Nepis sungatyň sarpasy
01-05-23
Haly — türkmen halkymyzyň gadymy sungaty — ene-mamalarymyzyň nesillerimize miras goýan senedidir, milli mirasydyr. Şeýle-de haly bedew atymyz, alabaý itimiz ýaly halkymyzyň dünýä beren gymmatlyklarynyň biridir. Türkmen gelin-gyzlarymyzyň diýseň nepis dokan halylaryny gören, synlan her bir adam oňa haýran galyp, bu inçe sungaty döredenlere sagbolsun aýdýar.
Baryp-ha XIII asyrda italýan syýahatçysy Marko Polo dünýäni aýlanyp çykanda, Ýer ýüzünde gören iň täsin zatlarynyň hatarynda türkmen gelin-gyzlarynyň on barmagynyň hünäri bolan, kalbynyň mähri siňen ajaýyp halylar hakynda: «Bu ýerde bilýäňizmi, dünýäde iň nepis we owadan halylar dokalýar» diýip ýazypdyr. Munuň özi bolsa ene-mamalarymyzyň, gelin-gyzlarymyzyň gujurly gollarynyň gudraty, darak hem-de ýürek sesiniň, kalbyndan çykýan mähir-muhabbeti bilen utgaşmagy netijesinde döreýän halylaryň, galyberse-de halyçylyk sungatynyň gadymdan gelýän, özi-de Älemi haýran edýän gadymy sungatdygyna şaýatlyk edýär. Şeýle bolansoň, häzir türkmen halylary dünýäniň abraýly muzeýlerinde iň gymmatly eksponat hökmünde saklanylýar. Stambulda, Londonda, Tähranda, Stokgolmda, Waşingtonda, Nýu-Ýork ýaly dünýäniň uly şäherlerinde ýerleşýän muzeýleri şol muzeýleriň hatarynda görkezmek bolar.
Gahryman Arkadagymyzyň eýe eden Berkarar döwletiň täze eýýamynyň Galkynyşy döwründe halkymyzyň gadymy sungatyna, senedine goýulýan sarpa täze röwüşe eýe bolýar. Arkadagly Serdarymyzyň taýsyz tagallalary netijesinde bu gadymy sungaty döwrebap derejede ösdürmek maksady bilen asylly we döwletli işler durmuşa geçirilýär. «Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasynda» dokma senagatyny ýokary depginler bilen ösdürmek, täze, döwrebap tehnologiýalar we enjamlar bilen enjamlaşdyrylan kärhanalary gurmak esasy wezipe bolup durýar. Şeýle-de Prezident Maksatnamasynda dokma senagatyna degişli kärhanalaryň önümçilik kuwwatyny artdyryp, daşary ýurtlara eksport edilýän, bäsleşige ukyply dokma önümleriniň, şol sanda ussat halyçylarymyzyň nepislik bilen dokaýan haly we haly önümleriniň öndürilişini artdyrmak hem meýilleşdirilýär. Şundan ugur alnyp, bu günki gün halyçylyk pudagynyň önümçilik düzümi-de döwrebaplaşdyrylýar. Öňden hereket edýän fabrikleriň durky täzelenýär.
Halkymyzyň bu gadymy sungatyna uly sarpa goýýan türkmen halkynyň Milli Lideriniň «Arşyň nepisligi» atly ajaýyp kitaby bolsa, ata-babalarymyzdan, ene-mamalarymyzdan miras galan bu gadymy sungaty, senedi dowam etdirýän ýaş halyçylar üçin gollanma bolup hyzmat edýär. Kitaphanalarymyzda ýerleşýän bu ajaýyp kitaplar ýurdumyzyň bagtyýar raýatlary üçin sowgadyň ulusy, serpaýlaryň-da seresi boldy.
Gahryman Arkadagymyzyň atalyk kitaplarynda belläp geçişi ýaly: «Türkmen halysy türkmen gelin-gyzlarynyň kalp söýgüsinden, arzuw-umytlaryndan kemal tapan sungatdyr». Türkmen halkynyň gadymy mirasy bolan halyçylyk sungatyny ösdürmek ugrunda uly tagallalary edýän Milli Liderimiziň hem-de Arkadag Prezidentimiziň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!
Saýara BALTAÝEWA,
Türkmen oba hojalyk institutynyň Oba hojalygynyň meliorasiýasy kafedrasynyň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.