Dil sowatlylygy – dünýä tejribesine daýanýan ulgam
28-04-23
Hormatly Prezidentimiz Serdar Berdimuhamedowyň başda durmagynda ýurdumyzyň halk hojalygynyň ähli ugurlarynyň, şol sanda ylym we bilim ulgamynyň has-da kämilleşmegine, rowaçlanmagyna, onuň dünýä ülňülerine laýyklykda ösdürilmegine giň ýol açyldy. Arkadagly Serdarymyzyň başlangyjy bilen amala aşyrylýan innowasion özgertmeleriň esasynda ylym-bilim ulgamynyň öňünde durýan maksatlara üstünlikli ýetilýär.
Ýurdumyzda bilim ulgamyny has-da kämilleşdirmek, sanly bilim konsepsiýasyny üstünlikli ornaşdyrmak ugrunda giň gerimli özgertmeler maksatnamasy durmuşa geçirilýär. Şeýle hem ata Watanymyzda ýaşlara dil öwretmekde uly işler edilýär. Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedow bu barada: “Diliň kämilligi ruhuň kämilligidir. Milletiň kämilligi bolsa biziň baş maksadymyzdyr” diýip belläp geçýär.
Bilim ulgamyna innowasiýalary we täze tehnologiýalary ornaşdyrmak, dünýä tejribesine hem-de ylmyň täze gazananlaryna esaslanylyp tassyklanan “Türkmenistanda daşary ýurt dillerini okatmagy kämilleşdirmegiň Konsepsiýasyny” iş ýüzüne doly geçirmek boýunça-da uly işler alnyp barylýar.
Hakykatdan hem, her bir dil medeniýetiň aýrylmaz bölegi bolmak bilen çäklenmän, eýsem, halkyň medeni mirasynyň esasy açary hökmünde hyzmat edýär. Adamzat aragatnaşygyndaky möhüm hyzmaty ýerine ýetirýän dil baýlygy jemgyýetçilik aňyýetindäki öňdebaryjy pikirleriň, döredijilik işiň esasy guralydyr. Dil bilmek — bu halklaryň dostlukly, parahatçylykly gatnaşyklaryny berkitmekde, medeni-ynsanperwer gatnaşyklaryny ösdürmekde, şahsyýetiň ruhy dünýäsini giňeltmekde ähmiýeti uludyr. Bir söz bilen aýdylanda dil bilmek dünýäniň ähli halklarynda uly mertebe, baýlyk hasap edilýär we ol islendik ýerde uly hormata, sylaga mynasyp bolýar.
Hormatly Prezidentimiziň Karary bilen tassyklanan “Türkmenistanda daşary ýurt dillerini okatmagy kämilleşdirmegiň Konsepsiýasy” hem-de ony durmuşa ornaşdyrmak boýunça geçirmeli çäreleriň meýilnamasy uly many-mazmuna eýedir. Konsepsiýa laýyklykda, dil öwrenmek bilen baglanyşykly täzelikleri durmuşa ornaşdyrmak, bilimiň ähli basgançaklarynda bäsleşige ukyplylygy ýokarlandyrmak boýunça çäreleriň täze tapgyryny durmuşa geçirmek ýaly aýdyň maksatlar öňde durýar.
Dil bilmek zerurlygy göz öňünde tutulyp her ýylda ýurdumyzyň çäginde daşary ýurt dillerini bilýän mekdep okuwçylaryň, talyp ýaşlaryň arasynda dilleri öwrenmek we çuňlaşdyrmak boýunça yzygiderli medeni çäreleri, bäsleşikleri we maslahatlary geçirilip durulýar. Geçirilýän her bir çäre ýaşlaryň daşary ýurt dillerini çuňňur öwrenmeklerinde, dürli medeniýetler bilen tanyşmaklarynda uly ähmiýete eýe bolup durýar. Biz hem geljekde ýaşlarymyzyň arasynda köpçülikleýin işleri geçirip, daşary ýurt dillerini has hem baýlaşdyrmakda özümiziň mynasyp goşandymyzy goşjakdygymyza ynanýarys.
Jennet BEKMETOWA,
Türkmen oba hojalyk institutynyň Iňlis dili mugallymy.
Garaşsyzlyk – buýsanjymyz
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
HALKARA BAŞLANGYÇLAR ROWAÇLYGA ÝOL ALÝAR
Mukaddes Garaşsyzlygymyzyň şanly 35 ýyllyk baýramynyň toýlanýan ýylynda ýurdumyza gelip gowşan hoş habar - Birleşen Milletler Guramasynyň Baş Assambleýasynyň 80-nji sessiýasynyň 106-njy plenar mejlisinde Türkmenistanyň başlangyjy bilen “2028-nji ýyl - Halkara hukuk ýyly” atly Kararnamanyň biragyzdan kabul edilmegi Bitarap döwletimiziň umumadamzat bähbitli halkara başlangyçlaryny öňe sürýän döwlet hökmünde dünýäde ykrar edilýändigine şaýatlyk edýär.
GARAŞSYZLYK - KALBYMYZYŇ AÝDYMY
Eziz Watanymyz Türkmenistan baky Bitaraplygyň, bagtyýarlygyň we beýik ösüşleriň mekany hökmünde şanly seneleriň, taryhy wakalaryň röwşen nuruna beslenip, täze belentliklere tarap ynamly öňe barýar. Halkymyzyň milli buýsanjy, asudalygynyň hem-de berkararlygynyň synmaz binasy bolan mukaddes Garaşsyzlygymyzyň 35 ýyllyk şanly toýuny garşylamaga ýurdumyzyň ähli künjeginde uludan taýýarlyk görülýär.
GARAŞSYZLYK – KÖŇÜLLERIŇ BUÝSANJY
Häzirki ajaýyp döwrümizde bilim özgertmeleri üstünlikli durmuşa geçirilýär. Gahryman Arkadagymyzyň beýik başlangyçlary Arkadagly Gahryman Serdarymyzyň baştutanlygynda dowam edýär, beýik işler halkymyzy buýsandyrýar. Ylym-bilimde döredilýän giň mümkinçilikler, täze bilim ojaklary bilim işgärlerini has-da döredijilikli işlemäge ruhlandyrýar.
BAGTYÝAR GELJEGE YNAMLY GADAM
Garaşsyzlyk ýyllary içinde Türkmenistan dünýä kartasynda özüniň parahatçylyk söýüji daşary syýasaty, güýçli ykdysadyýeti we berk jemgyýetçilik agzybirligi bilen tanalýan kuwwatly döwlete öwrüldi. Mukaddes Garaşsyzlygyň 35 ýyllyk dabaraly baýramyna barýan ýolumyz - bu beýik gurluşyklaryň, ylym-bilimiň ösüşiniň, jemgyýetçilik-syýasy özgerişleriň taryhydyr.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.