Gelse Nowruz äleme...
19-03-25
Asyrlar boýy ulydan baýram edilip gelinýän Nowruz baýramynyň türkmen halky üçin ähmiýeti örän ulydyr. Nowruz täzelenişiň, päkizeligiň, Zemin asudalygynyň nyşanyny aňladýan özboluşly baýramçylykdyr. Bu baýramyň taryhy kökleriniň müňýyllyklara uzaýşy ýaly, onda ýerine ýetirilýän däp-dessurlar hem gadymylygy bilen tapawutlanyp many-mazmuna baýdyr.
Zemine Nowruz gelip, ýyl täzelende halkymyz maýsalan bugdaýlardan semeni gaýnadyp, ýakyn-ýatlara, dost-doganlara, goňşylara paýlamak dessurlaryny amala aşyrýarlar. Bu bolsa agzybirligi, jebisligi has-da berkitmäge ýardam edýär. Ýaş oglan-gyzlar ýaz paslynyň mylaýym günlerinde hiňňildikler uçup, bu baýramyň şowhun-şatlygyny ýokary galdyrýarlar. Gelin-gyzlaryň halk döredijiliginiň iň bir naýbaşy görnüşleriniň biri bolan monjugatdyny öz döredijilik ukyplary esasynda ýerine ýetirmekleri Nowruzyň esasy mazmunyny özünde jemleýär. Şahyrlar Nowruzyň waspyny öz goşgy setirlleride giňden wasp etseler, aýdymçylar şirin mukamlaryna salyp belentden ýerine ýetirlärler.
Birleşen Milletler Guramasy 21-nji marty Halkara Nowruz güni diýip yglan etmek bilen, bu baýramçylygy halklaryň arasynda parahatçylygy pugtalandyrýan, dost-doganlyk we ynsanprwerlik ýörelgelerini şöhlelendirýän dabara hökmünde bellemäge çagyrdy.
Bu barada hormatly Prezidentimiz: «Nowruz baýramy halklaryň arasynda özara düşünişmäge, birek-birege hormat goýmaga we agzybirligi berkitmäge ýardam berýär. Şoňa görä-de, bu gadymy baýramy halkymyz ýakyn goňşulary bilen hoşniýetli gatnaşmak, parahatçylyk we ynsanperwerlik ýörelgelerini ösdürmek baradaky asylly däpleri mynasyp dowam edip, agzybirlikde we jebislikde garşy alýar» diýip, halkalaryň ynsanperwer we hoşniýetli gatnaşyklarynda Halkara Nowruz baýramçylygynyň uly ähmiýete eýedigini nygtaýar. Hakykatdanam, her dürli milli tagamlar bilen bezelen saçaklaryň giňden açylmagy, birek-biregiňkä myhmançylyga gelinmegi ynsanlaryň arasyndaky mähribanlygy, hormat-sarpany artdyrýar. Ýakyn-ýat bilen dost-doganlykly gatnaşmak bolsa, biziň halkymyzyň esasy ýörelgeleriniň biridir.
Halkara Nowruz baýramyna bagyşlanan dabaralar bu gadymy baýramçylygyň däpleriniň täze many-mazmun bilen baýlaşdyrylýandygyna, biziň mirasymyzyň bolsa, häzirki nesiller tarapyndan dowam etdirilýändigine ýene-de bir gezek göz ýetirmäge mümkinçilik berýär.
Goý, halkyny bagtly geljege alyp barýan türkmen halkynyň Milli Lideriniň hem-de Arkadagly Gahryman Prezidentimiziň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!
Enejan ANNAÝEWA,
Beki Seýtäkow adyndaky Mugallymçylyk mekdebiniň 1-nji yyl talyby.
Garaşsyzlyk – buýsanjymyz
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
HALKARA BAŞLANGYÇLAR ROWAÇLYGA ÝOL ALÝAR
Mukaddes Garaşsyzlygymyzyň şanly 35 ýyllyk baýramynyň toýlanýan ýylynda ýurdumyza gelip gowşan hoş habar - Birleşen Milletler Guramasynyň Baş Assambleýasynyň 80-nji sessiýasynyň 106-njy plenar mejlisinde Türkmenistanyň başlangyjy bilen “2028-nji ýyl - Halkara hukuk ýyly” atly Kararnamanyň biragyzdan kabul edilmegi Bitarap döwletimiziň umumadamzat bähbitli halkara başlangyçlaryny öňe sürýän döwlet hökmünde dünýäde ykrar edilýändigine şaýatlyk edýär.
GARAŞSYZLYK - KALBYMYZYŇ AÝDYMY
Eziz Watanymyz Türkmenistan baky Bitaraplygyň, bagtyýarlygyň we beýik ösüşleriň mekany hökmünde şanly seneleriň, taryhy wakalaryň röwşen nuruna beslenip, täze belentliklere tarap ynamly öňe barýar. Halkymyzyň milli buýsanjy, asudalygynyň hem-de berkararlygynyň synmaz binasy bolan mukaddes Garaşsyzlygymyzyň 35 ýyllyk şanly toýuny garşylamaga ýurdumyzyň ähli künjeginde uludan taýýarlyk görülýär.
GARAŞSYZLYK – KÖŇÜLLERIŇ BUÝSANJY
Häzirki ajaýyp döwrümizde bilim özgertmeleri üstünlikli durmuşa geçirilýär. Gahryman Arkadagymyzyň beýik başlangyçlary Arkadagly Gahryman Serdarymyzyň baştutanlygynda dowam edýär, beýik işler halkymyzy buýsandyrýar. Ylym-bilimde döredilýän giň mümkinçilikler, täze bilim ojaklary bilim işgärlerini has-da döredijilikli işlemäge ruhlandyrýar.
BAGTYÝAR GELJEGE YNAMLY GADAM
Garaşsyzlyk ýyllary içinde Türkmenistan dünýä kartasynda özüniň parahatçylyk söýüji daşary syýasaty, güýçli ykdysadyýeti we berk jemgyýetçilik agzybirligi bilen tanalýan kuwwatly döwlete öwrüldi. Mukaddes Garaşsyzlygyň 35 ýyllyk dabaraly baýramyna barýan ýolumyz - bu beýik gurluşyklaryň, ylym-bilimiň ösüşiniň, jemgyýetçilik-syýasy özgerişleriň taryhydyr.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.