GÖZELLIGIŇ DÜRDÄNESI AK ŞÄHERIM AŞGABAT
20-06-23
Garaşsyz, hemişelik Bitarap Türkmenistan döwletimizde adam döwletiň iň gymmatly hazynasy hasaplanýar. Gahryman Arkadagymyzyň we Arkadagly Serdarymyzyň başlangyjy esasynda Aşgabady ösdürmek boýunça kabul edilýän resminamalar paýtagtlylaryň eşretli durmuşda ýaşamagyny, zähmet çekmegini nazarlaýar. Bilşimiz ýaly, Aşgabat şäheri dünýäde ak mermer bilen örtülen binalaryň has köp toplanan şäheri hökmünde Ginnesiň rekordlar kitabyna girizildi.
Jahandaky geň-enaýy, täsin ýagdaýlary hasaba alýan abraýly neşiriň sahypalarynda nurana Aşgabadyň adynyň mynasyp orun tutmagy baş şäherimiziň ösdürilmeginde ýetilen sepgitleriň halkara derejesinde ykrar edilmeginiň aýdyň subutnamasydyr. Şeýle bolansoň, il-günümiziň, mähriban Arkadagymyzyň mähir-yhlasyndan kemala gelen şäherimiziň nury-jemalyna neneň buýsanmajak, neneň guwanmajak?!
Aşgabat diňe bir özüniň ajaýyp keşbi bilen däl-de, eýsem, her dürli halkara, şol sanda ylmy maslahatlaryň geçirilýän şäheri, sebitde parahatçylyk, ylalaşdyryjy merkez bolup durýandygy arkaly-da ady älemde mälimdir. Dünýäniň ýurtlaryndan belli syýasatçylaryň, döwlet ýolbaşçylarynyň bu ýere gelip, yklym, dünýä ähmiýetli meseleleri ara alyp maslahatlaşýandygy-da Aşgabada, hormatly Prezidentimize, halkymyza, mahlasy, Garaşsyz Türkmenistana goýulýan sarpadan, bildirilýän ynamdan nyşandyr. Ýagşy iş etseň, il tanaýar. “Älem içre adam gezmez at gezer” diýlişi ýaly, häzirki döwürde mähriban Arkadagymyzy dünýä ähmiýetli başlangyçlary öňe sürýän Lider hökmünde, Aşgabady bolsa haýyrly işlere badalga berýän şäher hökmünde dünýäniň çar künjeginde tanaýarlar.
Ak kümüş ýaly gözel şäheriň her binasynda türkmeniň ruhy öwüşgini, mertebe belentligi bar. Milli Liderimiziň tagallasy bilen gurlan her bir binanyň sungat derejesine ýetmegi, olaryň mermer bilen ýazylan, döwrüň, ýurduň, halkyň bagtyny wasp edýän esere meňzeýändigi kalbyňda joşgun döredýär. Bu ak binalaryň hersi hakynda aýratyn söhbet edip, göwrümli eserleri ýazmak mümkin. Seretseň, köňlüňe şatlyk dolýar.
Döwrüň ösüşleriniň türkmeniň milli ýörelgelerinden ugur alyp, halkara derejesinde ýaýbaňlanýandygyny her ädimde görüp bolýar. Munuň mysalynda ýurdumyzyň ähli ýerlerinde bolşy ýaly, paýtagtymyzda hem ençeme döwrebap binalaryň, şol sanda «Türkmenbaşy», «Senagat» paýdarlar täjirçilik banklaryň, Halk Maslahatynyň Diwany, Kabul ediş merkezi, «Arkadag» myhmanhanasyň, «Laçyn» seýilgähiň, Söwda we dynç alyş işewürlik merkezlerinden hem-de döwrebap ýaşaýyş jaýlaryndan ybarat bolan «Aşgabat» binalar toplumyň açylyş dabaralaryny aýtmak bolar.
Gurulýan binalar, desgalar halkyň ykbalyndan aýry geçmeýär hem-de ýurdumyzyň ähli ugurlardan gülläp ösýändigini görkezýär. Ýurdumyzda we paýtagtymyz Aşgabatda ýerine ýetirilýän gurluşyklar milli ýörelgelerimizden ugur almak bilen bir hatarda ylmyň gazananlarynyň esasynda hem amala aşyrylýar.
Gözel paýtagtymyzy ösdürmek ugrunda birnäçe çäksiz işleri durmuşa geçirýän Gahryman Arkadagymyzyň we Arkadagly Serdarymyzyň jany sag, ömri uzak, belent başy aman bolsun, il-ýurt bähbitli işleri elmydama rowaçlyklara beslensin! Milli Liderimiziň we Arkadagly Prezidentimiziň yhlasy bilen güller açýan ak mermerli gözel paýtagtymyz Aşgabat güllesin, gül açsyn!
Baýram GURBANDURDYÝEW,
Türkmen oba hojalyk institutynyň Agronomçylyk fakultetiniň Oba hojalyk ekinleriniň seçgisi we tohumçylygy hünäriniň 401-nji toparçasynyň talyby.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.