Habarlar
Habarlar
Garaşsyz, hemişelik Bitarap Türkmenistanyň halkyna
Sizi 1941 — 1945-nji ýyllaryň Beýik Watançylyk urşunda gazanylan Ýeňşiň şanly 80 ýyllygy mynasybetli tüýs ýürekden gutlaýaryn.
Türkmenistanyň Ministrler Kabinetiniň mejlisi
8-nji maýda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda şu ýylyň dört aýynda ýurdumyzda alnyp barlan işleriň jemleri jemlenildi.
Türkmenistan we ÝB howpsuzlyk meselelerini hem-de sebit başlangyçlaryny maslahatlaşdylar
Türkmenistanyň daşary işler ministriniň orunbasary Ahmet Gurbanow duşenbe güni ÝB-niň Türkmenistandaky ilçisi Beata Peksa we “Hedaýa” Zorlukly ekstremizme garşy göreş boýunça öňdebaryjy tejribäniň halkara merkeziniň bilermenleri bilen duşuşdy. Bu barada Türkmenistanyň Daşary işler ministrliginiň metbugat gullugy habar berýär.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Türkmen-fransuz ykdysady forumyndaky çykyşy
Şu duşuşygy geçirýändigimize örän şatdyryn. Meniň forumdaky çykyşym üç ugurdan ybarat bolar: birinjisi, Türkmenistanyň häzirki geosyýasy ýagdaýy, ikinjisi geoykdysady ýagdaýy, üçünjisi bolsa bilelikdäki işleri utgaşdyrmak bilen bagly meseledir.
Gahryman Arkadagymyzyň Fransiýa Respublikasyna resmi sapary
Ozal habar berlişi ýaly, 5-nji maýda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Fransiýa Respublikasyna resmi saparyny amala aşyrdy. Saparyň dowamynda möhüm duşuşyklar we gepleşikler, şol sanda dostlukly ýurduň Prezidenti Emmanuel Makron bilen gepleşikler geçirildi.
Sanly ykdysadyýet hereketde: «Bir penjire» ulgamy daşary söwdany nähili ýeňilleşdirýär
Türkmenistanda ornaşdyrylan «Eksport-import amallary üçin bir penjire» ulgamy ýurdumyzyň sanly ykdysadyýete geçmegi ugrunda amala aşyrylýan esasy ädimleriň biridir. Bu taslama Türkmenistanyň Döwlet gümrük gullugy tarapyndan halkara standartlara laýyklykda, BMG-niň Ösüş Maksatnamasynyň we BMG-niň Söwda we ösüş boýunça konferensiýasy ýaly halkara guramalaryň işjeň hyzmatdaşlygy bilen durmuşa geçirildi.
Türkmenistan “Etihad Rail” kompaniýasy bilen ulag-logistikadaky hyzmatdaşlygyň geljegini maslahatlaşdy
Türkmenistan we Birleşen Arap Emirlikleriniň “Etihad Rail” milli demir ýol operatory ulag-logistika ulgamynda hyzmatdaşlygy pugtalandyrmagyň, şol sanda bilelikdäki infrastruktura taslamalary durmuşa geçirmegiň mümkinçiliklerini maslahatlaşdylar.
«Halk hakydasy» ýadygärlikler toplumynda gül goýmak çäresi geçirildi
9-njy maýda Türkmenistanda 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenilýär. Bu sene mynasybetli Aşgabatdaky «Halk hakydasy» ýadygärlikler toplumynda gül goýmak çäresi geçirildi. Oňa türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy. Bu barada TDH habar berýär.
Gahryman Arkadagymyzyň Fransiýa Respublikasyna resmi sapary başlandy
5-nji maýda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow resmi sapar bilen Fransiýa Respublikasyna ugrady. Paýtagtymyzyň Halkara howa menzilinde türkmen halkynyň Milli Lideri Gahryman Arkadagymyzy ýurdumyzyň resmi adamlary ugratdylar.
“Ak şäherim Aşgabat” sergisi: paýtagtyň binagärlik, ulag we tehnologiýa ösüşi
2025-nji ýylyň 24-25-nji maýynda “Ak şäherim Aşgabat” atly XXIV köpugurly halkara sergisi we maslahaty geçiriler. Ol Aşgabat şäheriniň häkimligi we Türkmenistanyň Söwda-senagat edarasy tarapyndan guralýar diýip, Türkmenistanyň resmi metbugaty şenbe güni habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.