BERKARAR DÖWLETIMIZIŇ ŞANLY GADAMLARY
03-06-23
Berkarar döwletiň täze eýýamynyň Galkynyşy döwri türkmen halkyna uly bagty peşgeş berdi. Garaşsyzlyk we Bitaraplyk halkymyzyň milli akabasyna dolanyp gelmek isleginiň, erkanalyk ruhunyň köňüllerde şinelän binýady netijesinde bina boldy. Sebäbi türkmen halkynyň ruhy dünýäsinde geçmişde azat hem erkin durmuşy gurmaklygyň gymmatynyň aýratyn orny bardy.
Bu iki mukaddeslik geçmişde halkymyzyň toplan mirasyny we durmuş tejribesini jemgyýete gaýtaryp getirdi. Ata-babalarymyzyň nesillere galdyran baý mirasyna, giň dünýägaraýşyna, paýhasly ýol-ýörelgelerine eýe bolduk. Berkarar döwletimiziň her bir raýaty bu adamkärçilikli ýörelgelerdir paýhas gorlarynyň dürdänelerini häzirki zaman jemgyýetinde gymmatlyk hökmünde nusga edinip aldy.
«Arkadag Serdarly bagtyýar ýaşlar» ýylynda Türkmenistan döwletimiziň mukaddes Garaşsyzlygyny bütin dünýä jar edenine 32 ýyl, hemişelik Bitaraplyk hukugyna bolsa 27 ýyl dolýar. Bu döwürde türkmen halky halal zähmeti, baý döredijilik mirasy, ynsanperwer garaýyşlary, dostlukly, hoşniýetli gatnaşyklary bilen bütin dünýäde ykrar edilen millet hökmünde özüni tanatdy. Bu mukaddeslikler pederlerimiziň ýyllarboýy arzuw-telwaslarynyň, köňül küýsegleriniň bu günki günde amala aşandygynyň görkezijisi hökmünde belent hem milli häsiýetde ebedi bütewiligini tapdy. Gahryman Arkadagymyzyň alyp barýan parahatçylyk we ynanyşmak syýasaty döwletimiziň dürli ugurlardaky belent ösüşlerine we ýaşaýyş rowaçlygyna täzeden jan, täzeden badalga berdi.
Diýarymyz arzuwlaryň amala aşyp, halkyň eşretli zamanada bagtyýar döwran sürýän ýurduna öwrüldi. Garaşsyzlyk hem Bitaraplyk binýadyny düýpli berkidýän ýurt Baştutanymyzyň halkymyza bagyş eden erkinliginiň, rowaçlygynyň, bagtyýarlygynyň bu günki gündäki höziri hem, ýakymy hem başgaça.
Gysga wagtyň içinde ýurdumyzyň ähli pudaklarynda uly ösüşler gazanyldy. Ýurtda halkyň maddy we ruhy durmuşyny özgerden birnäçe durmuş-ykdysady, medeni we syýasy maksatnamalar kabul edildi. Türkmenistan gülläp ösýän ykdysadyýetli, kadaly syýasy ulgamly, hemmetaraplaýyn sazlaşykly ösýän demokratik, hukuk we dünýewi häzirki zaman döwletine öwrüldi. Ýurdumyzyň gysga wagtda dünýä jemgyýetçiligi tarapyndan ykrar edilmegi bolsa ösüşleriň täze belentligine çykmaga, dünýä ähmiýetli, umumadamzat bähbitli meseleleri öňe sürmäge itergi berdi.
«Arkadag Serdarly bagtyýar ýaşlar» ýylynda ynsanperwerlik ýörelgesinden ugur alyp, Türkmenistan Diýarymyzyň ösüşlerini dünýä derejesine çykaran, halkara at-abraýyny belentliklere galdyran Gahryman Arkadagymyzyň hem-de Arkadagly Serdarymyzyň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!
Ylýas MERDANOW,
Türkmenistanyň döwlet energetika institutynyň 1-nji ýyl talyby.
Bilimleriň we bilimlileriň Watany
Ýurdumyzyň baş şäheriniň keşbi düýpgöter özgerip, sazlaşygyň we gözelligiň beýanyna öwrüldi. Şanly wakalardan doly we döredijilikli täze durmuşy başdan geçirýän eziz Diýarymyz döwrebap derejede ösen ylym-bilim merkezidir. Ak mermerli paýtagtymyzda, ýurdumyzyň beýleki şäherleridir etraplarynda öňdebaryjy tehnologiýalar bilen üpjün edilen täze döwrebap mekdepler, çagalar baglary, döredijilik merkezleri gurulýar. Olarda okamak hem-de bilimiňi artdyrmak üçin ähli şertler döredilendir.
Halk Maslahaty: demokratiýa, döwletlilik, jebislik
Berkarar döwletiň täze eýýamynyň Galkynyşy döwründe Türken halkynyň Milli Lidei Gahryman Arkadagymyzyň döwlet gurluşyny kämilleşdirmek, halkyň ýaşaýyş derejesini ýokarlandyrmak, ykdysady kuwwaty artdyrmak boýunça öňe sürýän başlangyçlary häzirki wagtda hormatly Prezidentimiz, Arkadagly Gahryman Serdarymyzyň baştutanlygynda üstünlikli dowam etdirilýär. Milli gymmatlyklara, asylly ýörelgelere uly üns berilýär we olar döwrebap derejede ösdürilýär.
Milli demokratiýanyň dabaralanmasy
Gahryman Arkadagymyzyň we Arkadagly Gahryman Serdarymyzyň parasatly baştutanlygynda ýurdumyzy durmuş-ykdysady taýdan durnukly ösdürmäge, ilatyň ýaşaýyş-durmuş derejesini ýokarlandyrmaga gönükdirilen giň gerimli özgertmeler amala aşyrylýar. Ýurdy hemmetaraplaýyn özgertmekde, jemgyýeti jebisleşdirmekde Halk Maslahatynyň ähmiýeti uludyr.
Merkezi kazyýet lukmançylygynyň belent sepgitleri
Türkmenistanyň saglygy goraýyş ulgamynda amala aşyrylýan giň gerimli özgertmeleriň netijesinde kazyýet lukmançylygy gullugy hem täze ösüş ýoluna düşdi. 2016-njy ýylyň 21-nji iýulynda açylan Morfologiýa merkeziniň Merkezi kazyýet lukmançylygy edarasy geçen on ýylyň dowamynda özüni ýokary derejeli ylmy-amaly merkez hökmünde tanatdy.
TÄZE TEJRIBE – KÄMILLIGE ÝOL
Berkarar döwletiň täze eýýamynyň Galkynyşy döwründe peder ýoluny mynasyp dowam edýän Arkadagly Gahryman Serdarymyzyň parasatly baştutanlygynda ýurdumyzyň bilim binýadyny ýokarlandyrmak ugrunda ägirt uly işler durmuşa geçirilýär. Häzirki wagtda ýurdumyzda talyplaryň bilim almagy diňe nazaryýet bilen çäklenmän, eýsem, olary amaly tejribe ýoluna ugrukdyrmak zerur bolup durýar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.