Berkarar döwletiň täze eýýamynyň Galkynyşy döwründe Hormatly Prezidentimiz Arkadagly Gahryman Serdarymyzyň saýasynda türkmen halkynyň her bir güni toýdyr-baýramlara, şanly  wakalara beslenýär.

Eziz Watanymyzda Hasyl toýunyň uly baýram hökmünde döwlet derejesinde giňden bellenmegi örän çuňňur many-mazmuna eýedir. Çünki bu baýram halkymyzyň yhlas bilen zähmet çekip gazanan baýlyklaryna, sahawatly türkmen topragyndan öndüren hasylyna bolan buýsanjynyň aýdyň beýanydyr.

Hasyl toýy türkmen daýhanlarynyň çekýän halal zähmetine döwlet derejesinde goýulýan belent sarpadan nyşandyr.

Ýaşaýşyň we bolçulygyň gözbaşy bolan mukaddes suw tebigaty janlandyrýar, giň giden sähralarymyzy gülzarlyga hem-de bereket mekanyna öwürýär. Şonuň üçin hem suwuň gadyr-gymmatyny, sarpasyny belent tutan halkymyz asyrlar boýy onuň her damjasyny altyn dänesine deňäpdir. «Suwly ýer - gül, suwsuz ýer - çöl», «Suw ýygnanyp köl bolar, köp ýygnanyp - il» diýen ýaly ajaýyp nakyllary döredipdir. Bu bolsa türkmen halkynyň ýaşaýşyň gözbaşy hasaplanýan mukaddes suwa bolan garaýşyny aýdyň beýan edýär.

Suw – ýa­şaý­şyň çeş­me­si. Onuň or­nu­ny tu­tup bil­jek hiç zat ýok. Şol se­bäp­li su­wuň is­rip edil­mez­li­gi örän mö­hüm bo­lup dur­ýar.

Berkarar döwletiň täze eýýamynyň Galkynyşy döwründe Hormatly Prezidentimiziň baştutanlygynda oba hojalygy pudagynda oňyn özgertmeler durmuşa geçirilýär.

Hormatly Prezidentimiziň il-ýurt bähbitli alyp barýan işleri netijesinde ýurduň oba hojalyk pudagy ýokary derejeli ösüşlere eýe bolýar.

Suw serişdelerinden rejeli peýdalanmak — Türkmenistanyň döwlet syýasatynyň ileri tutulýan ugurlarynyň biri hasaplanýar. Hormatly Prezidentimiz Serdar Berdimuhamedow ilatyň ýaşaýyş-durmuş derejesini gowulandyrmagyň möhüm şerti hökmünde suw serişdeleriniň rejeli peýdalanylmagyna aýratyn ähmiýet berilýär.

Döwlet Baştutanymyz ekerançylyk meýdanlaryny suwarmagyň hilini gowulandyrmak maksady bilen, suw tygşytlaýjy tehnologiýalaryň ornaşdyrylmagynyň ähmiýetine ünsi çekip, suw akabalarynyň arassalanylmagyny, ýerleriň talabalaýyk özleşdirilmegini hem-de olaryň şorlaşmagynyň öňüniň alynmagyny möhüm wezipeleriň hatarynda kesgitledi.

Hä­zir­ki wagt­da suw baý­lyk­la­ry­my­zy art­dyr­mak bi­len bir ha­tar­da, ony re­je­li peý­da­lan­ma­ga gö­nük­di­ri­len iş­ler hem al­nyp ba­ryl­ýar. Dam­ja­la­ýyn, ýa­gyş­la­ýyn we ýe­ras­ty su­wa­ryş usul­la­ry­nyň or­naş­dy­ryl­ma­gy 30-40 gö­te­ri­me çen­li su­wy tyg­şyt­la­ma­ga, ekin­le­ri su­wuň bas­ma­gyn­dan we ýer­le­riň şor­laş­ma­gyn­dan go­ra­ma­ga hem-de te­kiz bol­ma­dyk ýer­le­ri gi­ňiş­le­ýin öz­leş­dir­mä­ge müm­kin­çi­lik ber­ýär.

Türk­men hal­ky­nyň aba­dan dur­mu­şy­ny üp­jün et­mek üçin be­ýik iş­le­ri dur­mu­şa geçirýän türkmen halkynyň Milli Lideri Gahryman Arkadagymyzy, Hormatly Prezidentimiz Arkadagly Gahryman Serdarymyzy hem-de türkmen döwletiniň agzybir halkyny Hasyl toýy baýramçylygy bilen tüýs ýürekden gutlaýaryn!

Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag, başlary dik, il bähbitli, ýurt ähmiýetli alyp barýan işleriniň elmydama rowaçlyklara beslenmegini arzuw edýäris.   

Aýjemal ARTYKOWA,
Türkmen oba hojalyk institutynyň mugallymy.