TUTUMLARY ULY, ÝOLLARY AMAN, DÜNÝÄ NURUNY SAÇÝAR BAGTYÝAR ZAMAN
03-10-23
Hormatly Prezidentimiziň ata Watanymyzy berk binýatly, kuwwatly döwlete öwürmek, merdana halkymyzy bolelin durmuşda ýaşatmak ugrunda alyp barýan syýasaty Arkadag Serdarly bagtyýar ýaşlar ýylynda hem rowaçlyklara beslenýär. Her bir işde halkyň bähbidini ähli zatdan öňde goýýan hormatly Prezidentimiziň öňden görüjiligi bilen ýurduň ykdysady syýasaty üstünlikli durmuşa geçirilýär. Arkadagly Serdarymyzyň parasatly baştutanlygyndan rowaç alyp, bedew bady bilen şöhratly geljege tarap öňe barýan Garaşsyz Türkmenistan bu gün ata-baba arzuw-yhlaslary siňen garaşsyz döwletde asuda asmanyň astynda, parahat durmuşda ýaşaýar. Bu gün halkymyzyň erkanalyk, garaşsyzlyk duýgulary Watan ykbaly bilen sazlaşyp, bagtyýar geljege röwşen nuruny saçýar.
Garaşsyzlyk ýyllary içinde ata Watanymyz Türkmenistan syýasatda, ykdysadyýetde, medeniýetde, halk hojalygynyň ähli ugurlarynda görlüp eşidilmedik üstünlikleri gazanyp, halkara jemgyýetçiliginiň deň hukukly agzasyna öwrüldi. Arkadagly Serdarymyzyň parasatly baştutanlygynda ata Watanymyz Türkmenistan bu gün halkara bähbitli başlangyçlary öňe sürýän ýurt hökmünde bütin dünýäde tanalýar. Berkarar döwletiň täze eýýamynyň Galkynyşy döwründe giň gerimli durmuş, syýasy we ykdysady özgertmeler durmuşa geçirildi. Syýasy taýdan durnukly we agzybir jemgyýetimizde mähriban halkymyz öz bellän maksatlaryny ynamly amala aşyryp, durnukly syýasy, ykdysady we durmuş taýdan ösüşi gazanýar. Halk hojalygynyň ähli ugurlarynda gazanylýan ajaýyp üstünlikler halkymyzy ýagty geljegine tarap ynamly öňe alyp barýar.
Dünýä tejribesiniň görkezişi ýaly, döwletiň öz ösüş ýolunda oňyn netijeleri gazanmagy üçin örän oýlanyşykly we dogry ýoly seçipalmagy wajypdyr. Türkmenistanyň ykdysady strategiýasy indi birnäçe ýylyň dowamynda seçilip alnan ýoluň üstünlige eýe bolýandygyny hem-de kabul edilýän ykdysady çözgütleriň dogrudygyny aýdyň tassyklaýar.Amala aşyrylýan bu işler giň gerimli milli maksatnamalary durmuşa geçirmegiň ýolunda möhüm ädimdir. Häzirki zaman dünýäsinde bolup geçýän özgertmeleri we dünýäniň ösen döwletlerinde toplanan syýasy, ykdysady tejribeleriň milli tejribämiz we milli bähbitlerimiz bilen utgaşdyrylyp kabul ediljek bu maksatnama asylly maksatlara gönükdirilendir.
Has takygy, hormatly Prezidentimiz tarapyndan başy başlanan bilimlere we innowasiýalara daýanýan, ykdysady, durmuş we ekologiýa taýdan amatly tehnologiýalary özünde jemleýän, ykdysadyýetiň pudaklaýyn we eýeçilik görnüşleri babatynda diwersifkasiýalaşdyrylmagyny üpjün edýän, ilatyň intellektual we durmuş şertlerini ygtybarly dünýä derejelerine ýetirýän bazar ykdysadyýeti özgertmeleriniň durmuşa ornaşdyrylmagyny dowam etdirmek bu maksatnamanyň esasy maksadydyr.
Ýüregi ata Watanymyza söýgüden, ene topragymyza mähirden, halal hem-de joşgunly zähmet çekmäge hyjuwdan doly halkymyzy Arkadagly Gahryman Serdarymyzyň daşyna hasda jebisleş dirýär. Hormatly Prezidentimiziň döwletimiziň syýasy, ykdysady, medeni taýdan ösen döwletleriň hataryndaky ornuny berkitmäge gönükdirilen döwlet syýasaty netijesinde ata Watanymyz durnukly ösýär, dünýä ykdysady giňişligine üstünlikli goşulýar, halkymyz eşretli durmuşda ýaşaýar. Ýörän ýoly biziň üçin ýörelge, beýik, nusgalyk işleri görelde, parasatly sözleri şygar bolan Arkadagly Serdarymyzyň janynyň sag, belent başynyň aman, tutumly işleriniň rowaçlyklara beslenmegini arzuw edýäris!
Döwlet IMAMKULOW,
Türkmenistanyň Inžener-tehniki we ulag kommunikasiýalary institutynyň Demir ýol ulaglary fakultetiniň 4-nji ýyl talyby.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.