Arkadag şäheri — şöhratly döwrüň dowamaty
19-04-23
Berkarar döwletiň täze eýýamynyň Galkynyşy döwrüniň her bir güni şanly wakalara beslenýär. Ýurdumyzda il-ýurt bähbitli alnyp barylýan döwletli işleriň gerimi barha artýar. Täze şäherde gurlan belent binalary görenimizde hem ýurdumyzyň gülläp ösüşi, halkymyzyň bagtyýar durmuşy üçin amala aşyrylýan beýik işleriň aýdyň şaýady bolýarys.
Hormatly Prezidentimiz Serdar Berdimuhamedow: «Ösüş biziň alyp barýan syýasatymyzyň baş maksadydyr» diýip, buýsançly belleýär. Döwlet Baştutanymyz Gahryman Arkadagymyzyň gurmak, döretmek we halkymyzyň ýaşaýyş-durmuş şertlerini has-da gowulandyrmak babatdaky ajaýyp işlerini üstünlikli dowam etdirýär. Bu aýdylanlara täze, döwrebap edara ediş merkezi aýdyň subutnama bolup durýar. Täze döwrebap merkezine «Arkadag şäheri» adynyň dakylmagy hem ähli türkmenistanlylaryň ýüreginde egsilmez buýsanç duýgularyny döretdi. Belent Köpetdagyň eteginde bina edilen bu ajaýyp hem-de tutuş sebit boýunça deňsiz-taýsyz döwrebap «akylly şäher» Gahryman Arkadagymyzyň hem-de döwlet Baştutanymyzyň ýurdumyzy gülledip ösdürmek, halkymyzy ýokary durmuş şertlerinde ýaşatmak baradaky tagallalary esasynda guruldy.
Gahryman Arkadagymyzyň başlangyjy hem-de şäher gurluşygy we binagärlik sungaty babatdaky ýiti zehini bilen täze şäherde häzirki zaman talaplaryna laýyk enjamlaşdyrylan bilim, saglygy goraýyş, medeniýet edaralary we beýleki binalar gurlup ulanylmaga berilýär. Täze şäherde gurluşyk işleri iki tapgyrda amala aşyrylyp, onuň birinji tapgyry jemi 336 desgany öz içine alýar. Olaryň içinde mekdepler, çagalar baglary, metjit, çagalar sagaldyş-dikeldiş merkezi, saglyk öýi, onkologiýa merkezi, Enäniň we çaganyň saglygyny goraýyş merkezi, köpugurly hassahana, «Tiz kömek» merkezi hem bar.
Bu ýerdäki möhüm desgalaryň mynasyp atlandyrylmagy bolsa, esasy wakalaryň biridir. Täze, döwrebap edara ediş merkezinde gurlan çagalar sagaldyş-dikeldiş merkezine «Gurbanguly Berdimuhamedow adyndaky çagalar sagaldyş-dikeldiş merkezi» diýlip atlandyrylmagy, merkezi seýilgähdäki belent sungat binasyna döwrümiziň görnükli syýasatçysy, türkmen halkynyň Milli Lideri Gurbanguly Berdimuhamedowyň — Gahryman Arkadagymyzyň adynyň dakylmagy we onuň «Arkadag Binasy» diýlip atlandyrylmagy, Halkara atçylyk ýokary okuw mekdebine meşhur seýis, ussat atşynas, şan-şöhraty dünýä dolan ajaýyp ahalteke bedewleriniň ugurbaşy nesillerini döreden halypa seýis Aba Annaýewiň adynyň dakylmagy we onuň «Aba Annaýew adyndaky Halkara atçylyk akademiýasy» diýlip atlandyrylmagy, mugallymçylyk orta hünär okuw mekdebine zähmetsöýer we zehinli mugallym, watançy, edermen esger, ilhalar ynsan, ynsanperwerlik we adalatlylyk ugrunda gaýduwsyz göreşiji Berdimuhamet Annaýewiň adynyň dakylmagy ýokarda aýdylanlara mysaldyr.
Ýurdumyzda 2023-nji ýylyň «Arkadag Serdarly bagtyýar ýaşlar» ýyly diýlip atlandyrylmagy döwletimizde Watanymyzyň şan-şöhratyny belende göteren halypalarymyzyň asylly işlerini döwrebap dowam etdirýän ýaşlar barada hem uly aladalaryň edilýändiginiň aýdyň beýanydyr. Türkmen halkynyň bagtyýar ýaşaýyş-durmuş derejesini yzygiderli gowulandyrmak barada deňsiz-taýsyz tagallalar edýän Gahryman Arkadagymyzyň, hormatly Prezidentimiziň janlary sag, belent başlary aman bolsun, il-ýurt bähbitli alyp barýan işleri rowaçlyga beslensin!
Hüseýin ANNADURDYÝEW,
Türkmenistanyň döwlet energetika institutynyň 2-nji ýyl talyby.
Garaşsyzlyk – buýsanjymyz
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
HALKARA BAŞLANGYÇLAR ROWAÇLYGA ÝOL ALÝAR
Mukaddes Garaşsyzlygymyzyň şanly 35 ýyllyk baýramynyň toýlanýan ýylynda ýurdumyza gelip gowşan hoş habar - Birleşen Milletler Guramasynyň Baş Assambleýasynyň 80-nji sessiýasynyň 106-njy plenar mejlisinde Türkmenistanyň başlangyjy bilen “2028-nji ýyl - Halkara hukuk ýyly” atly Kararnamanyň biragyzdan kabul edilmegi Bitarap döwletimiziň umumadamzat bähbitli halkara başlangyçlaryny öňe sürýän döwlet hökmünde dünýäde ykrar edilýändigine şaýatlyk edýär.
GARAŞSYZLYK - KALBYMYZYŇ AÝDYMY
Eziz Watanymyz Türkmenistan baky Bitaraplygyň, bagtyýarlygyň we beýik ösüşleriň mekany hökmünde şanly seneleriň, taryhy wakalaryň röwşen nuruna beslenip, täze belentliklere tarap ynamly öňe barýar. Halkymyzyň milli buýsanjy, asudalygynyň hem-de berkararlygynyň synmaz binasy bolan mukaddes Garaşsyzlygymyzyň 35 ýyllyk şanly toýuny garşylamaga ýurdumyzyň ähli künjeginde uludan taýýarlyk görülýär.
GARAŞSYZLYK – KÖŇÜLLERIŇ BUÝSANJY
Häzirki ajaýyp döwrümizde bilim özgertmeleri üstünlikli durmuşa geçirilýär. Gahryman Arkadagymyzyň beýik başlangyçlary Arkadagly Gahryman Serdarymyzyň baştutanlygynda dowam edýär, beýik işler halkymyzy buýsandyrýar. Ylym-bilimde döredilýän giň mümkinçilikler, täze bilim ojaklary bilim işgärlerini has-da döredijilikli işlemäge ruhlandyrýar.
BAGTYÝAR GELJEGE YNAMLY GADAM
Garaşsyzlyk ýyllary içinde Türkmenistan dünýä kartasynda özüniň parahatçylyk söýüji daşary syýasaty, güýçli ykdysadyýeti we berk jemgyýetçilik agzybirligi bilen tanalýan kuwwatly döwlete öwrüldi. Mukaddes Garaşsyzlygyň 35 ýyllyk dabaraly baýramyna barýan ýolumyz - bu beýik gurluşyklaryň, ylym-bilimiň ösüşiniň, jemgyýetçilik-syýasy özgerişleriň taryhydyr.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.